18 ॥ इति श्रीगारुडे महापुराणे पूर्वखण्डे प्रथमांशाख्ये आचारकाण्डे केशोत्पत्त्यादिवर्णनं नाम षट्सप्तत्युत्तरशततमो ऽध्यायः श्रीगरुडमहापुराणम्- 177 हरिरुवाच । सोभाञ्जनपत्ररसं मधुयुक्तं हि चक्षुषोः । भ (च) रणाद्रोगहरणं भवेन्नास्त्यत्र संशयः
18 // iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe keśotpattyādivarṇanaṃ nāma ṣaṭsaptatyuttaraśatatamo 'dhyāyaḥ śrīgaruḍamahāpurāṇam- 177 hariruvāca / sobhāñjanapatrarasaṃ madhuyuktaṃ hi cakṣuṣoḥ / bha (ca) raṇādrogaharaṇaṃ bhavennāstyatra saṃśayaḥ
1 ॥ अशीतितिलपुष्पाणि जात्याश्च कुसुमापि च । उषानिम्बामलाशुण्ठीपिप्पलीतण्डुलीयकम्
1 // aśītitilapuṣpāṇi jātyāśca kusumāpi ca / uṣānimbāmalāśuṇṭhīpippalītaṇḍulīyakam
2 ॥ छायासुष्कां वटीं कुर्यात्पिष्ट्वा तण्डुलवारिणा । मधुना सहसा चाक्ष्णोरञ्जनात्तिमिरादिनुत्
2 // chāyāsuṣkāṃ vaṭīṃ kuryātpiṣṭvā taṇḍulavāriṇā / madhunā sahasā cākṣṇorañjanāttimirādinut
3 ॥ बिभीतकास्थिमज्जा तु शङ्खनाभिर्मनः शिला । निम्बपत्रमरीचा नि अजामूत्रेण पेषयेत्
3 // bibhītakāsthimajjā tu śaṅkhanābhirmanaḥ śilā / nimbapatramarīcā ni ajāmūtreṇa peṣayet
4 ॥ पुष्पं रात्र्यन्धतां हन्ति तिमिरं पटलं तथा । चतुर्भागानि शङ्खस्य तदर्धेन मनः शिला
4 // puṣpaṃ rātryandhatāṃ hanti timiraṃ paṭalaṃ tathā / caturbhāgāni śaṅkhasya tadardhena manaḥ śilā
5 ॥ सैन्धवं च तदर्धेनत्वेतत्पिष्ट्वादकेन तु । छायाशुष्कां तु वटिकां कृत्वा नयनमञ्जयेत्
5 // saindhavaṃ ca tadardhenatvetatpiṣṭvādakena tu / chāyāśuṣkāṃ tu vaṭikāṃ kṛtvā nayanamañjayet
6 ॥ तिमिरं पटलं हन्ति पिचिटं च महौषधम् । त्रिकटु त्रिफलां चैव करं जस्य फलानि च
6 // timiraṃ paṭalaṃ hanti piciṭaṃ ca mahauṣadham / trikaṭu triphalāṃ caiva karaṃ jasya phalāni ca
7 ॥ सैन्धवं रजनीद्वे व भृङ्गराजरसेन हि । पिष्ट्वा तदञ्जनादेव तिमिरादिविनाशनम्
7 // saindhavaṃ rajanīdve va bhṛṅgarājarasena hi / piṣṭvā tadañjanādeva timirādivināśanam
8 ॥ आटरूषकमूलं तु काञ्जिकापिष्टमेव तु । तेनाक्षिबूमिलेपाच्च चक्षुः शूलं विनश्यति
8 // āṭarūṣakamūlaṃ tu kāñjikāpiṣṭameva tu / tenākṣibūmilepācca cakṣuḥ śūlaṃ vinaśyati
9 ॥ सतक्रं बदरीमूलं पीतं वाक्षिव्यथां हरेत् । सैन्धंवं कटुतैलं च अपामार्गस्य मूलकम्
9 // satakraṃ badarīmūlaṃ pītaṃ vākṣivyathāṃ haret / saindhaṃvaṃ kaṭutailaṃ ca apāmārgasya mūlakam
