= Dभ्P_7,38.50 ॥ इति देवीगीतायामष्टमो ऽध्याय - इति श्रीदेवीभागवते महापुराणे सप्तमस्कन्धे देवीगीतायामष्टत्रिंशो ऽध्यायः नवमो ऽध्यायः सप्तमः स्कन्धः अथैकोनचत्वारिंशो ऽध्यायः हिमालय उवाच देवदेवि महेशानि करुणासागरे ऽम्बिके । ब्रूहि पूजाविधिं सम्यग्यथावदधुना निजम्
= DbhP_7,38.50 // iti devīgītāyāmaṣṭamo 'dhyāya - iti śrīdevībhāgavate mahāpurāṇe saptamaskandhe devīgītāyāmaṣṭatriṃśo 'dhyāyaḥ navamo 'dhyāyaḥ saptamaḥ skandhaḥ athaikonacatvāriṃśo 'dhyāyaḥ himālaya uvāca devadevi maheśāni karuṇāsāgare 'mbike / brūhi pūjāvidhiṃ samyagyathāvadadhunā nijam
= Dभ्P_7,39.1 ॥ श्रीदेव्युवाच वक्ष्ये पूजाविधिं राजन्नम्बिकाया यथा प्रियम् । अत्यन्तश्रद्धया सार्धं शृणु पर्वतपुङ्गव
= DbhP_7,39.1 // śrīdevyuvāca vakṣye pūjāvidhiṃ rājannambikāyā yathā priyam / atyantaśraddhayā sārdhaṃ śṛṇu parvatapuṅgava
= Dभ्P_7,39.2 ॥ द्विविधा मम पूजा स्याद् वाह्या चाभ्यन्तरापि च । बाह्यापि द्विविधा प्रोक्ता वैदिकी तान्त्रिकी तथा
= DbhP_7,39.2 // dvividhā mama pūjā syād vāhyā cābhyantarāpi ca / bāhyāpi dvividhā proktā vaidikī tāntrikī tathā
= Dभ्P_7,39.3 ॥ वैदिक्यर् चापि द्विविधा मूर्तिभेदेन भूधर । वैदिकी वैदिकैः कार्या वेददीक्षासमन्वितैः
= DbhP_7,39.3 // vaidikyar cāpi dvividhā mūrtibhedena bhūdhara / vaidikī vaidikaiḥ kāryā vedadīkṣāsamanvitaiḥ
= Dभ्P_7,39.4 ॥ तन्त्रोक्तदीक्षावद्भिस्तु तान्त्रिकी संश्रिता भवेत् । इत्थं पूजारहस्यं च न ज्ञात्वा विपरीतकम्
= DbhP_7,39.4 // tantroktadīkṣāvadbhistu tāntrikī saṃśritā bhavet / itthaṃ pūjārahasyaṃ ca na jñātvā viparītakam
= Dभ्P_7,39.5 ॥ करोति यो नरो मूढः स पतत्येव सर्वथा । तत्र या वैदिकी प्रोक्ता प्रथमा तां वदाम्यहम्
= DbhP_7,39.5 // karoti yo naro mūḍhaḥ sa patatyeva sarvathā / tatra yā vaidikī proktā prathamā tāṃ vadāmyaham
= Dभ्P_7,39.6 ॥ यन्मे साक्षात्परं रूपं दृष्टवानसि भूधर । अनन्तसीर्षनयनमनन्तचरणं महत्
= DbhP_7,39.6 // yanme sākṣātparaṃ rūpaṃ dṛṣṭavānasi bhūdhara / anantasīrṣanayanamanantacaraṇaṃ mahat
= Dभ्P_7,39.7 ॥ सर्वशक्तिसमायुक्तं प्रेरकं यत्परात्परम् । तदेव पूजयेन्नित्यं नमेद्ध्यायेत्स्मरेदपि
= DbhP_7,39.7 // sarvaśaktisamāyuktaṃ prerakaṃ yatparātparam / tadeva pūjayennityaṃ nameddhyāyetsmaredapi
