अथ द्विपञ्चोशो ऽध्यायः
atha dvipañcośo 'dhyāyaḥ
देवीप्रतिमालक्षणं
devīpratimālakṣaṇaṃ
भगवानुवाच
bhagavānuvāca
योगिन्यष्टाष्टकं वक्ष्ये ऐन्द्रादीशान्ततः क्रमात्
yoginyaṣṭāṣṭakaṃ vakṣye aindrādīśāntataḥ kramāt
अक्षोभ्या रूक्षकर्णो च राक्षसी कृपणाक्षया
akṣobhyā rūkṣakarṇo ca rākṣasī kṛpaṇākṣayā
पिङ्गाक्षी च क्षया क्षेमा इला लीलालया तथा
piṅgākṣī ca kṣayā kṣemā ilā līlālayā tathā
लोला लक्ता बलाकेशी लालसा विमला पुनः
lolā laktā balākeśī lālasā vimalā punaḥ
हुताशा च विशालाक्षी हुङ्कारा वडवामुखी
hutāśā ca viśālākṣī huṅkārā vaḍavāmukhī
महाक्रूरा क्रोधना तु भयङ्करी महानना
mahākrūrā krodhanā tu bhayaṅkarī mahānanā
सर्वज्ञा तरला तारा ऋग्वेदा तु हयानना
sarvajñā taralā tārā ṛgvedā tu hayānanā
साराख्या रुद्रशङ्ग्राही सम्बरा तालजङ्घिका
sārākhyā rudraśaṅgrāhī sambarā tālajaṅghikā
रक्ताक्षी सुप्रसिद्धा तु विद्युज्जिह्वा करङ्किणी
raktākṣī suprasiddhā tu vidyujjihvā karaṅkiṇī
मेघनादा प्रचण्डोग्रा कालकर्णी वरप्रदा
meghanādā pracaṇḍogrā kālakarṇī varapradā
चन्द्रा चन्द्रावली चैव प्रपञ्चा प्रलयान्तिका
candrā candrāvalī caiva prapañcā pralayāntikā
शिशुवक्त्रा पिशाची च पिशिताशा च लोलुपा
śiśuvaktrā piśācī ca piśitāśā ca lolupā
धमनी तापनी चैव रागिणी विकृतानना
dhamanī tāpanī caiva rāgiṇī vikṛtānanā
वायुवेगा वृहत्कुक्षिर्विकृता विश्वरूपिका
vāyuvegā vṛhatkukṣirvikṛtā viśvarūpikā
यमजिह्वा जयन्ती च दुर्जया च जयान्तिका
yamajihvā jayantī ca durjayā ca jayāntikā
विडाली रेवती चैव पूतना विजयान्तिका
viḍālī revatī caiva pūtanā vijayāntikā
अष्टहस्ताश् चतुर्हस्ता इच्छास्त्राः सर्वसिद्धिदाः
aṣṭahastāś caturhastā icchāstrāḥ sarvasiddhidāḥ
भैरवश्चार्कहस्तः स्यात् कूर्परास्यो जटेन्दुभृत्
bhairavaścārkahastaḥ syāt kūrparāsyo jaṭendubhṛt
खड्गाङ्कुशकुठारेषुविश्वभयभृदेकतः
khaḍgāṅkuśakuṭhāreṣuviśvabhayabhṛdekataḥ
चापत्रिशूलखट्वाङ्गपाशकार्धवरोद्यतः
cāpatriśūlakhaṭvāṅgapāśakārdhavarodyataḥ
गजचर्मधरो द्वाभ्यां कृत्तिवासोहिभूषतः
gajacarmadharo dvābhyāṃ kṛttivāsohibhūṣataḥ
प्रेताशनो मातृमध्ये पूज्यः पञ्चाननोथवा
pretāśano mātṛmadhye pūjyaḥ pañcānanothavā
अविलोमाग्निपर्यन्तं दीर्घाष्टकैकभेदितं
avilomāgniparyantaṃ dīrghāṣṭakaikabheditaṃ
तत्षडङ्गानि जात्यन्तैर् अन्वितं च क्रमाद् यजेत्
tatṣaḍaṅgāni jātyantair anvitaṃ ca kramād yajet
मन्दिराग्निदलारूढं सुवर्णरसकान्वितं
mandirāgnidalārūḍhaṃ suvarṇarasakānvitaṃ
नादविन्द्वन्दुसंयुक्तं मातृनाथाङ्गदीपितं
nādavindvandusaṃyuktaṃ mātṛnāthāṅgadīpitaṃ
वीरभद्रो वृषारूढो मात्रग्रे स चतुर्मुखः
vīrabhadro vṛṣārūḍho mātragre sa caturmukhaḥ
गौरीं तु द्विभुजा त्र्यक्षा शूलिनी दर्पणान्विता
gaurīṃ tu dvibhujā tryakṣā śūlinī darpaṇānvitā
शूलं गलन्तिका कुण्डी वरदा च चतुर्भुजा
śūlaṃ galantikā kuṇḍī varadā ca caturbhujā
अब्जस्था ललिता स्कन्दगणादर्शशलाकया
abjasthā lalitā skandagaṇādarśaśalākayā
चण्डिका सशहस्ता स्यात् खड्गशूलारिशक्तिधृक्
caṇḍikā saśahastā syāt khaḍgaśūlāriśaktidhṛk
दक्षे वामे नागपाशं चर्माग्कुशकुठारकं
dakṣe vāme nāgapāśaṃ carmāgkuśakuṭhārakaṃ
धनुः सिंहे च महिषः शूलेन प्रहतोग्रतः
dhanuḥ siṃhe ca mahiṣaḥ śūlena prahatogrataḥ
इत्य् आदिमहापुराणे आग्नेये प्रतिमालक्षणं नाम द्विपञ्चाशत्तमो ऽध्यायः ॥
ity ādimahāpurāṇe āgneye pratimālakṣaṇaṃ nāma dvipañcāśattamo 'dhyāyaḥ ||
:न् 1 दन्तुरास्य इति ख, घ, चिह्नितपुस्तकद्वयपाठः
:n 1 danturāsya iti kha, gha, cihnitapustakadvayapāṭhaḥ
2 मण्डलाग्निदलारूढमिति ङ, चिह्नितपुस्तकपाठः
2 maṇḍalāgnidalārūḍhamiti ṅa, cihnitapustakapāṭhaḥ
3 शूलं गलन्ती कुण्डी चेति ख, चिह्नितपुस्तकपाठः
3 śūlaṃ galantī kuṇḍī ceti kha, cihnitapustakapāṭhaḥ
4 स्कन्दगणा दश विनायका इति ख, चिहिनितपुस्तकपाठः
4 skandagaṇā daśa vināyakā iti kha, cihinitapustakapāṭhaḥ
5 अत्र चण्डिकादशहस्तेषु खड्गशूलारिशक्तिधृगिति युक्तः पाठः
5 atra caṇḍikādaśahasteṣu khaḍgaśūlāriśaktidhṛgiti yuktaḥ pāṭhaḥ
अस्मल्लब्धपुस्तकपञ्चकेषु नायं पाठः :प् 149
asmallabdhapustakapañcakeṣu nāyaṃ pāṭhaḥ :p 149