10 ॥ क्षीरकाञ्जिकसंघृष्टं ताम्रपात्रे तु तेन च । अञ्जनात्पिञ्जटस्यैव नाशो भवति शङ्कर
10 // kṣīrakāñjikasaṃghṛṣṭaṃ tāmrapātre tu tena ca / añjanātpiñjaṭasyaiva nāśo bhavati śaṅkara
11 ॥ ओं दद्रु सर क्रों ह्रीं ठः ठः दद्रु सर ह्रीं ह्रीं ओं उं ऊ सर क्रीं क्रीं ठः ठः । आद्या हि वशामायान्ति मन्त्रेणानेन चाञ्जनात्
11 // oṃ dadru sara kroṃ hrīṃ ṭhaḥ ṭhaḥ dadru sara hrīṃ hrīṃ oṃ uṃ ū sara krīṃ krīṃ ṭhaḥ ṭhaḥ / ādyā hi vaśāmāyānti mantreṇānena cāñjanāt
12 ॥ बिल्वकनीलिकामूलं पिष्टमभ्यञ्जनेन च । अनेनाञ्जितमात्रेण नश्यन्ति तिमिराणि हि
12 // bilvakanīlikāmūlaṃ piṣṭamabhyañjanena ca / anenāñjitamātreṇa naśyanti timirāṇi hi
13 ॥ कटुकं (पिप्पली) तगरं चैव हरिद्रामलकं वचा । खदिरपिष्टवात्तश्च अञ्जनान्नेत्ररोगनुत्
13 // kaṭukaṃ (pippalī) tagaraṃ caiva haridrāmalakaṃ vacā / khadirapiṣṭavāttaśca añjanānnetraroganut
14 ॥ नीरपूर्णमुखो धौति बृहन्मानेन यो ऽक्षिणी । प्रभाते नेत्ररोगैश्च नित्यं सर्वैः प्रमुच्यते
14 // nīrapūrṇamukho dhauti bṛhanmānena yo 'kṣiṇī / prabhāte netrarogaiśca nityaṃ sarvaiḥ pramucyate
15 ॥ शुक्लैरण्डस्य मूलेन पत्रेणापि प्रसाधितम् । छगदग्धसेकमौष्ण्याच्चक्षुषोर्वातशलनत्
15 // śuklairaṇḍasya mūlena patreṇāpi prasādhitam / chagadagdhasekamauṣṇyāccakṣuṣorvātaśalanat
16 ॥ चन्दनं सैन्धवं वृद्धपालाशश्च हरीतकी । पटलं कुसुमं नीली च (व) क्रिकां हरते ऽञ्जनम्
16 // candanaṃ saindhavaṃ vṛddhapālāśaśca harītakī / paṭalaṃ kusumaṃ nīlī ca (va) krikāṃ harate 'ñjanam
17 ॥ गुञ्जामूलं छागमूत्रे घृष्टं तिमिरनुच्च तत् रौप्यताम्रसुवर्णानां हस्तघृष्टशलाकया
17 // guñjāmūlaṃ chāgamūtre ghṛṣṭaṃ timiranucca tat raupyatāmrasuvarṇānāṃ hastaghṛṣṭaśalākayā
18 ॥ घृष्टमुद्वर्तनं रुद्र कामलाव्याधिनाशनम् । घोषाफलमपाघ्रातं पीतकामलनाशनम्
18 // ghṛṣṭamudvartanaṃ rudra kāmalāvyādhināśanam / ghoṣāphalamapāghrātaṃ pītakāmalanāśanam
19 ॥ दूर्वादाडिमपुष्पं तु अलक्तकहरीतकी । नासार्शवातरक्तनुन्नस्याद्वै स्वरसेन हि
19 // dūrvādāḍimapuṣpaṃ tu alaktakaharītakī / nāsārśavātaraktanunnasyādvai svarasena hi
20 ॥ आपिष्ट्वा जाङ्गली मू (तू) लं तद्रसेन वृषध्वज । नस्यादाराद्विनश्येत नाशार्शो नीललोहित
20 // āpiṣṭvā jāṅgalī mū (tū) laṃ tadrasena vṛṣadhvaja / nasyādārādvinaśyeta nāśārśo nīlalohita
21 ॥ गव्यं घृतं सर्जरसं रुद्र धन्याकसैन्धवम् । धुत्तूरकं गैरिकं च एतैः साधितसिक्थकम्