= Dभ्P_7,39.8 ॥ इत्येतत्प्रथमार्चायाः स्वरूपं कथितं नग । शान्तः समाहितमना दम्भाहङ्कारवर्जितः
= DbhP_7,39.8 // ityetatprathamārcāyāḥ svarūpaṃ kathitaṃ naga / śāntaḥ samāhitamanā dambhāhaṅkāravarjitaḥ
= Dभ्P_7,39.9 ॥ तत्परो भव तद्याजी तदेव शरणं व्रज । तदेव चेतसा पश्य जप ध्यायस्व सर्वदा
= DbhP_7,39.9 // tatparo bhava tadyājī tadeva śaraṇaṃ vraja / tadeva cetasā paśya japa dhyāyasva sarvadā
= Dभ्P_7,39.10 ॥ अनन्यया प्रेमयुक्तभक्त्या मद्भावम् आश्रितः । यज्ञैर्यज तपोदानैर्मामेव परितोषय
= DbhP_7,39.10 // ananyayā premayuktabhaktyā madbhāvam āśritaḥ / yajñairyaja tapodānairmāmeva paritoṣaya
= Dभ्P_7,39.11 ॥ इत्थं ममानुग्रहतो मोक्ष्यसे भवबन्धनात् । मत्परा ये मदासक्तचित्ता भक्तवरा मताः
= DbhP_7,39.11 // itthaṃ mamānugrahato mokṣyase bhavabandhanāt / matparā ye madāsaktacittā bhaktavarā matāḥ
= Dभ्P_7,39.12 ॥ प्रतिजाने भवादस्मादुद्धराम्यचिरेण तु । ध्यानेन कर्मयुक्तेन भक्तिज्ञानेन वा पुनः
= DbhP_7,39.12 // pratijāne bhavādasmāduddharāmyacireṇa tu / dhyānena karmayuktena bhaktijñānena vā punaḥ
= Dभ्P_7,39.13 ॥ प्राप्याहं सर्वथा राजन्न तु केवलकर्मभिः । धर्मात्सञ्जायते भक्तिर्भक्त्या सञ्जायते परम्
= DbhP_7,39.13 // prāpyāhaṃ sarvathā rājanna tu kevalakarmabhiḥ / dharmātsañjāyate bhaktirbhaktyā sañjāyate param
= Dभ्P_7,39.14 ॥ श्रुतिस्मृतिभ्यामुदितं यत्स धर्मः प्रकीर्तितः । अन्यशास्त्रेण यः प्रोक्तो धर्माभासः स उच्यते
= DbhP_7,39.14 // śrutismṛtibhyāmuditaṃ yatsa dharmaḥ prakīrtitaḥ / anyaśāstreṇa yaḥ prokto dharmābhāsaḥ sa ucyate
= Dभ्P_7,39.15 ॥ सर्वज्ञात्सर्वशक्तेश्च मत्तो वेदः समुत्थितः । अज्ञानस्य ममाभावादप्रमाणा न च श्रुतिः
= DbhP_7,39.15 // sarvajñātsarvaśakteśca matto vedaḥ samutthitaḥ / ajñānasya mamābhāvādapramāṇā na ca śrutiḥ
= Dभ्P_7,39.16 ॥ स्मृतयश्च श्रुतेरर्थं गृहीत्वैव च निर्गताः । मन्वादीनां श्रुतीनां च ततः प्रामाण्यमिष्यते
= DbhP_7,39.16 // smṛtayaśca śruterarthaṃ gṛhītvaiva ca nirgatāḥ / manvādīnāṃ śrutīnāṃ ca tataḥ prāmāṇyamiṣyate
= Dभ्P_7,39.17 ॥ क्वचित्कदाचित्तन्त्रार्थकटाक्षेण परोदितम् । धर्मं वदन्ति सोंशस्तु नैवग्राह्यो ऽस्ति वैदिकैः
