15 ॥ इति श्रीगारुडे महापुराणे पूर्वखण्डे प्रथमांशाख्ये आचारकाण्डे षडशीत्यधिकशततमो ऽध्यायः श्रीगरुडमहापुराणम्- 187 हरिरुवाच । हस्तिकर्णपलाशस्य पत्राणि? चूर्णयेद्धर । सर्वरोगविनिर्मुक्तं चूर्णं पलशतं शिव
15 // iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe ṣaḍaśītyadhikaśatatamo 'dhyāyaḥ śrīgaruḍamahāpurāṇam- 187 hariruvāca / hastikarṇapalāśasya patrāṇi? cūrṇayeddhara / sarvarogavinirmuktaṃ cūrṇaṃ palaśataṃ śiva
1 ॥ सक्षीरं भक्षीतं कुर्यात्सप्ताहेन वृषध्वज । नरं श्रुतिधरं रुद्र मृगेन्द्रगतिविक्रमम्
1 // sakṣīraṃ bhakṣītaṃ kuryātsaptāhena vṛṣadhvaja / naraṃ śrutidharaṃ rudra mṛgendragativikramam
2 ॥ पद्मरागप्रतीकाशंयुक्तं दशशतायुषा । षोडशाब्दाकृतिं रुद्र सततं दुग्धभोजनात्
2 // padmarāgapratīkāśaṃyuktaṃ daśaśatāyuṣā / ṣoḍaśābdākṛtiṃ rudra satataṃ dugdhabhojanāt
3 ॥ मधुसर्पिःसमायुक्तं दुग्धमायुष्करं भवेत् । तज्जग्धं मधुना सार्धं दशवर्ष सहस्रिणम्
3 // madhusarpiḥsamāyuktaṃ dugdhamāyuṣkaraṃ bhavet / tajjagdhaṃ madhunā sārdhaṃ daśavarṣa sahasriṇam
4 ॥ कुर्यान्नरं श्रुतिधरं प्रमदाजनवल्लभम् । दध्ना नित्यं भक्षितन्तु वज्रदेहकरं भवेत्
4 // kuryānnaraṃ śrutidharaṃ pramadājanavallabham / dadhnā nityaṃ bhakṣitantu vajradehakaraṃ bhavet
5 ॥ केशराजिसमायुक्तं नरं वर्षसहस्रिणम् । तच्च काञ्जिकसंयुक्तं नरं कुर्याच्च भक्षितम्
5 // keśarājisamāyuktaṃ naraṃ varṣasahasriṇam / tacca kāñjikasaṃyuktaṃ naraṃ kuryācca bhakṣitam
6 ॥ शतवर्षं दिव्यदेहं वलीपलितवर्जितम् । जग्धं त्रिफलया क्षौद्रं चक्षुष्मन्तं करोति वै
6 // śatavarṣaṃ divyadehaṃ valīpalitavarjitam / jagdhaṃ triphalayā kṣaudraṃ cakṣuṣmantaṃ karoti vai
7 ॥ अन्धः पश्येत्तु चूर्णस्य साज्यस्यैव तु भक्षणात् । महिषीक्षीरसंयुक्तस्तल्लेपः कृष्णकेशकृत्
7 // andhaḥ paśyettu cūrṇasya sājyasyaiva tu bhakṣaṇāt / mahiṣīkṣīrasaṃyuktastallepaḥ kṛṣṇakeśakṛt
8 ॥ खल्वाटस्य च वै केशा भवन्ति वृषभध्वज । तैलयुक्तेन चूर्णेन वलीपलितनाशनम्
8 // khalvāṭasya ca vai keśā bhavanti vṛṣabhadhvaja / tailayuktena cūrṇena valīpalitanāśanam
9 ॥ तदुद्वर्तनमात्रेण सर्वरागः प्रमुच्यते । सच्छागक्षीरचूर्णेन दृष्टिः स्यान्मासतो ऽञ्जनात्
9 // tadudvartanamātreṇa sarvarāgaḥ pramucyate / sacchāgakṣīracūrṇena dṛṣṭiḥ syānmāsato 'ñjanāt
10 ॥ पलाशस्य च बीजानि श्रावणे वितुषाणि च । गृहीत्वा नवनीतेन तेषां चूर्णं च भक्षयेत्
10 // palāśasya ca bījāni śrāvaṇe vituṣāṇi ca / gṛhītvā navanītena teṣāṃ cūrṇaṃ ca bhakṣayet
11 ॥ कर्षार्धमेकं सेवेत नत्वा नित्यं हरिं प्रभुम् । पुराणषष्टिधान्यस्य पथ्यमम्बु पिबन्हर । जीवेद्वर्षसहस्राणि वलीपलितवर्जितः
11 // karṣārdhamekaṃ seveta natvā nityaṃ hariṃ prabhum / purāṇaṣaṣṭidhānyasya pathyamambu pibanhara / jīvedvarṣasahasrāṇi valīpalitavarjitaḥ
12 ॥ भृङ्गराजस्य वै मूलं पुष्यर्क्षे तु समाहृतम् । विधाय तस्य चूर्णं वै ससौवीरञ्च भक्षयेतं
12 // bhṛṅgarājasya vai mūlaṃ puṣyarkṣe tu samāhṛtam / vidhāya tasya cūrṇaṃ vai sasauvīrañca bhakṣayetaṃ
13 ॥ मासमात्रप्रयोगेण वलीपलितवर्जितः । शतानि पञ्च जीवेच्च नरो नागबलो भवेत् । भवेच्छ्रुतिधरो रुद्र पुष्यर्क्षे चैव भक्षणात्
13 // māsamātraprayogeṇa valīpalitavarjitaḥ / śatāni pañca jīvecca naro nāgabalo bhavet / bhavecchrutidharo rudra puṣyarkṣe caiva bhakṣaṇāt