21 // gavyaṃ ghṛtaṃ sarjarasaṃ rudra dhanyākasaindhavam / dhuttūrakaṃ gairikaṃ ca etaiḥ sādhitasikthakam
22 ॥ सतैलं व्रणनुत्स्याच्च स्फुटितोद्धटिताधरे । जातीपत्रं च चर्वित्वा विधृतं मुखरोगनुत्
22 // satailaṃ vraṇanutsyācca sphuṭitoddhaṭitādhare / jātīpatraṃ ca carvitvā vidhṛtaṃ mukharoganut
23 ॥ भक्षात्केसरबीजस्य दन्ताः स्युश्चलिताःस्थिराः । मुष्टकं कुष्ठमेला च यष्टिकं मधुवालकम्
23 // bhakṣātkesarabījasya dantāḥ syuścalitāḥsthirāḥ / muṣṭakaṃ kuṣṭhamelā ca yaṣṭikaṃ madhuvālakam
24 ॥ धन्याकमेतददनान्मुखदुर्गन्धनुद्धर । कषायं कटुकं वापि तिक्तशाकस्य भक्षणात्
24 // dhanyākametadadanānmukhadurgandhanuddhara / kaṣāyaṃ kaṭukaṃ vāpi tiktaśākasya bhakṣaṇāt
25 ॥ तलयुक्तस्य नित्यं स्यान्मुखदुर्गन्धताक्षयः । दन्तव्रणानि सर्वाणि क्षयं गच्छन्त्यनेन तु
25 // talayuktasya nityaṃ syānmukhadurgandhatākṣayaḥ / dantavraṇāni sarvāṇi kṣayaṃ gacchantyanena tu
26 ॥ काञ्जिकस्य सतैलस्य गण्डूषकवलास्थितिः । ताम्बूलचूर्णदग्धस्य मुखस्य व्याधिनुच्छिव !
26 // kāñjikasya satailasya gaṇḍūṣakavalāsthitiḥ / tāmbūlacūrṇadagdhasya mukhasya vyādhinucchiva !
27 ॥ परित्यक्तश्लेष्मणश्च शुण्ठीचर्वणतो यथा । मातुलुङ्गदलान्येला यष्टी मधु च पिप्पली
27 // parityaktaśleṣmaṇaśca śuṇṭhīcarvaṇato yathā / mātuluṅgadalānyelā yaṣṭī madhu ca pippalī
28 ॥ जातीपत्रमथैषां च चूर्णं लीढ्वा तथा कृतम् । शेफालिकजटायाश्च चर्वणं गलशुण्ठिनुत्
28 // jātīpatramathaiṣāṃ ca cūrṇaṃ līḍhvā tathā kṛtam / śephālikajaṭāyāśca carvaṇaṃ galaśuṇṭhinut
29 ॥ नासाशिरारक्तकर्षान्नश्येच्छंशकर जिह्विका । रसः शिरीषबीजानां हरिद्रायाश्चतुर्गुणः
29 // nāsāśirāraktakarṣānnaśyecchaṃśakara jihvikā / rasaḥ śirīṣabījānāṃ haridrāyāścaturguṇaḥ
30 ॥ तेन पक्वेन भूतेश नस्यं मस्तकरोगनुत् । गलरोगा विनश्यन्ति नस्यमात्रेण तत्क्षणात्
30 // tena pakvena bhūteśa nasyaṃ mastakaroganut / galarogā vinaśyanti nasyamātreṇa tatkṣaṇāt
31 ॥ दन्तकीटविनाशः म्याद्गुञ्जामूलस्य चर्वणात् । काकजङ्घास्नुहीनीलीकवायो मधुमोजितः
31 // dantakīṭavināśaḥ myādguñjāmūlasya carvaṇāt / kākajaṅghāsnuhīnīlīkavāyo madhumojitaḥ
32 ॥ दन्ताक्रान्तान्दन्तजांश्च कृमीन्नाशयते शिव । घतं कर्कटपादेन दुग्धोन्मिश्रेण साधितम्
32 // dantākrāntāndantajāṃśca kṛmīnnāśayate śiva / ghataṃ karkaṭapādena dugdhonmiśreṇa sādhitam
