12 ॥ इति श्रीगारुडे महापुराणे पूर्वखण्डे प्रथमांशाख्ये आचारकाण्डे व्रणाचि दृमाष्टाशीत्यधिकशततमो ऽध्यायः श्रीगरुडमहापुराणम्- 189 हरिरुवाच । श्वेतापराजितापुष्परसेनाक्ष्णोश्च पूरणे । पटलं नाशमायाति नात्र कार्या विचारणा
12 // iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe vraṇāci dṛmāṣṭāśītyadhikaśatatamo 'dhyāyaḥ śrīgaruḍamahāpurāṇam- 189 hariruvāca / śvetāparājitāpuṣparasenākṣṇośca pūraṇe / paṭalaṃ nāśamāyāti nātra kāryā vicāraṇā
1 ॥ मूलं गोक्षुरकस्यैव चर्वित्वा नीललोहित । दन्तकीटव्यथा नश्येत्सुरासुरविमर्दन्
1 // mūlaṃ gokṣurakasyaiva carvitvā nīlalohita / dantakīṭavyathā naśyetsurāsuravimardan
2 ॥ नारी पुष्पादिने पीत्वा गोक्षीरेणोपवासतः । श्वेतार्कस्य तु वै मूलं तस्यास्तद्गुल्मशूलनुत्
2 // nārī puṣpādine pītvā gokṣīreṇopavāsataḥ / śvetārkasya tu vai mūlaṃ tasyāstadgulmaśūlanut
3 ॥ श्वेतार्कपुष्पं विधिना गृहीतं पूर्वमन्त्रितम् । ऋतुशुद्धा च ललना कटौ बद्ध्वा प्रसूयते
3 // śvetārkapuṣpaṃ vidhinā gṛhītaṃ pūrvamantritam / ṛtuśuddhā ca lalanā kaṭau baddhvā prasūyate
4 ॥ हस्तबद्धं पलाशस्य अपामार्गस्य वा हर । मूलं सर्वज्वरहरं भूतप्रेतादिनुद्भवेत्
4 // hastabaddhaṃ palāśasya apāmārgasya vā hara / mūlaṃ sarvajvaraharaṃ bhūtapretādinudbhavet
5 ॥ पीतं वृश्चिकमूलञ्च प्रातः पर्युषिताम्बुना । सार्धं विनाशयेद्दाहज्वरञ्च परमेश्वर
5 // pītaṃ vṛścikamūlañca prātaḥ paryuṣitāmbunā / sārdhaṃ vināśayeddāhajvarañca parameśvara
6 ॥ शिखायाञ्चैव तद्बद्धं भवेदैकाहिकाहिनुत् । पीतं पर्युषिताद्भिश्च भवेत्सर्वविषापहृत्
6 // śikhāyāñcaiva tadbaddhaṃ bhavedaikāhikāhinut / pītaṃ paryuṣitādbhiśca bhavetsarvaviṣāpahṛt
7 ॥ यस्य लज्जालुकामूलं दीयते च स्वरेतसा । सार्धं स वैरं संयाति पुमान्स्त्री वा न संशयः
7 // yasya lajjālukāmūlaṃ dīyate ca svaretasā / sārdhaṃ sa vairaṃ saṃyāti pumānstrī vā na saṃśayaḥ
8 ॥ पिष्ट्वा गव्यघृतेनैव पाठामूलं पिबेत्तु यः । सर्वं विषं विनश्येच्च नात्र कार्या विचारणा
8 // piṣṭvā gavyaghṛtenaiva pāṭhāmūlaṃ pibettu yaḥ / sarvaṃ viṣaṃ vinaśyecca nātra kāryā vicāraṇā
9 ॥ मूलं पर्युषितोदेन शिरीषस्य यथा तथा । रक्तचित्रकमूलस्य रसस्य भरणाद्धर । कर्णयोः कामलाव्याधिनाशः स्यान्नात्र संशयः
9 // mūlaṃ paryuṣitodena śirīṣasya yathā tathā / raktacitrakamūlasya rasasya bharaṇāddhara / karṇayoḥ kāmalāvyādhināśaḥ syānnātra saṃśayaḥ
10 ॥ श्वेतकोकिलाक्षमूलं छागीक्षीरेण संयुतम् । त्रिसप्ताहेन वै पीतं क्षयरोगं क्षयं नयेत्
10 // śvetakokilākṣamūlaṃ chāgīkṣīreṇa saṃyutam / trisaptāhena vai pītaṃ kṣayarogaṃ kṣayaṃ nayet
11 ॥ नारिकेलस्य वै पुष्पं छागक्षीरेण संयुतम् । पिबेच्च त्रिविधस्तस्य रक्तवातो विनश्यति
11 // nārikelasya vai puṣpaṃ chāgakṣīreṇa saṃyutam / pibecca trividhastasya raktavāto vinaśyati
12 ॥ कुर्यात्सुदर्शनामूलं माल्येन सुसमाहृतम् । कण्ठबद्ध त्र्याहिकादिग्रहभूतविनाशनम्
12 // kuryātsudarśanāmūlaṃ mālyena susamāhṛtam / kaṇṭhabaddha tryāhikādigrahabhūtavināśanam
13 ॥ पुष्पं धवलगुञ्जाया गृहीतं मूलमेव च । मुखे तु निहितं रुद्र हरेन्नानाविषं बहु
13 // puṣpaṃ dhavalaguñjāyā gṛhītaṃ mūlameva ca / mukhe tu nihitaṃ rudra harennānāviṣaṃ bahu
14 ॥ हस्ते बद्धं काण्डयुक्तं कण्ठे बद्धं ग्रहादिहृत् । कृष्णायान्तु चतुर्दश्यां कटिबद्धं समाहृतम् । सिंहादिश्वापदाद्भीतिं हरेच्च नीललोहित
14 // haste baddhaṃ kāṇḍayuktaṃ kaṇṭhe baddhaṃ grahādihṛt / kṛṣṇāyāntu caturdaśyāṃ kaṭibaddhaṃ samāhṛtam / siṃhādiśvāpadādbhītiṃ harecca nīlalohita
15 ॥ विष्णुक्रान्तामूलमीश कर्णबद्धन्तु धारयेत् । पट्टसूत्रेण भूतेश मकरादिभयं न वै
15 // viṣṇukrāntāmūlamīśa karṇabaddhantu dhārayet / paṭṭasūtreṇa bhūteśa makarādibhayaṃ na vai