Source appendix 4

रुद्रसर्गन्तु मे ब्रुहि विस्तरेण महामते

rudrasargantu me bruhi vistareṇa mahāmate

अनुसर्गं मरीच्याद्याः ससृजुस्ते कथं पुनः

anusargaṃ marīcyādyāḥ sasṛjuste kathaṃ punaḥ

मित्रावरुणपुत्रत्वं वशिष्ठस्य कथं भवेत्

mitrāvaruṇaputratvaṃ vaśiṣṭhasya kathaṃ bhavet

ब्रह्मणो मनसः पूर्वमुत्पन्नस्य महागते

brahmaṇo manasaḥ pūrvamutpannasya mahāgate

रुद्रसृष्टिन्तु वक्ष्यामि तत्सर्गञ्चैव सत्तं

rudrasṛṣṭintu vakṣyāmi tatsargañcaiva sattaṃ

प्रतिसर्गं मुनीनान्तु विस्तराद्गदतः शृणु

pratisargaṃ munīnāntu vistarādgadataḥ śṛṇu

कल्पादावात्मनस्तुल्यं सुतं प्रध्यायतस्ततः

kalpādāvātmanastulyaṃ sutaṃ pradhyāyatastataḥ

प्रादुरासीत् प्रभोरङ्गे कुमारो नीललोहितः

prādurāsīt prabhoraṅge kumāro nīlalohitaḥ

अर्धनारीश्वरवपुः प्रचण्डो ऽति शरीरवान्

ardhanārīśvaravapuḥ pracaṇḍo 'ti śarīravān

तेजसा भासयन् सर्वा दिशश् च विदिशस् तथा

tejasā bhāsayan sarvā diśaś ca vidiśas tathā

तं दृष्ट्वा तेजसा दीप्तं प्रत्युवाच प्रजापतिः

taṃ dṛṣṭvā tejasā dīptaṃ pratyuvāca prajāpatiḥ

विभज्यात्मानमद्य त्वं मम वाक्यान्महामते

vibhajyātmānamadya tvaṃ mama vākyānmahāmate

इत्युक्तो ब्रह्मणा तेन रुद्रस्तत्र प्रतापवान्

ityukto brahmaṇā tena rudrastatra pratāpavān

स्त्रीभावं पुरुषत्वञ्च पृथक् पृथगथाकरोत्

strībhāvaṃ puruṣatvañca pṛthak pṛthagathākarot

विभेद पुरुषत्वञ्च दशधा वैकथा तु सः

vibheda puruṣatvañca daśadhā vaikathā tu saḥ

तेषां नामानि वक्ष्यामि शृणु मे द्विजसत्तम

teṣāṃ nāmāni vakṣyāmi śṛṇu me dvijasattama

अजैकपादहिर्व्रध्नः कपाली रुद्र एव च

ajaikapādahirvradhnaḥ kapālī rudra eva ca

हरश् च वहुरूपश् च त्र्यम्बकश्चापराजितः

haraś ca vahurūpaś ca tryambakaścāparājitaḥ

वृषाकपिश् च शम्भुश् च कपर्दो रैवतस् तथा

vṛṣākapiś ca śambhuś ca kapardo raivatas tathā

एकादशैते कथिता रुद्रास्त्रिभुवनेश्वराः

ekādaśaite kathitā rudrāstribhuvaneśvarāḥ

स्त्रीत्वञ्चैव तथा रुद्रो विभेद दशधैकधा

strītvañcaiva tathā rudro vibheda daśadhaikadhā

तमेव वहुरूपेण पत्नीत्वेन व्यवस्थिता

tameva vahurūpeṇa patnītvena vyavasthitā

तपस्तप्त्वा जले घोरमुत्तानः स यदा पुरा

tapastaptvā jale ghoramuttānaḥ sa yadā purā

तदा स सृष्टवान्देवो रुद्रस्तत्र प्रतापवान्

tadā sa sṛṣṭavāndevo rudrastatra pratāpavān

तपोबलेन विप्रेन्द्र भूतानि विविधानि च

tapobalena viprendra bhūtāni vividhāni ca

पिशाचान् कश्मलांश् चैव सिंहोष्ट्रमकराननान्

piśācān kaśmalāṃś caiva siṃhoṣṭramakarānanān

वेतालप्रमुखानन्यानन्यांश् चैव सहस्रशः

vetālapramukhānanyānanyāṃś caiva sahasraśaḥ

