अथ अष्टचत्वारिंशदधिकशततमो ऽध्यायः
atha aṣṭacatvāriṃśadadhikaśatatamo 'dhyāyaḥ
सङ्ग्रमविजयपूजा
saṅgramavijayapūjā
ईश्वर उवाच । ओं डे ख ख्यां सूर्याय सङ्ग्रामविजयाय नमः । ह्रां ह्रों ह्रूं ह्रें ह्रौं ह्रः
īśvara uvāca / oṃ ḍe kha khyāṃ sūryāya saṅgrāmavijayāya namaḥ / hrāṃ hroṃ hrūṃ hreṃ hrauṃ hraḥ
षडङ्गानि तु सूर्यस्य सङ्ग्रामे जयदस्य हि
ṣaḍaṅgāni tu sūryasya saṅgrāme jayadasya hi
ओं हं खं खशोक्लाय स्वाहा । स्पूं ह्रूं हुं क्रूं ओं ह्रों क्रें
oṃ haṃ khaṃ khaśoklāya svāhā / spūṃ hrūṃ huṃ krūṃ oṃ hroṃ kreṃ
प्रभूतं विमलं सारसाराध्यं परमं मुखं
prabhūtaṃ vimalaṃ sārasārādhyaṃ paramaṃ mukhaṃ
धर्मज्ञानञ्च वैराग्यमैश्वर्याद्यष्टकं यजेत्
dharmajñānañca vairāgyamaiśvaryādyaṣṭakaṃ yajet
अनन्तासनं सिंहासनं पद्मासनमतः परं
anantāsanaṃ siṃhāsanaṃ padmāsanamataḥ paraṃ
कर्णिकाकेशरण्येव सूर्यसोमाग्निमण्डलं
karṇikākeśaraṇyeva sūryasomāgnimaṇḍalaṃ
दीप्ता सूक्ष्मा जया भद्रा विभूतिर्विमला तथा
dīptā sūkṣmā jayā bhadrā vibhūtirvimalā tathā
अमोघा विद्युता पूज्या नवमी सर्वतोमुखी
amoghā vidyutā pūjyā navamī sarvatomukhī
सत्त्वं रजस्तमश् चैव प्रकृतिं पुरुषं तथा
sattvaṃ rajastamaś caiva prakṛtiṃ puruṣaṃ tathā
आत्मानञ्चान्तरात्मानं परमात्मानमर्चयेत्
ātmānañcāntarātmānaṃ paramātmānamarcayet
सर्वे विन्दुसमायुक्ता मायानिलसमन्विताः
sarve vindusamāyuktā māyānilasamanvitāḥ
उषा प्रभा च सन्ध्या च साया माया बलान्विता
uṣā prabhā ca sandhyā ca sāyā māyā balānvitā
विन्दुविष्णुसमायुक्ता द्वारपालास् तथाष्टकं
vinduviṣṇusamāyuktā dvārapālās tathāṣṭakaṃ
सूर्यं चण्डं प्रचण्डञ्च पूजयेद्गन्धकादिभिः
sūryaṃ caṇḍaṃ pracaṇḍañca pūjayedgandhakādibhiḥ
पूजया जपहोमाद्यैर् युद्धादौ विजयो भवेत्
pūjayā japahomādyair yuddhādau vijayo bhavet
इत्य् आग्नेये महापुराणे युद्धजयार्णवे सङ्ग्रामविजयपूजा नाम अष्टचत्वारिंशदधिकशततमो ऽध्यायः ॥
ity āgneye mahāpurāṇe yuddhajayārṇave saṅgrāmavijayapūjā nāma aṣṭacatvāriṃśadadhikaśatatamo 'dhyāyaḥ ||