89 ॥ इति श्रीगारुडे महापुराणे पूर्वखण्डे प्रथमांशाख्ये आचारकाण्डे नेत्राञ्जनादिनिरूपणं नाम सप्तसप्तत्युत्तरशततमो ऽध्यायः श्रीगरुडमहापुराणम्- 178 हरिरुवाच । ब्रह्मदण्डीवचाकुष्ठं प्रियङ्गर्नागकेशरम् । दद्यात्ताम्बूलसंयुक्तं स्त्रीणां मन्त्रेण तद्वशम् । ओं नारायण्यै स्वाहा
89 // iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe netrāñjanādinirūpaṇaṃ nāma saptasaptatyuttaraśatatamo 'dhyāyaḥ śrīgaruḍamahāpurāṇam- 178 hariruvāca / brahmadaṇḍīvacākuṣṭhaṃ priyaṅgarnāgakeśaram / dadyāttāmbūlasaṃyuktaṃ strīṇāṃ mantreṇa tadvaśam / oṃ nārāyaṇyai svāhā
1 ॥ ताम्बूलं यस्य दीयेत स वशी स्यात्सुमन्त्रतः । ओं हरिः हरिः स्वाहा
1 // tāmbūlaṃ yasya dīyeta sa vaśī syātsumantrataḥ / oṃ hariḥ hariḥ svāhā
2 ॥ गोदन्तं हरितालञ्च संयुक्तं काकजिह्वया । चूर्णोकृत्य यस्य शिरे दीयते स वशी भवेत् । श्वेतसर्षपनिर्माल्यं यद्गृहे तद्विनाशकृत्
2 // godantaṃ haritālañca saṃyuktaṃ kākajihvayā / cūrṇokṛtya yasya śire dīyate sa vaśī bhavet / śvetasarṣapanirmālyaṃ yadgṛhe tadvināśakṛt
3 ॥ वैभी तकं शाखोटकं मूलं पत्रेण संयुतम् । स्थाप्यते यद्गृहद्वारे तत्र वै कलहो भवेत्
3 // vaibhī takaṃ śākhoṭakaṃ mūlaṃ patreṇa saṃyutam / sthāpyate yadgṛhadvāre tatra vai kalaho bhavet
4 ॥ खञ्जरीटस्य मांसं तु मधुना सह पेषयेत् । ऋतुकालेयोनिलेपात्पुरुषो दासतामियात्
4 // khañjarīṭasya māṃsaṃ tu madhunā saha peṣayet / ṛtukāleyonilepātpuruṣo dāsatāmiyāt
5 ॥ अगुरुं गुग्गुलुं चैव नीलोत्पलसमन्वितम् । गुडेन धूपयित्वा तु राजद्वारे प्रियो भवेत्
5 // aguruṃ gugguluṃ caiva nīlotpalasamanvitam / guḍena dhūpayitvā tu rājadvāre priyo bhavet
6 ॥ श्वेताप राजितामूलं पिष्टं रोचनया युतम् । यं पश्येत्तिलकेनैव वशी कर्यान्नृपालये
6 // śvetāpa rājitāmūlaṃ piṣṭaṃ rocanayā yutam / yaṃ paśyettilakenaiva vaśī karyānnṛpālaye
7 ॥ काकजङ्घा वचा कुष्ठं निम्बपत्रं सुकुङ्कुमम् । आत्मरक्तसमायुक्तं वशी भवति मानवः
7 // kākajaṅghā vacā kuṣṭhaṃ nimbapatraṃ sukuṅkumam / ātmaraktasamāyuktaṃ vaśī bhavati mānavaḥ
8 ॥ आरण्यस्य बिडालस्य गृहित्वा रुधिरं शुभम् । करञ्जतैले तद्भाव्यं रुद्राग्नौ कज्जलं ततः । पातयेत्पद्मपत्रेण हादृश्यः स्यात्तदञ्जनात्
8 // āraṇyasya biḍālasya gṛhitvā rudhiraṃ śubham / karañjataile tadbhāvyaṃ rudrāgnau kajjalaṃ tataḥ / pātayetpadmapatreṇa hādṛśyaḥ syāttadañjanāt