33 ॥ तेन चाम्यङ्गितादन्ताः कुर्युः कटकटान्न हि । लिप्त्वा कर्कटपादेन केवलेनाथवाशिव
33 // tena cāmyaṅgitādantāḥ kuryuḥ kaṭakaṭānna hi / liptvā karkaṭapādena kevalenāthavāśiva
34 ॥ त्रिसप्ताहं वाः पिष्टानि ज्योतिष्मत्याः फलानि हि । शुक्लाभयामज्जलेपाद्दन्तस्याङ्ककलङ्कनुत्
34 // trisaptāhaṃ vāḥ piṣṭāni jyotiṣmatyāḥ phalāni hi / śuklābhayāmajjalepāddantasyāṅkakalaṅkanut
35 ॥ लोध्रकुङ्कुममञ्जिष्ठालोहका लेयकानि च । यवतण्डुलमेतैश्च यष्टी मधुसमन्वितैः
35 // lodhrakuṅkumamañjiṣṭhālohakā leyakāni ca / yavataṇḍulametaiśca yaṣṭī madhusamanvitaiḥ
36 ॥ वारिपिष्टैर्वक्त्रलेपः स्त्रीणां शोभनवक्त्रकृत् । द्विभागं छागदुग्धेन तैलप्रस्थं तु साधितम्
36 // vāripiṣṭairvaktralepaḥ strīṇāṃ śobhanavaktrakṛt / dvibhāgaṃ chāgadugdhena tailaprasthaṃ tu sādhitam
37 ॥ रक्तवन्दनमञ्जिष्ठालक्षाणां कर्षकेण वा । यष्टीमधुकुङ्कुमाभ्यां सप्ताहान्मुखकान्तिकृत्
37 // raktavandanamañjiṣṭhālakṣāṇāṃ karṣakeṇa vā / yaṣṭīmadhukuṅkumābhyāṃ saptāhānmukhakāntikṛt
38 ॥ शुण्ठीपिप्पलिचूर्णं तु गुडूची कण्टकारिका । एभिश्च क्वथितं वारि पीतं चाग्निं करोति वै
38 // śuṇṭhīpippalicūrṇaṃ tu guḍūcī kaṇṭakārikā / ebhiśca kvathitaṃ vāri pītaṃ cāgniṃ karoti vai
39 ॥ वातशूलक्षयं चैव कगेति प्रथमेश्वर । करञ्जपर्पटोशीरं बहती कटुरोहिणी
39 // vātaśūlakṣayaṃ caiva kageti prathameśvara / karañjaparpaṭośīraṃ bahatī kaṭurohiṇī
40 ॥ गोक्षुरं क्वथितं त्वभिर्वारि पीतं श्रमापहन् । दाहं पित्तं ज्वरं शोषं मूर्छां चैव क्षयं नयेत्
40 // gokṣuraṃ kvathitaṃ tvabhirvāri pītaṃ śramāpahan / dāhaṃ pittaṃ jvaraṃ śoṣaṃ mūrchāṃ caiva kṣayaṃ nayet
41 ॥ मध्वाज्यपिप्पलीचूर्णं क्वथितं क्षीरसंयुतम् । पीतं हृद्रोगकासस्य विषमज्वरनुद्भवेत्
41 // madhvājyapippalīcūrṇaṃ kvathitaṃ kṣīrasaṃyutam / pītaṃ hṛdrogakāsasya viṣamajvaranudbhavet
42 ॥ क्वाथौपधीनां सर्वासां कर्षार्धं ग्राह्यमेव च । वयो ऽनुरूयतो ज्ञेयो विशेषो वृषभध्वज
42 // kvāthaupadhīnāṃ sarvāsāṃ karṣārdhaṃ grāhyameva ca / vayo 'nurūyato jñeyo viśeṣo vṛṣabhadhvaja
43 ॥ दुग्धं पीतं तु संयुक्तं गोपुरीषरसेन च । विषमज्वरनुत्स्याच्च काकजन्धारसस्तथा
43 // dugdhaṃ pītaṃ tu saṃyuktaṃ gopurīṣarasena ca / viṣamajvaranutsyācca kākajandhārasastathā
44 ॥ मशुण्ठि क्वथितं क्षीग्मजाया ज्वरनुद्भवेत् । यष्टीमधुकमुस्तं च सैन्धवं बृहतीफलम्