तेन सृष्टास्तु कैलासे ब्रह्मभूतास्थितनह

tena sṛṣṭāstu kailāse brahmabhūtāsthitanaha

विनायकानां रुद्राणां व्रिंशत्कोट्यर्धमेव च

vināyakānāṃ rudrāṇāṃ vriṃśatkoṭyardhameva ca

नारकाख्यविनाशाय सृष्टवान्स्कन्दमेव च

nārakākhyavināśāya sṛṣṭavānskandameva ca

एवम्प्रकारो रुद्रो ऽसौ मया ते कीर्तितः प्रभुः

evamprakāro rudro 'sau mayā te kīrtitaḥ prabhuḥ

अनुसर्गं मरीच्यादेः कथयामि निबोध मे

anusargaṃ marīcyādeḥ kathayāmi nibodha me

देवद्याः स्थावरान्ताश् च प्रजाः सृष्टाः स्वयम्भुवा

devadyāḥ sthāvarāntāś ca prajāḥ sṛṣṭāḥ svayambhuvā

यदाX स्यX ताः सर्वाः नाभ्यवर्धन्त धीमतः

yadāX syaX tāḥ sarvāḥ nābhyavardhanta dhīmataḥ

तदा स मानसान् पुत्रान् सदृशानात्मनो ऽसृजत्

tadā sa mānasān putrān sadṛśānātmano 'sṛjat

मरीचिमत्र्यङ्गिरसं पुलस्त्यं पुलहं क्रतुं

marīcimatryaṅgirasaṃ pulastyaṃ pulahaṃ kratuṃ

प्रचेतसं वशिष्ठञ्च ??? ??? ??? ??? महामतिं

pracetasaṃ vaśiṣṭhañca ??? ??? ??? ??? mahāmatiṃ

नव ब्रह्मण इत्य् एते पुराणे निश् चयं गताः

nava brahmaṇa ity ete purāṇe niś cayaṃ gatāḥ

अग्निनश् च पितरश् चैव ब्रह्मपुत्रो तु मानसौ

agninaś ca pitaraś caiva brahmaputro tu mānasau

सृष्टिकाले महाभाग धर्मं स्वायम्भुवं मनुं

sṛṣṭikāle mahābhāga dharmaṃ svāyambhuvaṃ manuṃ

शतरूपाञ्च सृष्ट्वा तु कन्यां स मनवे ददौ

śatarūpāñca sṛṣṭvā tu kanyāṃ sa manave dadau

तस्माच्च पुरुषाद्देवी शतरूपा व्यजायत

tasmācca puruṣāddevī śatarūpā vyajāyata

प्रियव्रतोत्तानपादौ प्रसुतीञ्चैव कन्यकां

priyavratottānapādau prasutīñcaiva kanyakāṃ

ददौ प्रसूतिं दक्षाय मनुः खायम्भुवः सूतां

dadau prasūtiṃ dakṣāya manuḥ khāyambhuvaḥ sūtāṃ

प्रसूतिश् च तदा दक्षाच्चत्वारो विंशतिस् तथा

prasūtiś ca tadā dakṣāccatvāro viṃśatis tathā

ससर्ज कन्यकास्तासां शृणु नामानि मे ऽधुना

sasarja kanyakāstāsāṃ śṛṇu nāmāni me 'dhunā

श्रद्धा सूतिर्धृतिस्तुष्टिः पुष्टिर्मेधा क्रिया तथा

śraddhā sūtirdhṛtistuṣṭiḥ puṣṭirmedhā kriyā tathā

बुद्धिर्लज्जा वपुः शान्तिः सिद्धिः कीर्तिस्त्रयोदश

buddhirlajjā vapuḥ śāntiḥ siddhiḥ kīrtistrayodaśa

पत्न्यर्थं प्रतिजग्राह धर्मो दाक्षायणीः प्रभुः

patnyarthaṃ pratijagrāha dharmo dākṣāyaṇīḥ prabhuḥ

श्रद्धादीनान्तु पत्नीनां जाताः कामादयः सुताः

śraddhādīnāntu patnīnāṃ jātāḥ kāmādayaḥ sutāḥ

धर्मस्य पुत्रपौत्राद्यैर् धर्मवंशो विवर्धितः

dharmasya putrapautrādyair dharmavaṃśo vivardhitaḥ

तासु शिष्टा यवीयस्यस्तासां नामानि कीर्तये

tāsu śiṣṭā yavīyasyastāsāṃ nāmāni kīrtaye

सम्भूतिश्चानुभूया च स्मृतिः प्रीतिः क्षमा तथा