9 ॥ ओं नमः खड्गवज्रपाणये महायक्षसेनापतये स्वाहा । ओं रुद्रं ह्रां ह्रीं वरशक्ता त्वरिताविद्या । ओं मातरः स्तम्भयस्वाहा । सहस्रं परिजप्यात्तु विद्येयं चौरवारिणी । महासुगन्धिकामूलं शुक्रं स्तम्भेत्कटौ स्थितम्
9 // oṃ namaḥ khaḍgavajrapāṇaye mahāyakṣasenāpataye svāhā / oṃ rudraṃ hrāṃ hrīṃ varaśaktā tvaritāvidyā / oṃ mātaraḥ stambhayasvāhā / sahasraṃ parijapyāttu vidyeyaṃ cauravāriṇī / mahāsugandhikāmūlaṃ śukraṃ stambhetkaṭau sthitam
10 ॥ ओं नमः सर्वसत्त्वेभ्यो नमः सिद्धिं कुरु कुरु स्वाहा । सप्ताभिमन्त्रितं कृत्वा करवीरस्य पुष्पकम् । स्त्रीणामग्रे भ्रामयच्च क्षणाद्वै सा वशे भवेत्
10 // oṃ namaḥ sarvasattvebhyo namaḥ siddhiṃ kuru kuru svāhā / saptābhimantritaṃ kṛtvā karavīrasya puṣpakam / strīṇāmagre bhrāmayacca kṣaṇādvai sā vaśe bhavet
11 ॥ ब्रह्मदण्डीं वचां पत्रं मधुना सह पेषयेत् । अङ्गलेपाच्च वनिता नान्यं भर्तारमिच्छति
11 // brahmadaṇḍīṃ vacāṃ patraṃ madhunā saha peṣayet / aṅgalepācca vanitā nānyaṃ bhartāramicchati
12 ॥ ब्रह्मदण्डीशिखा वक्त्रे क्षिप्ता शुक्रस्य स्तम्भनम् । मूलं जयन्त्या वक्त्रस्थं व्यवहारे जयप्रदम्
12 // brahmadaṇḍīśikhā vaktre kṣiptā śukrasya stambhanam / mūlaṃ jayantyā vaktrasthaṃ vyavahāre jayapradam
13 ॥ भृङ्गराजस्य मूलं तु पिष्टं शुक्रेण संयुतम् । अक्षिणी चाञ्जयित्वा तु वशी कर्यान्नरं किल
13 // bhṛṅgarājasya mūlaṃ tu piṣṭaṃ śukreṇa saṃyutam / akṣiṇī cāñjayitvā tu vaśī karyānnaraṃ kila
14 ॥ अपराजिताशिखान्तु नीलोत्पलसमन्विताम् । ताम्बूलेन प्र (दाना) दद्याच्च वशीकरणमुत्तमम्
14 // aparājitāśikhāntu nīlotpalasamanvitām / tāmbūlena pra (dānā) dadyācca vaśīkaraṇamuttamam
15 ॥ अङ्गुष्ठे च पदे गुल्फे जानौ च जघने तथा । नाभौ वक्षसि कुक्षौ च कक्षे कण्ठे कपोलके
15 // aṅguṣṭhe ca pade gulphe jānau ca jaghane tathā / nābhau vakṣasi kukṣau ca kakṣe kaṇṭhe kapolake
16 ॥ ओष्ठे नेत्रे ललाटे च मूर्ध्नि चन्द्रकलाः स्थिताः । स्त्रीणां पक्षे सिते कृष्णे ऊर्ध्वाधः संस्थिता नृणाम्
16 // oṣṭhe netre lalāṭe ca mūrdhni candrakalāḥ sthitāḥ / strīṇāṃ pakṣe site kṛṣṇe ūrdhvādhaḥ saṃsthitā nṛṇām
17 ॥ वामाङ्गे दक्षिणाङ्गे च क्रमाद्रुद्र द्रवादिकृत् । चतुः षष्टि कलाः प्रोक्ताः कामशास्त्रे वशीकराः । आलिङ्गनाद्या नारीणां कमारीणां वशीकराः
