18 ॥ इति श्रीगारुडे महापुराणे पूर्वखण्डे प्रथमांशाख्ये आचारकाण्डे ज्वरहरनानायोगादिवर्णनं नाम पञ्चसप्तत्युत्तरशततमो ऽध्यायः श्रीगरुडमहापुराणम्- 176 श्रीभगवानुवाच । सप्तरात्रात्प्रजायन्ते खल्वाटस्य कचाः शुभाः । दग्धहस्तिदन्तलेपात्साजाक्षीररसाञ्जनात्
18 // iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe jvaraharanānāyogādivarṇanaṃ nāma pañcasaptatyuttaraśatatamo 'dhyāyaḥ śrīgaruḍamahāpurāṇam- 176 śrībhagavānuvāca / saptarātrātprajāyante khalvāṭasya kacāḥ śubhāḥ / dagdhahastidantalepātsājākṣīrarasāñjanāt
1 ॥ भृङ्गराजरसेनैव चतुर्भागेन साधितम् । केशवृद्धिकरं तैलं गुञ्जाचूर्णान्वितेन च
1 // bhṛṅgarājarasenaiva caturbhāgena sādhitam / keśavṛddhikaraṃ tailaṃ guñjācūrṇānvitena ca
2 ॥ एलामांसीकुष्ठमुरायुक्तमभ्यङ्गतः शिवम् । गुञ्जाफलं समादेयं लेपनं चन्द्रलुप्तनुत्
2 // elāmāṃsīkuṣṭhamurāyuktamabhyaṅgataḥ śivam / guñjāphalaṃ samādeyaṃ lepanaṃ candraluptanut
3 ॥ आम्रास्थिचूर्णलेपाद्वै केशाः सूक्ष्मा भवन्ति च । करञ्जामलकैलाललाक्षालेपो ऽरुणापहः
3 // āmrāsthicūrṇalepādvai keśāḥ sūkṣmā bhavanti ca / karañjāmalakailālalākṣālepo 'ruṇāpahaḥ
4 ॥ आम्रास्थिमज्जामलकलेपात्केशा भवन्ति वै । बद्धमूला घना दीर्घाः स्नग्धाः स्युर्नोत्पतन्ति च
4 // āmrāsthimajjāmalakalepātkeśā bhavanti vai / baddhamūlā ghanā dīrghāḥ snagdhāḥ syurnotpatanti ca
5 ॥ विडङ्गगन्धपाषाणसाधितं तैलमुत्तमम् । सचतुर्गुणगोमूत्रं मनसः शिलमेव वा
5 // viḍaṅgagandhapāṣāṇasādhitaṃ tailamuttamam / sacaturguṇagomūtraṃ manasaḥ śilameva vā
6 ॥ शिरो ऽभ्यङ्गाच्छिराजन्मयूकालिख्याः क्षयं नयेत् । नवदग्धं शङ्खचूर्णं घृष्टसीसकलेपितम्
6 // śiro 'bhyaṅgācchirājanmayūkālikhyāḥ kṣayaṃ nayet / navadagdhaṃ śaṅkhacūrṇaṃ ghṛṣṭasīsakalepitam
7 ॥ कचाः श्लक्ष्णा महाकृष्णा भवन्ति वृषभध्वज । भृङ्गराजं लोहचूर्णं त्रिफला बीजपूरकम्
7 // kacāḥ ślakṣṇā mahākṛṣṇā bhavanti vṛṣabhadhvaja / bhṛṅgarājaṃ lohacūrṇaṃ triphalā bījapūrakam
8 ॥ नीली च करवीरं च गुडमेतैः समं शृतम् । पलितानीह कृष्णानि कुर्याल्लेपान्महौषधम्
8 // nīlī ca karavīraṃ ca guḍametaiḥ samaṃ śṛtam / palitānīha kṛṣṇāni kuryāllepānmahauṣadham
9 ॥ आम्रास्थिमज्जा त्रिफला नी (ता) ली च भृङ्ग राजकम् । जीर्णं पक्वं लोहचूर्णं काञ्जिकं कृष्णकेशकृत्
9 // āmrāsthimajjā triphalā nī (tā) lī ca bhṛṅga rājakam / jīrṇaṃ pakvaṃ lohacūrṇaṃ kāñjikaṃ kṛṣṇakeśakṛt
10 ॥ चक्रमर्दकबीजानि कुष्ठमेरण्डमूलकम् । अत्यम्लकाञ्जिकं पिष्ट्वा लेपान्मस्तकरोगनुत्
10 // cakramardakabījāni kuṣṭhameraṇḍamūlakam / atyamlakāñjikaṃ piṣṭvā lepānmastakaroganut
11 ॥ सैन्धवं च वचा हिङ्गु कुष्ठं नागेश्वरं तथा । शतपुष्पा देवदारु एभिस्तैलं तु साधितम्
11 // saindhavaṃ ca vacā hiṅgu kuṣṭhaṃ nāgeśvaraṃ tathā / śatapuṣpā devadāru ebhistailaṃ tu sādhitam
12 ॥ गोपुरीपरसेनैव चतुर्भागेन संयुतम् । तत्कणभरणादुग्रकर्णशूलं क्षयं नयेत्
12 // gopurīparasenaiva caturbhāgena saṃyutam / tatkaṇabharaṇādugrakarṇaśūlaṃ kṣayaṃ nayet
13 ॥ मेषमूत्रसैन्धवाभ्यां कर्णयोर्भरणाच्छिव । कर्णयोः पूतिनाशः स्यात्कृमिस्त्रावादिकस्य च
13 // meṣamūtrasaindhavābhyāṃ karṇayorbharaṇācchiva / karṇayoḥ pūtināśaḥ syātkṛmistrāvādikasya ca
14 ॥ मालतीपुप्पदलयो रसेन भरणात्तथा । गोजलेनैव पूरेण पूयस्त्रावो विनश्यति
14 // mālatīpuppadalayo rasena bharaṇāttathā / gojalenaiva pūreṇa pūyastrāvo vinaśyati
15 ॥ कष्ठमाषमरीचानि तगरं मधु पिप्पली । अपामार्गो ऽश्वगन्धा च बृहती सितसर्षपाः
15 // kaṣṭhamāṣamarīcāni tagaraṃ madhu pippalī / apāmārgo 'śvagandhā ca bṛhatī sitasarṣapāḥ
16 ॥ यवास्तिलाः सैन्धवं च पादिकोद्वर्तनं शुभम् । लिङ्गबाहुस्तनानां च कर्णयोर्वृद्धिकृद्भवेत् । कटुतैलं भल्लातकं बृहती फलदाडिमम्
16 // yavāstilāḥ saindhavaṃ ca pādikodvartanaṃ śubham / liṅgabāhustanānāṃ ca karṇayorvṛddhikṛdbhavet / kaṭutailaṃ bhallātakaṃ bṛhatī phaladāḍimam
17 ॥ वल्कलैः साधितैर्लिप्तं लिङ्गं तेन विवर्धते
17 // valkalaiḥ sādhitairliptaṃ liṅgaṃ tena vivardhate