Chapter 140

वश्यादियोगान् वक्ष्यामि लिखेद् द्व्यष्टपदे त्विमान्

vaśyādiyogān vakṣyāmi likhed dvyaṣṭapade tvimān

भृङ्गराजः सहदेवी मयूरस्य शिखा तथा

bhṛṅgarājaḥ sahadevī mayūrasya śikhā tathā

पुत्रञ्जीवकृतञ्जली ह्य् अधःपुष्पा रुदन्तिका

putrañjīvakṛtañjalī hy adhaḥpuṣpā rudantikā

कुमारी रुद्रजटा स्याद्विष्णुक्रान्ता शितो ऽर्ककः

kumārī rudrajaṭā syādviṣṇukrāntā śito 'rkakaḥ

लज्जालुका मोहलता कृष्णधुस्तूरसञ्ज्ञिता

lajjālukā mohalatā kṛṣṇadhustūrasañjñitā

गोरक्षः कर्कटो चैव मेषशृङ्गी स्नुही तथा

gorakṣaḥ karkaṭo caiva meṣaśṛṅgī snuhī tathā

ऋत्विजो 16 वह्नये 3 नागाः 8 पक्षौ 2 मुनि 3 मनू 14 शिवः 11

ṛtvijo 16 vahnaye 3 nāgāḥ 8 pakṣau 2 muni 3 manū 14 śivaḥ 11

वसवो 8 दिक् 10 रसा 6 वेदा 4 ग्रह 9 र्तु6रवि 12 चन्द्रमाः 1

vasavo 8 dik 10 rasā 6 vedā 4 graha 9 rtu6ravi 12 candramāḥ 1

तिथयश् च 15 क्रमाद्भागा ओषधीनां प्रदक्षिणं

tithayaś ca 15 kramādbhāgā oṣadhīnāṃ pradakṣiṇaṃ

प्रथमेन चतुष्केण धूपश्चोद्वर्तनं परं

prathamena catuṣkeṇa dhūpaścodvartanaṃ paraṃ

तृतीयेनाञ्जनं कुर्यात् स्नानं कुर्याच्चतुष्कतः

tṛtīyenāñjanaṃ kuryāt snānaṃ kuryāccatuṣkataḥ

भृङ्गराजानुलोमाच्च चतुर्धा लेपनं स्मृतं

bhṛṅgarājānulomācca caturdhā lepanaṃ smṛtaṃ

मुनयो दक्षणे पार्श्वे युगाद्याश्चोत्तराः स्मृताः

munayo dakṣaṇe pārśve yugādyāścottarāḥ smṛtāḥ

भुजगाः पादसंस्थाश् च ईश्वरा मूर्ध्नि संस्थिताः

bhujagāḥ pādasaṃsthāś ca īśvarā mūrdhni saṃsthitāḥ

मध्येन सार्कशशिभिर्धूपः स्यात् सर्वकार्यके

madhyena sārkaśaśibhirdhūpaḥ syāt sarvakāryake

एतैर् विलिप्तदेहस्तु त्रिदशैर् अपि पूज्यते

etair viliptadehastu tridaśair api pūjyate

धूपस्तु षोडशाद्यस्तु गृहाद्युद्वर्तने स्मृतः

dhūpastu ṣoḍaśādyastu gṛhādyudvartane smṛtaḥ

युगाद्याश्चाञ्जने प्रोक्ता वाणाद्याः स्नानकर्मणि

yugādyāścāñjane proktā vāṇādyāḥ snānakarmaṇi

रुद्राद्या भक्षणे प्रोक्ताः पक्षाद्याः पानके स्मृताः

rudrādyā bhakṣaṇe proktāḥ pakṣādyāḥ pānake smṛtāḥ

ऋत्विग्वेदर्तुनयनैस्तिलकं लोकमोहनं

ṛtvigvedartunayanaistilakaṃ lokamohanaṃ

सूर्यत्रिदशपक्षैश् च शैलैः स्त्री लेपतो वशा

sūryatridaśapakṣaiś ca śailaiḥ strī lepato vaśā

चन्द्रेन्द्रफणिरुद्रैश् च योनिलेपाद्वशाः स्त्रियः

candrendraphaṇirudraiś ca yonilepādvaśāḥ striyaḥ

तिथिदिग्युगवाणैश् च गुटिका तु वशङ्करी

tithidigyugavāṇaiś ca guṭikā tu vaśaṅkarī

भक्ष्ये भोज्ये तथा पाने दातव्या गुटिका वशे

bhakṣye bhojye tathā pāne dātavyā guṭikā vaśe

ऋत्विग्ग्रहाक्षिशैलैश् च शस्त्रस्तम्भे मुखे धृता

ṛtviggrahākṣiśailaiś ca śastrastambhe mukhe dhṛtā

शैलेन्द्रवेदरन्ध्रैश् च अङ्गलेपाज्जले वसेत्

śailendravedarandhraiś ca aṅgalepājjale vaset

वाणाक्षिमनुरुद्रैश् च गुटिका क्षुत्तृषादिनुत्

vāṇākṣimanurudraiś ca guṭikā kṣuttṛṣādinut

त्रिषोडशदिशावाणैर् लेपात् स्त्री दुर्भगा शुभा

triṣoḍaśadiśāvāṇair lepāt strī durbhagā śubhā

त्रिदशाक्षिदिशानेत्रैर् लेपात् क्रीडेच्च पत्रगैः

tridaśākṣidiśānetrair lepāt krīḍecca patragaiḥ

त्रिदशाक्षेशभुजगैर् लेपात् स्त्री सूयते सुखं

tridaśākṣeśabhujagair lepāt strī sūyate sukhaṃ

सप्तदिङ्मुनिरन्ध्रैश् च द्यूतजिह्वस्त्रलेपतः

saptadiṅmunirandhraiś ca dyūtajihvastralepataḥ

त्रिदशाक्ष्यब्धिमुनिभिर्ध्वजलेपात् रतौ सुतः

tridaśākṣyabdhimunibhirdhvajalepāt ratau sutaḥ

ग्रहाब्धिसर्प्यत्रिदशैर् गुटिका स्याद् वशङ्करी

grahābdhisarpyatridaśair guṭikā syād vaśaṅkarī

ऋत्विक्पदस्थितौषध्याः प्रभावः प्रतिपादितः

ṛtvikpadasthitauṣadhyāḥ prabhāvaḥ pratipāditaḥ