= DbhP_7,39.17 // kvacitkadācittantrārthakaṭākṣeṇa paroditam / dharmaṃ vadanti soṃśastu naivagrāhyo 'sti vaidikaiḥ
= Dभ्P_7,39.18 ॥ अन्येषां शास्त्रकर्तृणामज्ञानप्रभवत्वतः । अज्ञानदोषदुष्टत्वात्तदुक्तेर्न प्रमाणता
= DbhP_7,39.18 // anyeṣāṃ śāstrakartṛṇāmajñānaprabhavatvataḥ / ajñānadoṣaduṣṭatvāttadukterna pramāṇatā
= Dभ्P_7,39.19 ॥ तस्मान्मुमुक्षुर्धर्मार्थं सर्वथा वेदमाश्रयेत् । राजाज्ञा च यथा लोके हन्यते न कदाचन
= DbhP_7,39.19 // tasmānmumukṣurdharmārthaṃ sarvathā vedamāśrayet / rājājñā ca yathā loke hanyate na kadācana
= Dभ्P_7,39.20 ॥ सर्वेशान्या ममाज्ञा सा श्रुतिस्त्याज्या कथं नृभिः । मदाज्ञारक्षणार्थं तु ब्रह्मक्षत्रियजातयः
= DbhP_7,39.20 // sarveśānyā mamājñā sā śrutistyājyā kathaṃ nṛbhiḥ / madājñārakṣaṇārthaṃ tu brahmakṣatriyajātayaḥ
= Dभ्P_7,39.21 ॥ मया सृष्टास्ततो ज्ञेयं रहस्यं मे श्रुतेर्वचः । यदा यदा हि धर्मस्य ग्लानिर्भवति भूधर
= DbhP_7,39.21 // mayā sṛṣṭāstato jñeyaṃ rahasyaṃ me śrutervacaḥ / yadā yadā hi dharmasya glānirbhavati bhūdhara
= Dभ्P_7,39.22 ॥ अभ्युत्थानमधर्मस्य तदा वेषान्बिभर्म्यहम् । देवदैत्यविभागश्चाप्यत एवाभवन्नृप
= DbhP_7,39.22 // abhyutthānamadharmasya tadā veṣānbibharmyaham / devadaityavibhāgaścāpyata evābhavannṛpa
= Dभ्P_7,39.23 ॥ ये न कुर्वन्ति तद्धर्मं तच्छिक्षार्थं मया सदा । सम्पादितास्तु नरकास्त्रासो यच्छ्रवणाद्भवेत्
= DbhP_7,39.23 // ye na kurvanti taddharmaṃ tacchikṣārthaṃ mayā sadā / sampāditāstu narakāstrāso yacchravaṇādbhavet
= Dभ्P_7,39.24 ॥ यो वेदधर्मम् उज्झित्य धर्ममन्यं समाश्रयेत् । राजा प्रवासयेद्देशान्निजादेतानधर्मिणः
= DbhP_7,39.24 // yo vedadharmam ujjhitya dharmamanyaṃ samāśrayet / rājā pravāsayeddeśānnijādetānadharmiṇaḥ
= Dभ्P_7,39.25 ॥ ब्राह्मणैर्न च सम्भाष्याः पङ्क्तिग्राह्या न च द्विजैः । अन्यानि यानि शास्त्राणि लोके ऽस्मिन्विविधानि च
= DbhP_7,39.25 // brāhmaṇairna ca sambhāṣyāḥ paṅktigrāhyā na ca dvijaiḥ / anyāni yāni śāstrāṇi loke 'sminvividhāni ca
= Dभ्P_7,39.26 ॥ श्रुतिस्मृतिविरुद्धानि तामसान्येव सर्वशः । वामं कापालकं चैव कौलकं भैरवागमः
= DbhP_7,39.26 // śrutismṛtiviruddhāni tāmasānyeva sarvaśaḥ / vāmaṃ kāpālakaṃ caiva kaulakaṃ bhairavāgamaḥ
