॥ इति श्रीस्कान्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे शुद्धेश्वरतीर्थमाहात्म्यवर्णनं नाम त्रिसप्तत्युत्तरशततमो ऽध्यायः ॥ RKV अध्याय 174 श्रीमार्कण्डेय उवाच: गोपेश्वरं ततो गच्छेदुत्तरे नर्मदातटे । यत्र स्नानेन चैकेन मुच्यन्ते पातकैर् नराः
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe śuddheśvaratīrthamāhātmyavarṇanaṃ nāma trisaptatyuttaraśatatamo 'dhyāyaḥ || RKV adhyāya 174 śrīmārkaṇḍeya uvāca: gopeśvaraṃ tato gaccheduttare narmadātaṭe / yatra snānena caikena mucyante pātakair narāḥ
तत्र तीर्थे तु यः स्नात्वा कुरुते प्राणसंक्षयम् । बर्हियुक्तेन यानेन स गच्छेच्छिवमन्दिरे
tatra tīrthe tu yaḥ snātvā kurute prāṇasaṃkṣayam / barhiyuktena yānena sa gacchecchivamandire
क्रीडित्वा सुचिरं कालं शिवलोके नराधिप । इह मानुष्यतां प्राप्य राजा भवति वीर्यवान्
krīḍitvā suciraṃ kālaṃ śivaloke narādhipa / iha mānuṣyatāṃ prāpya rājā bhavati vīryavān
हस्त्यश्वरथसम्पन्नो दासीदाससमन्वितः । पूज्यमानो नरेन्द्रैश्च जीवेद्वर्षशतं नरः
hastyaśvarathasampanno dāsīdāsasamanvitaḥ / pūjyamāno narendraiśca jīvedvarṣaśataṃ naraḥ
सम्प्राप्ते कार्त्तिके मासि नवम्यां शुक्लपक्षतः । सोपवासः शुचिर्भूत्वा दीपकांस्तत्र दापयेत्
samprāpte kārttike māsi navamyāṃ śuklapakṣataḥ / sopavāsaḥ śucirbhūtvā dīpakāṃstatra dāpayet
गन्धपुष्पैः समभ्यर्च्य रात्रौ कुर्वीत जागरम् । तस्य यत्फलमुद्दिष्टं तच्छृणुष्व नराधिप
gandhapuṣpaiḥ samabhyarcya rātrau kurvīta jāgaram / tasya yatphalamuddiṣṭaṃ tacchṛṇuṣva narādhipa
यावत्पुण्यं फलं संख्या दीपकानां तथैव च । तावद्युगसहस्राणि शिवलोके महीयते
yāvatpuṇyaṃ phalaṃ saṃkhyā dīpakānāṃ tathaiva ca / tāvadyugasahasrāṇi śivaloke mahīyate
तस्मिंस्तीर्थे तु राजेन्द्र लिङ्गपूरणकं विधिम् । तथैव पद्मकैश्चैव दधिभक्तैस्तथैव च
tasmiṃstīrthe tu rājendra liṅgapūraṇakaṃ vidhim / tathaiva padmakaiścaiva dadhibhaktaistathaiva ca
यस्तु कुर्यान् नरश्रेष्ठ तस्य पुण्यफलं शृणु । यावन्ति तिलसंख्यानि दधिभक्तं तथैव च
yastu kuryān naraśreṣṭha tasya puṇyaphalaṃ śṛṇu / yāvanti tilasaṃkhyāni dadhibhaktaṃ tathaiva ca
पद्मसंख्या शिवे लोके मोदते कालमीप्सितम् । तस्मिंस्तीर्थे तु राजेन्द्र यत्किंचिद् दीयते नृप
padmasaṃkhyā śive loke modate kālamīpsitam / tasmiṃstīrthe tu rājendra yatkiṃcid dīyate nṛpa
सर्वं कोटिगुणं तस्य संख्यातुं वा न शक्यते । एवं ते कथितं सर्वं सर्वतीर्थमनुत्तमम्
sarvaṃ koṭiguṇaṃ tasya saṃkhyātuṃ vā na śakyate / evaṃ te kathitaṃ sarvaṃ sarvatīrthamanuttamam