Chapter 276

तुर्वसोश् च सुतो वर्गो गोभानुस्तस्य चात्मजः

turvasoś ca suto vargo gobhānustasya cātmajaḥ

गोभानोरासीत् त्रैशानिस्त्रैशानेस्तु करन्धमः

gobhānorāsīt traiśānistraiśānestu karandhamaḥ

करन्धमान्मरुत्तोभूद् दुष्मन्तस्तस्य चात्मजः

karandhamānmaruttobhūd duṣmantastasya cātmajaḥ

दुष्मन्तस्य वरूथो ऽभूद्गाण्डीरस्तु वरूथतः

duṣmantasya varūtho 'bhūdgāṇḍīrastu varūthataḥ

गाण्डीराच्चैव गान्धारः पञ्च जानपदास्ततः

gāṇḍīrāccaiva gāndhāraḥ pañca jānapadāstataḥ

गान्धाराः केरलाश्चोलाः पाण्ड्याः कोला महाबलाः

gāndhārāḥ keralāścolāḥ pāṇḍyāḥ kolā mahābalāḥ

द्रुह्यस्तु वभ्रुसेतुश् च बभ्रुसेतोः पुरोवसुः

druhyastu vabhrusetuś ca babhrusetoḥ purovasuḥ

ततो गान्धारा गान्धारैर् धर्मो धर्माद् घृतो ऽभवत्

tato gāndhārā gāndhārair dharmo dharmād ghṛto 'bhavat

घृतात्तु विदुषस्तस्मात् प्रचेतास्तस्य वै शतम्

ghṛtāttu viduṣastasmāt pracetāstasya vai śatam

आनद्रश् च सभानरश्चाक्षुषः परमेषुकः

ānadraś ca sabhānaraścākṣuṣaḥ parameṣukaḥ

सभानरात् कालानलः कालानलजस्रृञ्जयः

sabhānarāt kālānalaḥ kālānalajasrṛñjayaḥ

पुरञ्जयः सृञ्जयस्य तत्पुत्रो जनमेजयः

purañjayaḥ sṛñjayasya tatputro janamejayaḥ

तत्पुत्रस्तु महाशालस्तत्पुत्रो ऽभुन्महामनाः

tatputrastu mahāśālastatputro 'bhunmahāmanāḥ

तस्मादुशीनरो ब्रह्मन्नृगायान्तु नृगस्ततः

tasmāduśīnaro brahmannṛgāyāntu nṛgastataḥ

नरायान्तु नरश्चासीत् कृमिस्तु कृमितः सुतः

narāyāntu naraścāsīt kṛmistu kṛmitaḥ sutaḥ

दशायां सुब्रतो जज्ञे दृशद्वत्यां शिविस् तथा

daśāyāṃ subrato jajñe dṛśadvatyāṃ śivis tathā

शिवे पुत्रास्तु चत्वारः पृथुदर्भश् च वीरकः

śive putrāstu catvāraḥ pṛthudarbhaś ca vīrakaḥ

कैकेयो भद्रकस्तेषां नाम्रा जनपदाः शुभाः

kaikeyo bhadrakasteṣāṃ nāmrā janapadāḥ śubhāḥ

तितिक्षुरुशीनरजस्तितिक्षोश् च रुषद्रथः

titikṣuruśīnarajastitikṣoś ca ruṣadrathaḥ

रुषद्रथादभूत्पैलः पैलाच्च सुतपाः सुतः

ruṣadrathādabhūtpailaḥ pailācca sutapāḥ sutaḥ

महायोगि बलिस्तस्मादङ्गो वङ्गश् च मुख्यकः

mahāyogi balistasmādaṅgo vaṅgaś ca mukhyakaḥ

पुण्ड्रः कलिङ्गो बालेयो बलिर्योगी बलान्वितः

puṇḍraḥ kaliṅgo bāleyo baliryogī balānvitaḥ

अङ्गाद्दधिवाहनो ऽभूत् तस्माद्दिविरथो नृपः

aṅgāddadhivāhano 'bhūt tasmāddiviratho nṛpaḥ

दिविरथाद्धर्मरथस्तस्य चित्ररथः सुतः

divirathāddharmarathastasya citrarathaḥ sutaḥ

चित्ररथात्सत्यरथो लोमपदश् च तत्सुतः

citrarathātsatyaratho lomapadaś ca tatsutaḥ

लोमपादाच्चतुरङ्गः पृथुलाक्षश् च तत्सुतः

lomapādāccaturaṅgaḥ pṛthulākṣaś ca tatsutaḥ

पृथुलाक्षाच्च चम्पो ऽभूच्चम्पाद्धर्यङ्गको ऽभवत्

pṛthulākṣācca campo 'bhūccampāddharyaṅgako 'bhavat

हर्यङ्गाच्च भद्ररथो बृहत्कर्मा च तत्सुतः

haryaṅgācca bhadraratho bṛhatkarmā ca tatsutaḥ

तस्मादभूद्वॄहद्भानुर्वृहद्भानोर्बृहात्मवान्

tasmādabhūdvṝhadbhānurvṛhadbhānorbṛhātmavān

तस्माज्जयद्रथो ह्य् आसीज्जयद्रथाद्वृहद्रथः

tasmājjayadratho hy āsījjayadrathādvṛhadrathaḥ

वृहद्रथाद्विश्वजिच्च कर्णो विश्वजितो ऽभवत्

vṛhadrathādviśvajicca karṇo viśvajito 'bhavat

कर्णस्य वृषसेनस्तु पृथुसेनस्तदात्मजः

karṇasya vṛṣasenastu pṛthusenastadātmajaḥ

एतो ऽङ्गवंशजा भूपाः पूरोर्वंशं विबोध मे

eto 'ṅgavaṃśajā bhūpāḥ pūrorvaṃśaṃ vibodha me