= Dभ्P_7,39.27 ॥ शिवेन मोहनार्थाय प्रणीतो नान्यहेतुकः । दक्षशापाद्भृगोः शापाद्दधीचस्य च शापतः
= DbhP_7,39.27 // śivena mohanārthāya praṇīto nānyahetukaḥ / dakṣaśāpādbhṛgoḥ śāpāddadhīcasya ca śāpataḥ
= Dभ्P_7,39.28 ॥ दग्धा ये ब्राह्मणवरा वेदमार्गबहिष्कृताः । तेषामुद्धरणार्थाय सोपानक्रमतः सदा
= DbhP_7,39.28 // dagdhā ye brāhmaṇavarā vedamārgabahiṣkṛtāḥ / teṣāmuddharaṇārthāya sopānakramataḥ sadā
= Dभ्P_7,39.29 ॥ शैवाश्च वैष्णवाश्श्चैव सौराः शाक्तास्तथैव च । गाणपत्या आगमाश्च प्रणीताः शङ्करेण तु
= DbhP_7,39.29 // śaivāśca vaiṣṇavāśścaiva saurāḥ śāktāstathaiva ca / gāṇapatyā āgamāśca praṇītāḥ śaṅkareṇa tu
= Dभ्P_7,39.30 ॥ तत्र वेदाविरुद्धांशो ऽप्युक्त एव क्वचित्क्वचित् । वैदिकैस्तद्ग्रहे देषो न भवत्येव कर्हिचित्
= DbhP_7,39.30 // tatra vedāviruddhāṃśo 'pyukta eva kvacitkvacit / vaidikaistadgrahe deṣo na bhavatyeva karhicit
= Dभ्P_7,39.31 ॥ सर्वथा वेदभिन्नार्थे नाधिकारी द्विजो भवेत् । वेदाधिकारहीनस्तु भवेत्तत्राधिकारवान्
= DbhP_7,39.31 // sarvathā vedabhinnārthe nādhikārī dvijo bhavet / vedādhikārahīnastu bhavettatrādhikāravān
= Dभ्P_7,39.32 ॥ तस्मात्सर्वप्रयत्नेन वैदिको वेदमाश्रयेत् । धर्मेण सहितं ज्ञानं परं ब्रह्म प्रकाशयेत्
= DbhP_7,39.32 // tasmātsarvaprayatnena vaidiko vedamāśrayet / dharmeṇa sahitaṃ jñānaṃ paraṃ brahma prakāśayet
= Dभ्P_7,39.33 ॥ सर्वैषणाः परित्यज्य मामेव शरणं गताः । सर्वभूतदयावन्तो मानाहङ्कारवर्जिताः
= DbhP_7,39.33 // sarvaiṣaṇāḥ parityajya māmeva śaraṇaṃ gatāḥ / sarvabhūtadayāvanto mānāhaṅkāravarjitāḥ
= Dभ्P_7,39.34 ॥ मच्चित्ता मद्गतप्राणा मत्स्थानकथने रताः । संन्यासिनो वनस्थाश्च गृहस्था ब्रह्मचारिणः
= DbhP_7,39.34 // maccittā madgataprāṇā matsthānakathane ratāḥ / saṃnyāsino vanasthāśca gṛhasthā brahmacāriṇaḥ
= Dभ्P_7,39.35 ॥ उपासन्ते सदा भक्त्या योगमैश्वरसञ्ज्ञितम् । तेषां नित्यावियुक्तानामहमज्ञानजं तमः
= DbhP_7,39.35 // upāsante sadā bhaktyā yogamaiśvarasañjñitam / teṣāṃ nityāviyuktānāmahamajñānajaṃ tamaḥ
= Dभ्P_7,39.36 ॥ ज्ञानसूर्यप्रकाशेन नाशयामि न संशयः । इत्थं वैदिकपूजायाः प्रथमाया नगाधिप
= DbhP_7,39.36 // jñānasūryaprakāśena nāśayāmi na saṃśayaḥ / itthaṃ vaidikapūjāyāḥ prathamāyā nagādhipa
