Vāyu Purāṇa · Revākhaṇḍa · Chapter 30

RKV_30.1

॥ इति श्रीस्कान्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे नर्मदामाहात्म्ये कावेरीसङ्गममाहात्म्यवर्णनं नामैकोनत्रिंशो ऽध्यायः ॥ RKV अध्याय 30 श्रीमार्कण्डेय उवाच: नर्मदोत्तरकूले तु दारुतीर्थमनुत्तमम् । यत्र सिद्धो महाभाग तपस्तप्त्वा द्विजोत्तमः

|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe narmadāmāhātmye kāverīsaṅgamamāhātmyavarṇanaṃ nāmaikonatriṃśo 'dhyāyaḥ || RKV adhyāya 30 śrīmārkaṇḍeya uvāca: narmadottarakūle tu dārutīrthamanuttamam / yatra siddho mahābhāga tapastaptvā dvijottamaḥ

RKV_30.2

युधिष्ठिर उवाच: को ऽसौ द्विजवरश्रेष्ठः सिद्धस्तत्र महामुने । दारुकेति सुतः कस्य एतन्मे वक्तुम् अर्हसि

yudhiṣṭhira uvāca: ko 'sau dvijavaraśreṣṭhaḥ siddhastatra mahāmune / dāruketi sutaḥ kasya etanme vaktum arhasi

RKV_30.3

श्रीमार्कण्डेय उवाच: भार्गवे विपुले वंशे धीमतो देवशार्मणः । दारुर्नाम महाभागो वेदवेदाङ्गपारगः

śrīmārkaṇḍeya uvāca: bhārgave vipule vaṃśe dhīmato devaśārmaṇaḥ / dārurnāma mahābhāgo vedavedāṅgapāragaḥ

RKV_30.4

ब्रह्मचारी गृहस्थश्च वानप्रस्थो विधिक्रमात् । यतिधर्मविधानेन चचार विपुलतपः

brahmacārī gṛhasthaśca vānaprastho vidhikramāt / yatidharmavidhānena cacāra vipulatapaḥ

RKV_30.5

ध्यायन्वै स महादेवं निराहारो युधिष्ठिर । उवास तीर्थे तस्मिन् वै यावत्प्राणपरिक्षयम्

dhyāyanvai sa mahādevaṃ nirāhāro yudhiṣṭhira / uvāsa tīrthe tasmin vai yāvatprāṇaparikṣayam

RKV_30.6

तस्य नाम्ना तु तत्तीर्थं त्रिषु लोकेषु विश्रुतम् । तत्र स्नात्वा विधानेन अर्चयेत्पितृदेवताः

tasya nāmnā tu tattīrthaṃ triṣu lokeṣu viśrutam / tatra snātvā vidhānena arcayetpitṛdevatāḥ

RKV_30.7

सत्यवादी जितक्रोधः सर्वभूतहिते रतः । सर्वान्कामान् अवाप्नोति राजन्नत्रैव सवर्था

satyavādī jitakrodhaḥ sarvabhūtahite rataḥ / sarvānkāmān avāpnoti rājannatraiva savarthā

RKV_30.8

यः कुर्याद् उपवासं च सत्यशौचपरायणः सौत्रामणिफलं चास्य सम्भवत्यविचारितम्

yaḥ kuryād upavāsaṃ ca satyaśaucaparāyaṇaḥ sautrāmaṇiphalaṃ cāsya sambhavatyavicāritam

RKV_30.9

ऋग्वेदजापी ऋग्वेदी साम वा सामपारगः । यजुर्वेदी यजुर्जप्त्वा लभते फलम् उत्तमम्

ṛgvedajāpī ṛgvedī sāma vā sāmapāragaḥ / yajurvedī yajurjaptvā labhate phalam uttamam

RKV_30.10

प्राणांस् त्यजति यो मर्त्यस् तस्मिंस्तीर्थे विधानतः । अनिवर्तिका गतिस्तस्य इत्येवं शङ्करो ऽब्रवीत्

prāṇāṃs tyajati yo martyas tasmiṃstīrthe vidhānataḥ / anivartikā gatistasya ityevaṃ śaṅkaro 'bravīt