17 // vāmāṅge dakṣiṇāṅge ca kramādrudra dravādikṛt / catuḥ ṣaṣṭi kalāḥ proktāḥ kāmaśāstre vaśīkarāḥ / āliṅganādyā nārīṇāṃ kamārīṇāṃ vaśīkarāḥ
18 ॥ रोचनागन्धुपुष्पाणि निम्बपुष्पं प्रियङ्गवः । कुङ्कमं चन्दनञ्चैव तिलकेन जगद्वशेत्
18 // rocanāgandhupuṣpāṇi nimbapuṣpaṃ priyaṅgavaḥ / kuṅkamaṃ candanañcaiva tilakena jagadvaśet
19 ॥ ओं ह्रीं गौरि देवि सौभाग्यं पुत्रवशादि देहि मे । ओं ह्रीं लक्ष्मि ! देवि सौभाग्यं सर्वं त्रैलोक्यमोहनम्
19 // oṃ hrīṃ gauri devi saubhāgyaṃ putravaśādi dehi me / oṃ hrīṃ lakṣmi ! devi saubhāgyaṃ sarvaṃ trailokyamohanam
20 ॥ सगन्धस्य हरिद्रायाः कुङ्कमानां च लेपतः । वशयेद्रुद्र धूपश्च तथापुष्पसुगन्धयोः
20 // sagandhasya haridrāyāḥ kuṅkamānāṃ ca lepataḥ / vaśayedrudra dhūpaśca tathāpuṣpasugandhayoḥ
21 ॥ दुरालभा वचा कुष्ठं कुङ्कुमञ्च शतावरी । तिलतैलेन संयुक्तं योनिलेपाद्वशी नरः
21 // durālabhā vacā kuṣṭhaṃ kuṅkumañca śatāvarī / tilatailena saṃyuktaṃ yonilepādvaśī naraḥ
22 ॥ निम्बकाष्ठस्य धूमेन धूपयित्वा भगं वधूः । सुभगास्यात्साति रुद्र पतिर्दासो भविष्यति
22 // nimbakāṣṭhasya dhūmena dhūpayitvā bhagaṃ vadhūḥ / subhagāsyātsāti rudra patirdāso bhaviṣyati
23 ॥ माहिषं नवनीतञ्च कष्टञ्च मधुयष्टिका । सौभाग्यं भगलेपात्स्यात् पतिर्दासो भवेत्तथा
23 // māhiṣaṃ navanītañca kaṣṭañca madhuyaṣṭikā / saubhāgyaṃ bhagalepātsyāt patirdāso bhavettathā
24 ॥ मधुयष्टिश्च गोक्षीरं तथा च कण्टकारिका । एतानि समभागानि पिबेदुष्णेन वारिणा । चतुर्भागावशेषेण गर्भसम्भवमुत्तमम्
24 // madhuyaṣṭiśca gokṣīraṃ tathā ca kaṇṭakārikā / etāni samabhāgāni pibeduṣṇena vāriṇā / caturbhāgāvaśeṣeṇa garbhasambhavamuttamam
25 ॥ मातुलुङ्गस्य बीजानि क्षीरेण सह भावयेत् । तत्पीत्वा लभते गर्भं नात्र कार्या विचारणा
25 // mātuluṅgasya bījāni kṣīreṇa saha bhāvayet / tatpītvā labhate garbhaṃ nātra kāryā vicāraṇā
26 ॥ मातुलुङ्गस्य बीजानि मूलान्येरण्डकस्य च । घृतेन सह संयोज्य पाययेत्पुत्रकाक्षिणी
26 // mātuluṅgasya bījāni mūlānyeraṇḍakasya ca / ghṛtena saha saṃyojya pāyayetputrakākṣiṇī
27 ॥ पश्वगन्धा मृत दुग्ध क्वथितं मुत्रकारकम् । पलाशस्य तु बीजानि क्षौद्रेण सह पेषयेत् । रजस्वला तु पीत्वा स्यात्मुष्पगर्भविवर्जिता
27 // paśvagandhā mṛta dugdha kvathitaṃ mutrakārakam / palāśasya tu bījāni kṣaudreṇa saha peṣayet / rajasvalā tu pītvā syātmuṣpagarbhavivarjitā