Chapter 131

प्रदक्षिणमकारादीन् स्वरान् पूर्वादितो लिखेत्

pradakṣiṇamakārādīn svarān pūrvādito likhet

चैत्राद्यं भ्रमणाच्चक्रं प्रतिपत् पूर्णिमा तिथिः

caitrādyaṃ bhramaṇāccakraṃ pratipat pūrṇimā tithiḥ

त्रयोदशी चतुर्दशी अष्टम्येका च सप्तमी

trayodaśī caturdaśī aṣṭamyekā ca saptamī

प्रतिपत्त्रयोदश्यन्तास्तिथयो द्वादश स्मृताः

pratipattrayodaśyantāstithayo dvādaśa smṛtāḥ

चैत्रचक्रे तु संस्पर्शाज्जयलाभादिकं विदुः

caitracakre tu saṃsparśājjayalābhādikaṃ viduḥ

चिषमे तु शुभं ज्ञेयं समे चाशुभमीरितम्

ciṣame tu śubhaṃ jñeyaṃ same cāśubhamīritam

युद्धकाले समुत्पत्रे यस्य नम ह्य् उदाहृतम्

yuddhakāle samutpatre yasya nama hy udāhṛtam

मात्रारूढन्तु यन्नाम आदित्यो गुरुरेव च

mātrārūḍhantu yannāma ādityo gurureva ca

जयस्तस्य सदाकालं सङ्ग्रामे चैव भीषणे

jayastasya sadākālaṃ saṅgrāme caiva bhīṣaṇe

ह्रस्वनाम यदा योधो म्रियते ह्य् अनिवारितः

hrasvanāma yadā yodho mriyate hy anivāritaḥ

प्रथमो दीर्घ आदिस्थो द्वितीयो मध्ये अन्तकः

prathamo dīrgha ādistho dvitīyo madhye antakaḥ

द्वौ मध्येन प्रथमान्तौ जायेते नात्र संशयः

dvau madhyena prathamāntau jāyete nātra saṃśayaḥ

पुनश्चान्ते यदा चादौ स्वरारूढन्तु दृश्यते

punaścānte yadā cādau svarārūḍhantu dṛśyate

ह्रस्वस्य मरणं विद्याद् दीर्घस्यैव जयो भवेत्

hrasvasya maraṇaṃ vidyād dīrghasyaiva jayo bhavet

नरचक्रं प्रवक्ष्यामि ह्य् ऋक्षपिण्डात्मकं यथा

naracakraṃ pravakṣyāmi hy ṛkṣapiṇḍātmakaṃ yathā

प्रतिमामालिखेत् पूर्वं पद्यादृक्षाणि विन्यसेत्

pratimāmālikhet pūrvaṃ padyādṛkṣāṇi vinyaset

शीर्षे त्रीणि मुखे चैकं द्वे ऋक्षे नेत्रयोर्न्यसेत्

śīrṣe trīṇi mukhe caikaṃ dve ṛkṣe netrayornyaset

वेदसङ्ख्यानि हस्ताभ्यां कर्णे ऋक्षद्वयं पुनः

vedasaṅkhyāni hastābhyāṃ karṇe ṛkṣadvayaṃ punaḥ

हृदये भूतसङ्ख्यानि षडृक्षाणि तु पादयोः

hṛdaye bhūtasaṅkhyāni ṣaḍṛkṣāṇi tu pādayoḥ

नाम ह्य् ऋक्षं स्फुटं कृट्वा चक्रमध्ये तु विन्यसेत्

nāma hy ṛkṣaṃ sphuṭaṃ kṛṭvā cakramadhye tu vinyaset

नेत्रे शिरोदक्षकर्णे याम्यहस्ते च पादयोः

netre śirodakṣakarṇe yāmyahaste ca pādayoḥ

हृद्ग्रीवावामहस्ते तु पुनर्गुह्ये तु पादयोः

hṛdgrīvāvāmahaste tu punarguhye tu pādayoḥ

यस्मिन्नृक्षे स्थितः सूर्यः सौरिर्भौमस्तु सैंहिकः

yasminnṛkṣe sthitaḥ sūryaḥ saurirbhaumastu saiṃhikaḥ

तस्मिन् स्थाने स्थिते विद्याद् घातमेव न संशयः

tasmin sthāne sthite vidyād ghātameva na saṃśayaḥ

जयचक्रं प्रवक्ष्यामि आदिहान्तांश् च वै लिखेत्

jayacakraṃ pravakṣyāmi ādihāntāṃś ca vai likhet

रेखास्त्रयोदशालिख्य षड्रेखास्तिर्यगालिखेत्

rekhāstrayodaśālikhya ṣaḍrekhāstiryagālikhet

दिग् ग्रहा मुनयः सूर्या ऋत्विग्रुद्रस्तिथिः क्रमात्

dig grahā munayaḥ sūryā ṛtvigrudrastithiḥ kramāt

मूर्छनास्मृतिवेदर्क्षजिना अकडमा ह्य् अधः

mūrchanāsmṛtivedarkṣajinā akaḍamā hy adhaḥ

आदित्याद्याः सप्तहृते नामान्ते बलिनो ग्रहाः

ādityādyāḥ saptahṛte nāmānte balino grahāḥ

आदित्यसौरिभौमाख्या जये सौम्याश् च सन्धये

ādityasauribhaumākhyā jaye saumyāś ca sandhaye

रेखा द्वादश चोद्धृत्य षट् च यास्यास्तथोत्तराः

rekhā dvādaśa coddhṛtya ṣaṭ ca yāsyāstathottarāḥ

मनुश् चैव तु ऋक्षाणि नेत्रे च रविमण्डलं

manuś caiva tu ṛkṣāṇi netre ca ravimaṇḍalaṃ

तिथयश् च रसा वेदा अग्निः सप्तदशाथवा

tithayaś ca rasā vedā agniḥ saptadaśāthavā

वसुरन्ध्राः समाख्याता अकटपानधो न्यसेत्

vasurandhrāḥ samākhyātā akaṭapānadho nyaset

एकैकमक्षरन्न्यस्त्वा शेषाण्येवङ्क्रमान् न्यसेत्

ekaikamakṣarannyastvā śeṣāṇyevaṅkramān nyaset

नामाक्षरकृतं पिण्डं वसुभिर्भाजयेत्ततः

nāmākṣarakṛtaṃ piṇḍaṃ vasubhirbhājayettataḥ

वायसान्मण्डलो ऽत्यग्रो मण्डलाद्रासभो वरः

vāyasānmaṇḍalo 'tyagro maṇḍalādrāsabho varaḥ

रासभाद्वृषभः श्रेष्ठा वृषभात् कुञ्जरो वरः

rāsabhādvṛṣabhaḥ śreṣṭhā vṛṣabhāt kuñjaro varaḥ

कुञ्जराच्चैव पुनः सिंहः सिंहाश् चैव खरुर्वरः

kuñjarāccaiva punaḥ siṃhaḥ siṃhāś caiva kharurvaraḥ

खरोश् चैव बली धूम्रः एवमादि बलाबलं

kharoś caiva balī dhūmraḥ evamādi balābalaṃ