sambhūtiścānubhūyā ca smṛtiḥ prītiḥ kṣamā tathā

सन्नतिश्चाथ सत्या च उर्जा ख्यातिर्द्विजोत्तम

sannatiścātha satyā ca urjā khyātirdvijottama

स्वाहा च दशमी ज्ञेया स्वधा चैकादशी स्मृता

svāhā ca daśamī jñeyā svadhā caikādaśī smṛtā

एताश् च दत्ता दक्षेण ऋषीणां भावितात्मनां

etāś ca dattā dakṣeṇa ṛṣīṇāṃ bhāvitātmanāṃ

मरीच्यादीनाञ्च ये पुत्रास्तानहं कथयामि ते

marīcyādīnāñca ye putrāstānahaṃ kathayāmi te

पत्री मरीचेः सम्भूतिर्जज्ञे सा कश्यपं मुनिं

patrī marīceḥ sambhūtirjajñe sā kaśyapaṃ muniṃ

स्मृतिश्चाङ्गिरसः पत्नी प्रसूता कन्यकास् तथा

smṛtiścāṅgirasaḥ patnī prasūtā kanyakās tathā

सिनीवाली कुहश् चैव राका चानुमतिस् तथा

sinīvālī kuhaś caiva rākā cānumatis tathā

अनसूया तथैवात्रेर्जज्ञे पुत्रानकन्मषान्

anasūyā tathaivātrerjajñe putrānakanmaṣān

सोमं दुर्वाससञ्चैव दत्तात्रेयञ्च योगिनं

somaṃ durvāsasañcaiva dattātreyañca yoginaṃ

प्रीत्यां पुलस्त्यभार्यायां दादानिस्तत्सुतो ऽभवत्

prītyāṃ pulastyabhāryāyāṃ dādānistatsuto 'bhavat

तस्य वै विश्रवाः पुत्रस्तत्पुत्रा रावणादिकाः

tasya vai viśravāḥ putrastatputrā rāvaṇādikāḥ

??? ??? ??? राक्षसाः प्रोक्ता लङ्कापुरनिवासिनः

??? ??? ??? rākṣasāḥ proktā laṅkāpuranivāsinaḥ

येषां बधाय लोकेषु विष्णुः क्षीरोदनीरधौ

yeṣāṃ badhāya lokeṣu viṣṇuḥ kṣīrodanīradhau

ब्रह्माद्यैः प्रार्थितो देवैर् अवतारमिहाकरोत्

brahmādyaiḥ prārthito devair avatāramihākarot

कर्दमश्चाम्बरीषश् च सहिष्णुश्चे सुतत्रयम्

kardamaścāmbarīṣaś ca sahiṣṇuśce sutatrayam

क्षमा तु सुसुवे भार्या पुलस्त्यस्य प्रजापतेः

kṣamā tu susuve bhāryā pulastyasya prajāpateḥ

क्रतोस्तु सत्वतिर्भार्या वालिखिल्वानसूयत

kratostu satvatirbhāryā vālikhilvānasūyata

षष्टि तानि सहस्रानि ऋषीणामूर्ध्वरेतसां

ṣaṣṭi tāni sahasrāni ṛṣīṇāmūrdhvaretasāṃ

अङ्गुष्ठपर्वमानानां ज्वलद्भास्करतेजसां

aṅguṣṭhaparvamānānāṃ jvaladbhāskaratejasāṃ

प्रचेतसो ऽथ सत्यायां सत्यसन्ध्यास्त्रयः सुताः

pracetaso 'tha satyāyāṃ satyasandhyāstrayaḥ sutāḥ

जातास्तत्पुत्रपौत्राश् च शतशो ऽथ सहस्रशः

jātāstatputrapautrāś ca śataśo 'tha sahasraśaḥ

उर्जायाञ्च वसिष्ठस्य सप्ताजायन्त वै सुताः

urjāyāñca vasiṣṭhasya saptājāyanta vai sutāḥ

राजा चोर्ध्ववाहुश् च सरनश्चानघन्तिमे

rājā cordhvavāhuś ca saranaścānaghantime

सुर्रूपाः शुक्र इत्य् एते सर्वे सप्तर्षयो ऽभवन्

surrūpāḥ śukra ity ete sarve saptarṣayo 'bhavan

भृगोःख्यात्यां समुत्पन्ना लक्ष्मीर्विष्णुपरिग्रहा

bhṛgoḥkhyātyāṃ samutpannā lakṣmīrviṣṇuparigrahā