= Dभ्P_7,39.37 ॥ स्वरूपमुक्तं सम्क्षेपाद् द्वितीयाया अथो ब्रुवे । मूर्तौ वा स्थण्डिले वापि तथा सूर्येन्दुमण्डले
= DbhP_7,39.37 // svarūpamuktaṃ samkṣepād dvitīyāyā atho bruve / mūrtau vā sthaṇḍile vāpi tathā sūryendumaṇḍale
= Dभ्P_7,39.38 ॥ जले ऽथवा बाणलिङ्गे यन्त्रे वापि महापटे । तथा श्रीहृदयाम्भोजे ध्यात्वा देवीं परात्पराम्
= DbhP_7,39.38 // jale 'thavā bāṇaliṅge yantre vāpi mahāpaṭe / tathā śrīhṛdayāmbhoje dhyātvā devīṃ parātparām
= Dभ्P_7,39.39 ॥ सगुणां करुणापूर्णां तरुणीमरुणारुणाम् । सौन्दर्यसारसीमान्तां सर्वावयवसुन्दराम्
= DbhP_7,39.39 // saguṇāṃ karuṇāpūrṇāṃ taruṇīmaruṇāruṇām / saundaryasārasīmāntāṃ sarvāvayavasundarām
= Dभ्P_7,39.40 ॥ शृङ्गाररससम्पूर्णां सदा भक्तार्तिकातराम् । प्रसादसुमुखीमम्बां चन्द्रखण्डशिखण्डिनीम्
= DbhP_7,39.40 // śṛṅgārarasasampūrṇāṃ sadā bhaktārtikātarām / prasādasumukhīmambāṃ candrakhaṇḍaśikhaṇḍinīm
= Dभ्P_7,39.41 ॥ पाशाङ्कुशवराभीतिधरामानन्दरूपिणीम् । पूजयेदुपचारैश्च यथावित्तानुसारतः
= DbhP_7,39.41 // pāśāṅkuśavarābhītidharāmānandarūpiṇīm / pūjayedupacāraiśca yathāvittānusārataḥ
= Dभ्P_7,39.42 ॥ यावदान्तरपूजायामधिकारो भवेन्न हि । तावद्बाह्यामिमां पूजां श्रयेज्जाते तु तां त्यजेत्
= DbhP_7,39.42 // yāvadāntarapūjāyāmadhikāro bhavenna hi / tāvadbāhyāmimāṃ pūjāṃ śrayejjāte tu tāṃ tyajet
= Dभ्P_7,39.43 ॥ आभ्यन्तरा तु या पूजा सा तु संविल्लयः स्मृतः । संविदेव परं रूपमुपाधिरहितं मम
= DbhP_7,39.43 // ābhyantarā tu yā pūjā sā tu saṃvillayaḥ smṛtaḥ / saṃvideva paraṃ rūpamupādhirahitaṃ mama
= Dभ्P_7,39.44 ॥ अतः संविदि मद्रूपे चेतः स्थाप्यं निराश्रयम् । संविद्रूपातिरिक्तं तु मिथ्या मायामयं जगत्
= DbhP_7,39.44 // ataḥ saṃvidi madrūpe cetaḥ sthāpyaṃ nirāśrayam / saṃvidrūpātiriktaṃ tu mithyā māyāmayaṃ jagat
= Dभ्P_7,39.45 ॥ अतः संसारनाशाय साक्षिणीमात्मरूपिणीम् । भावयेन्निर्मनस्केन योगयुक्तेन चेतसा
= DbhP_7,39.45 // ataḥ saṃsāranāśāya sākṣiṇīmātmarūpiṇīm / bhāvayennirmanaskena yogayuktena cetasā
= Dभ्P_7,39.46 ॥ अतः परं बाह्यपूजाविस्तारः कथ्यते मया । सावधानेन मनसा शृणु पर्वतसत्तम
= DbhP_7,39.46 // ataḥ paraṃ bāhyapūjāvistāraḥ kathyate mayā / sāvadhānena manasā śṛṇu parvatasattama