44 // maśuṇṭhi kvathitaṃ kṣīgmajāyā jvaranudbhavet / yaṣṭīmadhukamustaṃ ca saindhavaṃ bṛhatīphalam
45 ॥ एतैर्नस्वप्रिदानाच्च निद्रा स्यात्पुरुपस्य च । मरीचप्रध्वश्वलालानस्यान्निद्रा भवेच्छिव
45 // etairnasvapridānācca nidrā syātpurupasya ca / marīcapradhvaśvalālānasyānnidrā bhavecchiva
46 ॥ मूलं तु काकजङ्घाया निद्राकृत्स्याच्छिरस्थितम् । सिद्धं तैलं काञ्जिकेन तथा सर्जरसेन च
46 // mūlaṃ tu kākajaṅghāyā nidrākṛtsyācchirasthitam / siddhaṃ tailaṃ kāñjikena tathā sarjarasena ca
47 ॥ शीतोदकसमायुक्तं लेपात्सन्तापनाशनम् । शोणितज्वरदाहेभ्यो जातसन्तापनुत्तथा
47 // śītodakasamāyuktaṃ lepātsantāpanāśanam / śoṇitajvaradāhebhyo jātasantāpanuttathā
48 ॥ शृकशैवालमन्थश्च शुण्ठीपापाणभेदकम् । शौवाञ्जनं गोक्षुरं वा वरुणच्छन्नमेव च
48 // śṛkaśaivālamanthaśca śuṇṭhīpāpāṇabhedakam / śauvāñjanaṃ gokṣuraṃ vā varuṇacchannameva ca
49 ॥ सौभाञ्जनस्य मूलं च एतैः क्वथितवारि च । दत्त्वा हिङ्गुयवक्षारं पीतं वातविनाशनम्
49 // saubhāñjanasya mūlaṃ ca etaiḥ kvathitavāri ca / dattvā hiṅguyavakṣāraṃ pītaṃ vātavināśanam
50 ॥ पिप्पली पिप्पलीमूलं तथा भल्लातकं शिव । वार्येतैः क्वथितं पीतं वरशूलापहारकृत्
50 // pippalī pippalīmūlaṃ tathā bhallātakaṃ śiva / vāryetaiḥ kvathitaṃ pītaṃ varaśūlāpahārakṛt
51 ॥ अश्वगन्धामूलकाभ्यां सिद्धा वल्मीकमृत्तिका । एतया मर्दनाद्रुद्र ऊरुस्तम्भः प्रशाम्यति
51 // aśvagandhāmūlakābhyāṃ siddhā valmīkamṛttikā / etayā mardanādrudra ūrustambhaḥ praśāmyati
52 ॥ बृहतीकस्य वै मूलं संपिष्टमुदकेन च । पीतं संघातवातस्य विपाटनकृदेव च
52 // bṛhatīkasya vai mūlaṃ saṃpiṣṭamudakena ca / pītaṃ saṃghātavātasya vipāṭanakṛdeva ca
53 ॥ पीतं तक्रेण मूलं च आर्द्रस्य तगरस्य च । हरेत् झिञ्जिनीवातं?वै वृक्षमिन्द्राशनिर्यथा
53 // pītaṃ takreṇa mūlaṃ ca ārdrasya tagarasya ca / haret jhiñjinīvātaṃ?vai vṛkṣamindrāśaniryathā
54 ॥ अस्थिसंहारमेकेन भक्तेन सह वादितम् । पतिं मांसरसेनापि वातनुच्चास्थिभङ्गनुत्
54 // asthisaṃhāramekena bhaktena saha vāditam / patiṃ māṃsarasenāpi vātanuccāsthibhaṅganut
55 ॥ घृतलिप्तं सशुष्कं च छागीक्षीरेण संयुतम् । तल्लोपात्पादयार्नंश्येत्सक्षेप्ये चात्र संशयः
55 // ghṛtaliptaṃ saśuṣkaṃ ca chāgīkṣīreṇa saṃyutam / tallopātpādayārnaṃśyetsakṣepye cātra saṃśayaḥ