तथा धाताविधातार्रौ खात्यां जातौ सुतौ भृगोः

tathā dhātāvidhātārrau khātyāṃ jātau sutau bhṛgoḥ

आयतिर्नियतिश् चैव मेरोः कन्ये सुशोभने

āyatirniyatiś caiva meroḥ kanye suśobhane

धाताविधात्रोस्ते भार्ये तयोर्जातौ सुताबुभौ

dhātāvidhātroste bhārye tayorjātau sutābubhau

प्राणश् चैवमृकण्डुश् च मार्कण्डेयो मृकण्डुजः

prāṇaś caivamṛkaṇḍuś ca mārkaṇḍeyo mṛkaṇḍujaḥ

येन मृत्युर्जितो विप्र पुरा नारायणाय या

yena mṛtyurjito vipra purā nārāyaṇāya yā

ततो देवशिवा जज्ञे प्राणस्यापि सुतो ऽभवत्

tato devaśivā jajñe prāṇasyāpi suto 'bhavat

द्युतिमानिति विख्यातः सञ्जयस्तत्सुतो ऽभवत्

dyutimāniti vikhyātaḥ sañjayastatsuto 'bhavat

ततो वंशो महाभाग भार्गवो विस्तरं गतः

tato vaṃśo mahābhāga bhārgavo vistaraṃ gataḥ

यश्चासावग्निनामा च ब्रह्मणस्तनयो ऽग्रजः

yaścāsāvagnināmā ca brahmaṇastanayo 'grajaḥ

तस्मात् स्वाहा सुताल्लेभे त्रीनुदारौजसो द्विजाः

tasmāt svāhā sutāllebhe trīnudāraujaso dvijāḥ

पावकं पवमानञ्च शुचिञ्चापि जलाशिनं

pāvakaṃ pavamānañca śuciñcāpi jalāśinaṃ

तेषान्तु वंशजान् वक्ष्ये षट्चत्वारिंशदीरितान्

teṣāntu vaṃśajān vakṣye ṣaṭcatvāriṃśadīritān

कथ्यन्ते वहुशश् चैते पिता पौत्रत्रयञ्च यत्

kathyante vahuśaś caite pitā pautratrayañca yat

एवमेकोनपञ्चाशदन्वयात् परिकीर्तिताः

evamekonapañcāśadanvayāt parikīrtitāḥ

पितेरो ब्रह्मणा सृष्टा व्याख्याता ये मया तव

pitero brahmaṇā sṛṣṭā vyākhyātā ye mayā tava

तेभ्यः स्वधा सुते जज्ञे मेना वै धरणीधरा

tebhyaḥ svadhā sute jajñe menā vai dharaṇīdharā

प्रजाः सृजेति व्यादिष्टः पूर्वं दक्षः स्वयम्भुवा

prajāḥ sṛjeti vyādiṣṭaḥ pūrvaṃ dakṣaḥ svayambhuvā

यथा ससर्ज भूतानि तथा मे शृणु सत्तम

yathā sasarja bhūtāni tathā me śṛṇu sattama

भूतानि मनसा पूर्वं दक्षX ??? असृजन्सुने

bhūtāni manasā pūrvaṃ dakṣaX ??? asṛjansune

देवानृषीन् सगन्धर्वानसुरान् पन्नगांस्तदा

devānṛṣīn sagandharvānasurān pannagāṃstadā

पदास्य सृजमानस्य न व्यवर्धन्त वै प्रजाः

padāsya sṛjamānasya na vyavardhanta vai prajāḥ

तदा सञ्चिन्त्य स मुनिः सृष्टिहेतोः प्रजापतिः

tadā sañcintya sa muniḥ sṛṣṭihetoḥ prajāpatiḥ

मैथुनेनैव धर्मेण सिसृक्षुर्विविधाः प्रजाः

maithunenaiva dharmeṇa sisṛkṣurvividhāḥ prajāḥ

असिक्नी यद्वृहत्कन्या वीरणस्य प्रजापतेः

asiknī yadvṛhatkanyā vīraṇasya prajāpateḥ

षष्टि दक्षो ऽसृजत् कन्या वैरिण्यामितिं नः श्रुतिः

ṣaṣṭi dakṣo 'sṛjat kanyā vairiṇyāmitiṃ naḥ śrutiḥ

ददौ स दश धर्माय कश्यपाय त्रयोदश

dadau sa daśa dharmāya kaśyapāya trayodaśa

सप्तविंशति सोमाय चतस्रो विष्णुनेमिने

saptaviṃśati somāya catasro viṣṇunemine

