Chapter 138

षट्कर्माणि प्रवक्ष्यामि सर्वमन्त्रेषु तच्छृणु

ṣaṭkarmāṇi pravakṣyāmi sarvamantreṣu tacchṛṇu

आदौ साध्यं लिखेत् पूर्वं चान्ते मन्त्रसमन्वितं

ādau sādhyaṃ likhet pūrvaṃ cānte mantrasamanvitaṃ

पल्लवः स तु विज्ञेयो महोच्चाटकरः परः

pallavaḥ sa tu vijñeyo mahoccāṭakaraḥ paraḥ

आदौ मन्त्रः ततः साध्यो मध्ये साध्यः पुनर्मनुः

ādau mantraḥ tataḥ sādhyo madhye sādhyaḥ punarmanuḥ

योगाख्यः सम्प्रदायो ऽयङ्कुलोत्सादेषु योजयेत्

yogākhyaḥ sampradāyo 'yaṅkulotsādeṣu yojayet

आदौ मन्त्रपदन्दद्यान्मध्ये साध्यं नियोजयेत्

ādau mantrapadandadyānmadhye sādhyaṃ niyojayet

पुनश्चान्ते लिखेन्मन्त्रं साध्यं मन्त्रपदं पुनः

punaścānte likhenmantraṃ sādhyaṃ mantrapadaṃ punaḥ

रोधकः सम्प्रदायस्तु स्तम्भनादिषु योजयेत्

rodhakaḥ sampradāyastu stambhanādiṣu yojayet

अधोर्ध्वं याम्यवामे तु मध्ये साध्यन्तु योजयेत्

adhordhvaṃ yāmyavāme tu madhye sādhyantu yojayet

सम्पुटः सतु विज्ञेयो वश्याकर्षेषु योजयेत्

sampuṭaḥ satu vijñeyo vaśyākarṣeṣu yojayet

मन्त्राक्षरं यदा साध्यं प्रथितञ्चाक्षराक्षरं

mantrākṣaraṃ yadā sādhyaṃ prathitañcākṣarākṣaraṃ

प्रथमः सम्प्रदायः स्यादाकृष्टिवशकारकः

prathamaḥ sampradāyaḥ syādākṛṣṭivaśakārakaḥ

मन्त्राक्षरद्वयं लिख्य एकं साध्यक्षरं पुनः

mantrākṣaradvayaṃ likhya ekaṃ sādhyakṣaraṃ punaḥ

विदर्भः सतु विज्ञेयो वश्याकाकर्षेषु योजयेत्

vidarbhaḥ satu vijñeyo vaśyākākarṣeṣu yojayet

आकर्षणाद् यत् कर्म वसन्ते चैव कारयेत्

ākarṣaṇād yat karma vasante caiva kārayet

तापज्वरे तथा वश्ये स्वाहा चाकर्षणे शुभं

tāpajvare tathā vaśye svāhā cākarṣaṇe śubhaṃ

नमस्कारपदञ्चैव शान्तिवृद्धौ प्रयोजयेत्

namaskārapadañcaiva śāntivṛddhau prayojayet

पौष्टिकेषु वषट्कारमाकर्षे वशकर्मणि

pauṣṭikeṣu vaṣaṭkāramākarṣe vaśakarmaṇi

विद्वेषोच्चाटने मृत्यौ फट् स्यात् खण्डीकृतौ शुभे

vidveṣoccāṭane mṛtyau phaṭ syāt khaṇḍīkṛtau śubhe

लाभादौ मन्त्रदीक्षादौ वषट्कारस्तु सिद्धिदः

lābhādau mantradīkṣādau vaṣaṭkārastu siddhidaḥ

यमो ऽसि यमाराजो ऽसि कालरूपो ऽसि धर्मराट्

yamo 'si yamārājo 'si kālarūpo 'si dharmarāṭ

मयादत्तमिमं शत्रुमचिरेण निपातय

mayādattamimaṃ śatrumacireṇa nipātaya

निपातयामि यत्नेन निवृत्तो भव साधक

nipātayāmi yatnena nivṛtto bhava sādhaka

संहृष्टमनसा ब्रूयाद्देशिको ऽरिप्रसूदनः

saṃhṛṣṭamanasā brūyāddeśiko 'riprasūdanaḥ

पद्मे शुक्ले यमं प्रार्च्य होमादेतत् प्रसिद्ध्यति

padme śukle yamaṃ prārcya homādetat prasiddhyati

आत्मानम्भैरवं ध्यात्वा ततो मध्ये कुलेश्वरीं

ātmānambhairavaṃ dhyātvā tato madhye kuleśvarīṃ

रात्रौ वार्तां विजानाति आत्मनश् च परस्य च

rātrau vārtāṃ vijānāti ātmanaś ca parasya ca

दुर्गे दुर्गे रक्षणीति दुर्गां प्रार्च्यारिहा भवेत्

durge durge rakṣaṇīti durgāṃ prārcyārihā bhavet

जप्त्वा हसक्षमलवरयुम्भैरवीं घातयेदरिं ॥15

japtvā hasakṣamalavarayumbhairavīṃ ghātayedariṃ //15