56 ॥ मध्वाज्यसैन्धवं सिक्थं गुडकैरिकगुग्गुलैः । ससर्जरसस्फुटितः क्लोमशुद्धिश्च लेपनात्
56 // madhvājyasaindhavaṃ sikthaṃ guḍakairikaguggulaiḥ / sasarjarasasphuṭitaḥ klomaśuddhiśca lepanāt
57 ॥ कटुतैलेन लिप्तो वै विधूमाग्नौ प्रतापितः । मृत्तिकारखादितः पादः समः स्याद्वृषभध्वज
57 // kaṭutailena lipto vai vidhūmāgnau pratāpitaḥ / mṛttikārakhāditaḥ pādaḥ samaḥ syādvṛṣabhadhvaja
58 ॥ सर्जरसाः सिक्थकं च जीरकं च हरीतकी । उत्साधितघृताभ्यङ्गो ह्यग्निदग्धव्यथापनुत्
58 // sarjarasāḥ sikthakaṃ ca jīrakaṃ ca harītakī / utsādhitaghṛtābhyaṅgo hyagnidagdhavyathāpanut
59 ॥ तिलतैलं चाग्निदग्धं यवभस्मसमन्वितम् । अग्निदग्धव्रणं नश्येद्ब्रहुशः कृतलेपतः
59 // tilatailaṃ cāgnidagdhaṃ yavabhasmasamanvitam / agnidagdhavraṇaṃ naśyedbrahuśaḥ kṛtalepataḥ
60 ॥ नवनीतं माहिषं च दग्धपिष्टतिलानि च । सभल्लाकं व्रणं नश्येद्धृच्छूलं नस्यलेपनात्
60 // navanītaṃ māhiṣaṃ ca dagdhapiṣṭatilāni ca / sabhallākaṃ vraṇaṃ naśyeddhṛcchūlaṃ nasyalepanāt
61 ॥ कर्पूरगव्यसर्पिर्भ्यां प्रहारः पूरितो हर । शस्त्रोद्भवः सबद्धश्च शुक्लवर्णेन शङ्कर ! । पाकं च वेदनां चैव संस्पृशेद्वृषभध्वज
61 // karpūragavyasarpirbhyāṃ prahāraḥ pūrito hara / śastrodbhavaḥ sabaddhaśca śuklavarṇena śaṅkara ! / pākaṃ ca vedanāṃ caiva saṃspṛśedvṛṣabhadhvaja
62 ॥ आम्र (तस्य) मूलरसेनैव शस्त्रघातः प्रपूरितः । ढौकते शस्त्रघाताभ्यां निर्व्रणो घृपूरितः
62 // āmra (tasya) mūlarasenaiva śastraghātaḥ prapūritaḥ / ḍhaukate śastraghātābhyāṃ nirvraṇo ghṛpūritaḥ
63 ॥ शरपुङ्खा लज्जालुका पाठा चैषां तु मूलकम् । जलपिष्टं तस्य लेपाच्छस्त्रघातः प्रशाम्यति
63 // śarapuṅkhā lajjālukā pāṭhā caiṣāṃ tu mūlakam / jalapiṣṭaṃ tasya lepācchastraghātaḥ praśāmyati
64 ॥ मूलं च काकजङ्घायास्त्रिरात्रेणैव शोषितः । पाकपूतिं वेदनां च हन्ति वै रोहितो व्रणे
64 // mūlaṃ ca kākajaṅghāyāstrirātreṇaiva śoṣitaḥ / pākapūtiṃ vedanāṃ ca hanti vai rohito vraṇe
65 ॥ सजलं तिलतैलं च अपामार्गस्य मूलकम् । तत्सेकदानान्नश्येच्च प्रहारोद्भववेदना
65 // sajalaṃ tilatailaṃ ca apāmārgasya mūlakam / tatsekadānānnaśyecca prahārodbhavavedanā
66 ॥ अभयां सैन्धवं शुण्ठीमेतत्पिष्ट्वोदकेन तु । भक्षयित्वा ह्यजीर्णस्य नाशो भवति शङ्कर !
66 // abhayāṃ saindhavaṃ śuṇṭhīmetatpiṣṭvodakena tu / bhakṣayitvā hyajīrṇasya nāśo bhavati śaṅkara !