द्वे चैव बुद्धपुत्राय द्वे चैवाङ्गिरसे तदा

dve caiva buddhaputrāya dve caivāṅgirase tadā

द्वे कृशाश्वाय विदुषे तदपत्यानि मे शृणु

dve kṛśāśvāya viduṣe tadapatyāni me śṛṇu

विश्वेदेवास्तु विश्वाय साध्यासाध्यानसुयत

viśvedevāstu viśvāya sādhyāsādhyānasuyata

मरुत्यान्तु मरुत्वन्तो वसो ऽस्तु वसवः स्मृताः

marutyāntu marutvanto vaso 'stu vasavaḥ smṛtāḥ

भानोस्तु भानवो देवा मुहूर्तायां मुहूर्तजाः

bhānostu bhānavo devā muhūrtāyāṃ muhūrtajāḥ

नद्यायाञ्चैव घोपाख्यो नागवीथ्याञ्च जामिजाः

nadyāyāñcaiva ghopākhyo nāgavīthyāñca jāmijāḥ

पृथिवीविषयं पूर्वमरुन्धत्यां व्यजायत

pṛthivīviṣayaṃ pūrvamarundhatyāṃ vyajāyata

सङ्कल्पायान्तु सङ्कल्पः पुत्रो यज्ञे महामते

saṅkalpāyāntu saṅkalpaḥ putro yajñe mahāmate

ये त्वनेकवसुप्राणा देवज्योतिःपुरोगमाः

ye tvanekavasuprāṇā devajyotiḥpurogamāḥ

वसवो ऽष्टौ समाख्यातास्तेषां नामानि मे शृणु

vasavo 'ṣṭau samākhyātāsteṣāṃ nāmāni me śṛṇu

आपो ध्रवश् च सोमश् च धरश् चैवानिलो ऽनलः

āpo dhravaś ca somaś ca dharaś caivānilo 'nalaḥ

प्रत्यूषश् च प्रभाषश् च वसवो ऽष्टौ प्रकीर्तिताः

pratyūṣaś ca prabhāṣaś ca vasavo 'ṣṭau prakīrtitāḥ

तेषां पुत्राश् च पौत्राश् च शतशो ऽथ सहस्रशः

teṣāṃ putrāś ca pautrāś ca śataśo 'tha sahasraśaḥ

साध्याश् च वहवः प्रोक्तास्तत्पुत्राश् च सहस्रशः

sādhyāś ca vahavaḥ proktāstatputrāś ca sahasraśaḥ

अदितिर्दितिर्दनुश् चैव अरिष्टा सुरसा तथा

aditirditirdanuś caiva ariṣṭā surasā tathā

सुरभिर्विनता चैव ताम्रा क्रोधा खसा इरा

surabhirvinatā caiva tāmrā krodhā khasā irā

कद्रुर्मुनिश् च धर्मज्ञ तदपत्यानि मे शृणु

kadrurmuniś ca dharmajña tadapatyāni me śṛṇu

अदित्यां कश्यपाज्जाताः पुत्रा द्वादश शोभनाः

adityāṃ kaśyapājjātāḥ putrā dvādaśa śobhanāḥ

तानहं नामतो वक्ष्ये शृणुष्व गदतो मम

tānahaṃ nāmato vakṣye śṛṇuṣva gadato mama

मर्गो ऽंशुरर्यमान् चैव मित्रो ऽथ वरुणस् तथा

margo 'ṃśuraryamān caiva mitro 'tha varuṇas tathā

सविता चैव धाता च विवस्वांश् च महामते

savitā caiva dhātā ca vivasvāṃś ca mahāmate

त्वष्टा पूषा तथैवेन्द्रो द्वादश विष्णुरुच्यते

tvaṣṭā pūṣā tathaivendro dvādaśa viṣṇurucyate

दित्याः पुत्रद्वयं जज्ञे कश्यपादिति नः श्रुतं

dityāḥ putradvayaṃ jajñe kaśyapāditi naḥ śrutaṃ

हिरण्याक्षो महाकायो वाराहेण तु यो हतः

hiraṇyākṣo mahākāyo vārāheṇa tu yo hataḥ

अन्ये च वहवो दैत्या दितिपुत्रा महाबलाः

anye ca vahavo daityā ditiputrā mahābalāḥ

अरिष्टायान्तु गन्धर्वाज् जज्ञिरे . . . . .

ariṣṭāyāntu gandharvāj jajñire . . . . .

