Chapter 164

श्रीकामः शान्तिकामो वा ग्रहयज्ञं समारभेत्

śrīkāmaḥ śāntikāmo vā grahayajñaṃ samārabhet

वृष्ट्यायुःपुष्टिकामो वा तथैवाभिचरन् पुनः

vṛṣṭyāyuḥpuṣṭikāmo vā tathaivābhicaran punaḥ

सूर्यः सोमो मङ्गलश् च बुधश्चाथ बृहस्पतिः

sūryaḥ somo maṅgalaś ca budhaścātha bṛhaspatiḥ

शुक्रः शनैश् चरो राहुः केतुश्चेति ग्रहाः स्मृताः

śukraḥ śanaiś caro rāhuḥ ketuśceti grahāḥ smṛtāḥ

ताम्रकात् स्फटिकाद्रक्तचन्दनात् स्वर्णर्कादुभौ

tāmrakāt sphaṭikādraktacandanāt svarṇarkādubhau

रजतादयसः शीशात् ग्रहाः कार्याः क्रमादिमे

rajatādayasaḥ śīśāt grahāḥ kāryāḥ kramādime

सुवर्णैर् वायजेल्लिख्य गन्धमण्डलकेषु वा

suvarṇair vāyajellikhya gandhamaṇḍalakeṣu vā

यथावर्णं प्रदेयानि वासांसि कुसुमानि च

yathāvarṇaṃ pradeyāni vāsāṃsi kusumāni ca

गन्धाश् च वलयश् चैव धूपो देयस्तु गुग्गुलुः

gandhāś ca valayaś caiva dhūpo deyastu gugguluḥ

कर्तव्या मन्त्रयन्तश् च चरवः प्रतिदैवतं

kartavyā mantrayantaś ca caravaḥ pratidaivataṃ

आकृष्णेन इमं देवा अग्निर्मूर्धा दिवः ककुत्

ākṛṣṇena imaṃ devā agnirmūrdhā divaḥ kakut

उद्बुद्ध्यस्वेति च ऋचो यथासङ्ख्यं प्रकीर्तिताः

udbuddhyasveti ca ṛco yathāsaṅkhyaṃ prakīrtitāḥ

वृहस्पते अतियदर्यस्तथैवाल्पात् परिश्रुतः

vṛhaspate atiyadaryastathaivālpāt pariśrutaḥ

शन्नो देवीस् तथा काण्डात् केतुं कृन्वन्निमास् तथा

śanno devīs tathā kāṇḍāt ketuṃ kṛnvannimās tathā

अर्कः पालाशः खदिरो ह्य् अपामार्गोथ पिप्पलः

arkaḥ pālāśaḥ khadiro hy apāmārgotha pippalaḥ

उदुम्बरः शमी दुर्वा कुशाश् च समिधः क्रमात्

udumbaraḥ śamī durvā kuśāś ca samidhaḥ kramāt

एकैकस्यात्राष्टशतमष्टाविंशतिरेव वा

ekaikasyātrāṣṭaśatamaṣṭāviṃśatireva vā

होतव्या मधुसर्पिर्भ्यां दध्ना चैव समन्विताः

hotavyā madhusarpirbhyāṃ dadhnā caiva samanvitāḥ

गुडौदनं पायसं च हविष्यं क्षीरयष्टिकं

guḍaudanaṃ pāyasaṃ ca haviṣyaṃ kṣīrayaṣṭikaṃ

दध्योदनं हविः पूपान् मांसं चित्रान्नमेव च

dadhyodanaṃ haviḥ pūpān māṃsaṃ citrānnameva ca

दद्याद्ग्रहक्रमदेतद्द्विजेभ्यो भोजनं बुधः

dadyādgrahakramadetaddvijebhyo bhojanaṃ budhaḥ

शक्तितो वा यथालाभं सत्कृत्य विधिपूर्वकं

śaktito vā yathālābhaṃ satkṛtya vidhipūrvakaṃ

धेनुः शङ्खस् तथानड्वान् हेम वासो हयस् तथा

dhenuḥ śaṅkhas tathānaḍvān hema vāso hayas tathā

कृष्णा गौरायसश्छाग एता वै दक्षिणाः क्रमात्

kṛṣṇā gaurāyasaśchāga etā vai dakṣiṇāḥ kramāt

यश् च यस्य यदा दूष्यः स तं यत्नेन पूजयेत्

yaś ca yasya yadā dūṣyaḥ sa taṃ yatnena pūjayet

ब्रह्मणैषां वरो दत्तः पूजिताः पूजितस्य च

brahmaṇaiṣāṃ varo dattaḥ pūjitāḥ pūjitasya ca

ग्रहाधीना नरेन्द्राणा मुछ्रयाः पतनानि च

grahādhīnā narendrāṇā muchrayāḥ patanāni ca

भावभावो च जगतस्तस्मात् पूज्यतमा ग्रहाः

bhāvabhāvo ca jagatastasmāt pūjyatamā grahāḥ