67 ॥ कटिबद्धं निम्बमूलमक्षिसूलहरं भवेत् । शणमूलं सताम्बूलं दग्धमिन्द्रियकस्य (ल्प) हृत्
67 // kaṭibaddhaṃ nimbamūlamakṣisūlaharaṃ bhavet / śaṇamūlaṃ satāmbūlaṃ dagdhamindriyakasya (lpa) hṛt
68 ॥ अन्नस्विन्नहरिद्रा च श्वेतसर्षपमूलकम् । बीजानि मातुलुङ्गस्य एषामुद्वर्तनं समम् । सप्तरात्रप्रयोगेण शुभदेहकरं भवेत्
68 // annasvinnaharidrā ca śvetasarṣapamūlakam / bījāni mātuluṅgasya eṣāmudvartanaṃ samam / saptarātraprayogeṇa śubhadehakaraṃ bhavet
69 ॥ श्वेतापराजितापत्रं निम्बपत्ररसेन तु । नस्यदानाड्डाकिनीनां मातॄणां ब्रह्मरक्षसाम् । मोक्षः स्यान्मधुसारेण नस्याच्च वृषभध्वज
69 // śvetāparājitāpatraṃ nimbapatrarasena tu / nasyadānāḍḍākinīnāṃ mātṝṇāṃ brahmarakṣasām / mokṣaḥ syānmadhusāreṇa nasyācca vṛṣabhadhvaja
70 ॥ मूलं श्वेतजयन्त्याश्च पुष्यर्क्षे तु समाहृतम् । श्वेतापराजितार्कस्य चित्रकस्य च मूलकम् । कृत्वा तु वटिकां नारी तिलकेन वशी भवेत्
70 // mūlaṃ śvetajayantyāśca puṣyarkṣe tu samāhṛtam / śvetāparājitārkasya citrakasya ca mūlakam / kṛtvā tu vaṭikāṃ nārī tilakena vaśī bhavet
71 ॥ पिप्पलीलोहचूर्णं तु शुण्ठीश्चामलकानि च । समानि रुद्र जानीयात्सैन्धवं मधुशर्करा
71 // pippalīlohacūrṇaṃ tu śuṇṭhīścāmalakāni ca / samāni rudra jānīyātsaindhavaṃ madhuśarkarā
72 ॥ उदुम्बरप्रमाणेन सप्ताहं भक्षणात्समम् । पुमांश्च बलवान्स स्याज्जीवेद्वर्षशतद्वयम् । ओं ठ ठ ठ इति सर्ववश्यप्रयोगेषु प्रयुक्तः सर्वकामकृत्
72 // udumbarapramāṇena saptāhaṃ bhakṣaṇātsamam / pumāṃśca balavānsa syājjīvedvarṣaśatadvayam / oṃ ṭha ṭha ṭha iti sarvavaśyaprayogeṣu prayuktaḥ sarvakāmakṛt
73 ॥ संगृह्य विद्वान्काकस्य निलयं प्रदहेच्च तत् । चिताग्नौ भस्म तच्छत्रोर्दत्तं शिरसि शङ्कर
73 // saṃgṛhya vidvānkākasya nilayaṃ pradahecca tat / citāgnau bhasma tacchatrordattaṃ śirasi śaṅkara
74 ॥ तमुच्चाटयते रुद्र शृणु तद्योगमुत्तमम् । निः क्षिप्तं च पुरीषं वै वनमूषिकचर्मणि
74 // tamuccāṭayate rudra śṛṇu tadyogamuttamam / niḥ kṣiptaṃ ca purīṣaṃ vai vanamūṣikacarmaṇi
75 ॥ कटितन्तुनिबद्धं वै कुर्यान्मलनिरोधनम् । कृष्णकाकस्य रक्तेन यस्य नाम प्रलिप्य च
75 // kaṭitantunibaddhaṃ vai kuryānmalanirodhanam / kṛṣṇakākasya raktena yasya nāma pralipya ca
76 ॥ च्युतदले मध्यमध्ये ततो निः क्षिप्यते हर ! । स खाद्यते काकवृन्दैर्नारी पुरुष एव च
76 // cyutadale madhyamadhye tato niḥ kṣipyate hara ! / sa khādyate kākavṛndairnārī puruṣa eva ca
77 ॥ शर्करामध्वजाक्षीरं तिलगोक्षुरकं समम् । स शत्रुं नाशयेद्रुद्र ! उच्चाटितमिदं हर !
77 // śarkarāmadhvajākṣīraṃ tilagokṣurakaṃ samam / sa śatruṃ nāśayedrudra ! uccāṭitamidaṃ hara !