सुरसायामथोत्पन्ना विद्याधरगणा वहुः

surasāyāmathotpannā vidyādharagaṇā vahuḥ

गास्तु वै जनयामास सुरभ्यां कश्यपो मुनिः

gāstu vai janayāmāsa surabhyāṃ kaśyapo muniḥ

विनतायान्तु पुत्रौ द्वौ प्रख्यातौ गरुडारुणौ

vinatāyāntu putrau dvau prakhyātau garuḍāruṇau

गरुडो देवदेवस्य विष्णोरमिततेजसः

garuḍo devadevasya viṣṇoramitatejasaḥ

वाहनत्वं गतः प्रीत्या अरुणः सूर्यासारथिः

vāhanatvaṃ gataḥ prītyā aruṇaḥ sūryāsārathiḥ

ताम्रायाः कश्यपाज्जाताः षट्पुत्रास्तान् निबोध मे

tāmrāyāḥ kaśyapājjātāḥ ṣaṭputrāstān nibodha me

अश्व+उष्ट्रा गर्दभाश् च हस्तिनो गवया मृगाः

aśva+uṣṭrā gardabhāś ca hastino gavayā mṛgāḥ

क्रोधायां जज्ञिरे तद्वत् पशवो दुष्टजातयः

krodhāyāṃ jajñire tadvat paśavo duṣṭajātayaḥ

इरा वृक्षलतावल्लीतृणजात्यश्वपुत्रिकाः

irā vṛkṣalatāvallītṛṇajātyaśvaputrikāḥ

खसा तु यक्षरक्षांसि मुनेरप्सरसस् तथा

khasā tu yakṣarakṣāṃsi munerapsarasas tathā

कद्रुपुत्रा महानागा दन्दशूका विषोर्वणाः

kadruputrā mahānāgā dandaśūkā viṣorvaṇāḥ

सप्तविंशति याः प्रोक्ताः सोमपत्न्यो ऽथ सुव्रताः

saptaviṃśati yāḥ proktāḥ somapatnyo 'tha suvratāḥ

तासां पुत्रा महासत्वा बुधाद्या अभवन्द्विज

tāsāṃ putrā mahāsatvā budhādyā abhavandvija

अरिष्टनेमिपत्नीनामपत्यानीह षोडश

ariṣṭanemipatnīnāmapatyānīha ṣoḍaśa

वहुपुत्रस्य विदुषः ताम्रायां विद्युदादयः

vahuputrasya viduṣaḥ tāmrāyāṃ vidyudādayaḥ

प्रत्यङ्गिरःसुताः श्रेष्ठा ऋषयो ऋषिसत्कृताः

pratyaṅgiraḥsutāḥ śreṣṭhā ṛṣayo ṛṣisatkṛtāḥ

कृशाश्वस्य तु देवर्षेर्देवप्रहरणाः सुताः

kṛśāśvasya tu devarṣerdevapraharaṇāḥ sutāḥ

एते युगसहस्रान्ते जायन्ते पुनरेव हि

ete yugasahasrānte jāyante punareva hi

एते कश्यपदायादाः कीर्तिताः स्थाणुजङ्गमाः

ete kaśyapadāyādāḥ kīrtitāḥ sthāṇujaṅgamāḥ

एतेषां पुत्रपौत्राद्यैर् वृद्धा सृष्टिः प्रजापतेः

eteṣāṃ putrapautrādyair vṛddhā sṛṣṭiḥ prajāpateḥ

स्थिरौ स्थितस्य देवस्य नारसिंहस्य धीमतः

sthirau sthitasya devasya nārasiṃhasya dhīmataḥ

एता विभृतयो विप्र मया ते परिकीर्तिताः

etā vibhṛtayo vipra mayā te parikīrtitāḥ

कथिता दक्षकन्यानां मया ते ऽपत्यसन्ततिः

kathitā dakṣakanyānāṃ mayā te 'patyasantatiḥ

श्रद्धावान् यः स्मरेदेतान् यशःसन्तानवान् भवेत्

śraddhāvān yaḥ smaredetān yaśaḥsantānavān bhavet

सर्गानुसर्गौ कथितौ मया ते समासतः सृष्टिविवृद्धिहेतोः

sargānusargau kathitau mayā te samāsataḥ sṛṣṭivivṛddhihetoḥ

भवन्ति च

bhavanti ca