37 ॥ इति श्रीगारुडे महापुराणे पूर्वखण्डे प्रथमांशाख्ये आचारकाण्डे मन्त्रतन्त्रवैद्यप्रयोदृपञ्चाशीत्यधिशततमो ऽध्यायः श्रीगरुडमहापुराणम्- 186 हरिरुवाच । पीतः सारो गुडूच्याश्च मधुना च प्रमेहनुत् । पीतं गोहालिकामूलं तिलदध्याज्यसंयुतम्
37 // iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe mantratantravaidyaprayodṛpañcāśītyadhiśatatamo 'dhyāyaḥ śrīgaruḍamahāpurāṇam- 186 hariruvāca / pītaḥ sāro guḍūcyāśca madhunā ca pramehanut / pītaṃ gohālikāmūlaṃ tiladadhyājyasaṃyutam
1 ॥ निरुद्धमूत्रं क्वथितं निवर्तयति शङ्कर । तथा हिक्कां हरेत्पीतं सौवर्चलयुतञ्च वै
1 // niruddhamūtraṃ kvathitaṃ nivartayati śaṅkara / tathā hikkāṃ haretpītaṃ sauvarcalayutañca vai
2 ॥ गोरक्षकर्कटीमूलं पिष्टं शीतोदकेन च । पीतं दिनत्रयेणैव नाशयेद्रुद्र शर्कराम्
2 // gorakṣakarkaṭīmūlaṃ piṣṭaṃ śītodakena ca / pītaṃ dinatrayeṇaiva nāśayedrudra śarkarām
3 ॥ पिष्ट्वा वै मालतीमूलं ग्रीष्मकाले समाहितम् । साधितं छागदुग्धेन पतिं शर्कस्यान्वितम् । हरेन्मूत्रनिरोधञ्च हरेद्वै पाण्डुशर्कराम्
3 // piṣṭvā vai mālatīmūlaṃ grīṣmakāle samāhitam / sādhitaṃ chāgadugdhena patiṃ śarkasyānvitam / harenmūtranirodhañca haredvai pāṇḍuśarkarām
4 ॥ द्विजयष्ट्याश्च वै मूलं पिष्टं तण्डुलवारिणा । गण्डमालां हरेल्लेपादसाध्यं गलगण्डकम्
4 // dvijayaṣṭyāśca vai mūlaṃ piṣṭaṃ taṇḍulavāriṇā / gaṇḍamālāṃ harellepādasādhyaṃ galagaṇḍakam
5 ॥ रसाञ्जनं हरीतक्याश्चूर्णं तेनैव गुण्ठनात् । नाशयेत्पुरुषो व्याधीन्नात्र कार्या विचारणा
5 // rasāñjanaṃ harītakyāścūrṇaṃ tenaiva guṇṭhanāt / nāśayetpuruṣo vyādhīnnātra kāryā vicāraṇā
6 ॥ करवीरमूललेपाद्वै लेपात्पूगफलस्य च । पुंव्याधिर्नश्यते रुद्र योगमन्यं वदाम्यहम्
6 // karavīramūlalepādvai lepātpūgaphalasya ca / puṃvyādhirnaśyate rudra yogamanyaṃ vadāmyaham
7 ॥ दन्तीमूलं हरिद्रा च चित्रकं तस्य लेपनात् । भगन्दरविनाशः स्यादन्यं योगं वदाम्यहम् । जलौकाजग्धरक्तञ्च भगन्दरमुमापते
7 // dantīmūlaṃ haridrā ca citrakaṃ tasya lepanāt / bhagandaravināśaḥ syādanyaṃ yogaṃ vadāmyaham / jalaukājagdharaktañca bhagandaramumāpate
8 ॥ त्रिफलाजलघृष्टञ्च मार्जारास्थि विलेपितम् । ततो न प्रस्त्रवेद्रक्तं नात्र कार्या विचारणा
8 // triphalājalaghṛṣṭañca mārjārāsthi vilepitam / tato na prastravedraktaṃ nātra kāryā vicāraṇā
9 ॥ हरिद्रानेकवारञ्च स्नुहीक्षीरेण भाविता । वटिकार्ऽशोविनाशाय तल्लेपाद्वृषभध्वज । घोषाफलं सैन्धवञ्च पिष्ट्वा चार्शोहरं परम्
9 // haridrānekavārañca snuhīkṣīreṇa bhāvitā / vaṭikār'śovināśāya tallepādvṛṣabhadhvaja / ghoṣāphalaṃ saindhavañca piṣṭvā cārśoharaṃ param
10 ॥ गव्याज्यं साधितं पीतं पलाशक्षारवारिणा । त्रिगुणेन त्रिकटुकं अर्शांसि क्षपयेच्छिव
10 // gavyājyaṃ sādhitaṃ pītaṃ palāśakṣāravāriṇā / triguṇena trikaṭukaṃ arśāṃsi kṣapayecchiva
11 ॥ बिल्वस्य च फलं दग्धं रक्तार्शः प्रविनाशनम् । जग्धवा कृष्णतिलानेव नवनीतयुतानपि
11 // bilvasya ca phalaṃ dagdhaṃ raktārśaḥ pravināśanam / jagdhavā kṛṣṇatilāneva navanītayutānapi
12 ॥ शुण्ठीचूर्णं यवक्षारयुक्तं तुल्यगुडान्वितम् । अग्निवृद्धिं करोत्येव प्रत्यूषे वृषभध्वज
12 // śuṇṭhīcūrṇaṃ yavakṣārayuktaṃ tulyaguḍānvitam / agnivṛddhiṃ karotyeva pratyūṣe vṛṣabhadhvaja
13 ॥ शुण्ठ्या च क्वथितं वारि पीतं चाग्निं करोति वै । हरीतकीं सैन्धवञ्च चित्रकं रुद्र पिप्पली
13 // śuṇṭhyā ca kvathitaṃ vāri pītaṃ cāgniṃ karoti vai / harītakīṃ saindhavañca citrakaṃ rudra pippalī
14 ॥ चूर्णमुष्णोदकेनैषां पीतं चातिक्षुधाकरम् । साज्यं सूकरमांसं वै पीतं चातिक्षुधाकरम्
14 // cūrṇamuṣṇodakenaiṣāṃ pītaṃ cātikṣudhākaram / sājyaṃ sūkaramāṃsaṃ vai pītaṃ cātikṣudhākaram