78 ॥ उलूककृष्णकाकस्य बिल्वस्याथ समिच्छतम् । रुधिरेण समायुक्तं ययोर्नाम्ना तु हूयते । तयोर्मध्ये महावैरं भवेन्नास्त्यत्र संशयः
78 // ulūkakṛṣṇakākasya bilvasyātha samicchatam / rudhireṇa samāyuktaṃ yayornāmnā tu hūyate / tayormadhye mahāvairaṃ bhavennāstyatra saṃśayaḥ
79 ॥ भावितं ऋक्षदुग्धेन मत्स्यस्य रोहितस्य च । मांसं तत्साधितं तैलं तदभ्यङ्गाच्च रोगनुत् । चन्दनोदकनस्यात्तु रोमोत्थानं भवेत्पुनः
79 // bhāvitaṃ ṛkṣadugdhena matsyasya rohitasya ca / māṃsaṃ tatsādhitaṃ tailaṃ tadabhyaṅgācca roganut / candanodakanasyāttu romotthānaṃ bhavetpunaḥ
80 ॥ हस्ते लाङ्गलिकाकन्दं गृहीतं तेन लेपितम् । शरीरं येन स पुमान्वृद्धेर्दर्पं व्यपोहति
80 // haste lāṅgalikākandaṃ gṛhītaṃ tena lepitam / śarīraṃ yena sa pumānvṛddherdarpaṃ vyapohati
81 ॥ मयूररुधिरेणैव जीवं संहरते शिव । ज्वलतां तु भुजङ्गानां बिलस्थानामपीश्वर
81 // mayūrarudhireṇaiva jīvaṃ saṃharate śiva / jvalatāṃ tu bhujaṅgānāṃ bilasthānāmapīśvara
82 ॥ देहश्चिताग्नौ दग्धश्च सर्पस्याजगरस्य हि । तद्भस्म संमुखे क्षिप्तं शत्रणां भङ्गकृद्भवेत्
82 // dehaścitāgnau dagdhaśca sarpasyājagarasya hi / tadbhasma saṃmukhe kṣiptaṃ śatraṇāṃ bhaṅgakṛdbhavet
83 ॥ मन्त्रेणानेन तत्क्षिप्तं महाभङ्गकरं रिपोः । ओं ठ ठ ठ चाहीहिचाहीहि स्वाहा । ओं उदरं पाहिहि पाहिहिस्वाहा
83 // mantreṇānena tatkṣiptaṃ mahābhaṅgakaraṃ ripoḥ / oṃ ṭha ṭha ṭha cāhīhicāhīhi svāhā / oṃ udaraṃ pāhihi pāhihisvāhā
84 ॥ सुदर्शनाया मलं तु पुष्यर्क्षे तु समाहृतम् । निः क्षिप्तं गृहमध्ये तु भुजङ्गा वर्जयन्ति तत्
84 // sudarśanāyā malaṃ tu puṣyarkṣe tu samāhṛtam / niḥ kṣiptaṃ gṛhamadhye tu bhujaṅgā varjayanti tat
85 ॥ अर्कमूलेन रविणा अर्काग्निज्वलिता शिव । युक्ता सिद्धार्थतैलेन वर्तिर्मार्गाहिनाशिनी
85 // arkamūlena raviṇā arkāgnijvalitā śiva / yuktā siddhārthatailena vartirmārgāhināśinī
86 ॥ मार्जारपललं विष्ठा हरितालं च भावितम् । छाग मूत्रेण तल्लिप्तो मूषिको मूषिकान्हरेत्
86 // mārjārapalalaṃ viṣṭhā haritālaṃ ca bhāvitam / chāga mūtreṇa tallipto mūṣiko mūṣikānharet
87 ॥ मुक्तो हि मन्दिरे रुद्र नात्र कार्या विचारणा । विफलार्जुनपुष्पाणि भल्लातकशिरीषकम्
87 // mukto hi mandire rudra nātra kāryā vicāraṇā / viphalārjunapuṣpāṇi bhallātakaśirīṣakam
88 ॥ लाक्षा सर्जरसश्चैव विडङ्गश्चैव गुग्गुलुः । एतैर्धूपो मक्षिकाणां मशकाणां विनाशनः
88 // lākṣā sarjarasaścaiva viḍaṅgaścaiva gugguluḥ / etairdhūpo makṣikāṇāṃ maśakāṇāṃ vināśanaḥ