ओं इति श्रीशिवमहापुराणे सप्तम्यां वायवीयसंहितायामुत्तरखण्डे ऐहिकसिद्धिकर्मवर्णनं नाम द्वात्रिंशो ऽध्यायः Cहप्तेर् 33 उपमन्युरुवाच अतः परं प्रवक्ष्यामि केवलामुष्मिकं विधिम्
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe aihikasiddhikarmavarṇanaṃ nāma dvātriṃśo 'dhyāyaḥ Chapter 33 upamanyuruvāca ataḥ paraṃ pravakṣyāmi kevalāmuṣmikaṃ vidhim
नैतेन सदृशं किंचित्कर्मास्ति भुवनत्रये
naitena sadṛśaṃ kiṃcitkarmāsti bhuvanatraye
पुण्यातिशयसंयुक्तः सर्वैर्देवैरनुष्ठितः
puṇyātiśayasaṃyuktaḥ sarvairdevairanuṣṭhitaḥ
ब्रह्मणा विष्णुना चैव रुद्रेण च विशेषतः
brahmaṇā viṣṇunā caiva rudreṇa ca viśeṣataḥ
इंद्रादिलोकपारैश्च सूर्याद्यैर्नवभिर्ग्रहैः
iṃdrādilokapāraiśca sūryādyairnavabhirgrahaiḥ
विश्वामित्रवसिष्ठाद्यैर्ब्रह्मविद्भिर्महर्षिभिः
viśvāmitravasiṣṭhādyairbrahmavidbhirmaharṣibhiḥ
श्वेतागस्त्यदधीचाद्यैरस्माभिश्च शिवाश्रितैः
śvetāgastyadadhīcādyairasmābhiśca śivāśritaiḥ
नंदीश्वरमहाकालभृंगीशाद्यैर्गणेश्वरैः
naṃdīśvaramahākālabhṛṃgīśādyairgaṇeśvaraiḥ
पातालवासिभिर्दैत्यैः शेषाद्यैश्च महोरगैः
pātālavāsibhirdaityaiḥ śeṣādyaiśca mahoragaiḥ
सिद्धैर्यक्षैश्च गंधर्वै रक्षोभूतपिशाचकैः
siddhairyakṣaiśca gaṃdharvai rakṣobhūtapiśācakaiḥ
स्वंस्वं पदमनुप्राप्तं सर्वैरयमनुष्ठितः
svaṃsvaṃ padamanuprāptaṃ sarvairayamanuṣṭhitaḥ
अनेन विधिना सर्वे देवा देवत्वमागताः
anena vidhinā sarve devā devatvamāgatāḥ
ब्रह्मा ब्रह्मत्वमापन्नो विष्णुर्विष्णुत्वमागतः
brahmā brahmatvamāpanno viṣṇurviṣṇutvamāgataḥ
रुद्रो रुद्रत्वमापन्न इंद्रश्चेन्द्रत्वमागतः
rudro rudratvamāpanna iṃdraścendratvamāgataḥ
गणेशश्च गणेशत्वमनेन विधिना गतः
gaṇeśaśca gaṇeśatvamanena vidhinā gataḥ
सितचंदनतोयेन लिंगं स्नाप्य शिवं शिवाम्
sitacaṃdanatoyena liṃgaṃ snāpya śivaṃ śivām
श्वेतैर्विकसितैः पद्मैः संपूज्य प्रणिपत्य च
śvetairvikasitaiḥ padmaiḥ saṃpūjya praṇipatya ca
तत्र पद्मासनं रम्यं कृत्वा लक्षणसंयुतम्
tatra padmāsanaṃ ramyaṃ kṛtvā lakṣaṇasaṃyutam
विभवे सति हेमाद्यै रत्नाद्यैर्वा स्वशक्तितः
vibhave sati hemādyai ratnādyairvā svaśaktitaḥ
मध्ये केसरजालास्य स्थाप्य लिंगं कनीयसम्
madhye kesarajālāsya sthāpya liṃgaṃ kanīyasam
अंगुष्ठप्रतिमं रम्यं सर्वगन्धमयं शुभम्
aṃguṣṭhapratimaṃ ramyaṃ sarvagandhamayaṃ śubham
दक्षिणे स्थापयित्वा तु बिल्वपत्रैः समर्चयेत्
dakṣiṇe sthāpayitvā tu bilvapatraiḥ samarcayet
अगुरुं दक्षिणे पार्श्वे पश्चिमे तु मनःशिलाम्
aguruṃ dakṣiṇe pārśve paścime tu manaḥśilām
उत्तरे चंदनं दद्याद्धरितालं तु पूर्वतः
uttare caṃdanaṃ dadyāddharitālaṃ tu pūrvataḥ
सुगन्धैः कुसुमै रम्यैर्विचित्रैश्चापि पूजयेत्
sugandhaiḥ kusumai ramyairvicitraiścāpi pūjayet
धूपं कृष्णागुरुं दद्यात्सर्वतश्च सगुग्गुलम्
dhūpaṃ kṛṣṇāguruṃ dadyātsarvataśca saguggulam
वासांसि चातिसूक्ष्माणि विकाशानि निवेदयेत्
vāsāṃsi cātisūkṣmāṇi vikāśāni nivedayet
पायसं घृतसंमिश्रं घृतदीपांश्च दापयेत्
pāyasaṃ ghṛtasaṃmiśraṃ ghṛtadīpāṃśca dāpayet
सर्वं निवेद्य मन्त्रेण ततो गच्छेत्प्रदक्षिणाम्
sarvaṃ nivedya mantreṇa tato gacchetpradakṣiṇām
प्रणम्य भक्त्या देवेशं स्तुत्वा चान्ते क्षमापयेत्
praṇamya bhaktyā deveśaṃ stutvā cānte kṣamāpayet
सर्वोपहारसंमिश्रं ततो लिंगं निवेदयेत्
sarvopahārasaṃmiśraṃ tato liṃgaṃ nivedayet
शिवाय शिवमन्त्रेण दक्षिणामूर्तिमाश्रितः
śivāya śivamantreṇa dakṣiṇāmūrtimāśritaḥ
एवं यो ऽर्चयते नित्यं पञ्चगन्धमयं शुभम्
evaṃ yo 'rcayate nityaṃ pañcagandhamayaṃ śubham
589अ सर्वपापविनिर्मुक्तः शिवलोके महीयते
589a sarvapāpavinirmuktaḥ śivaloke mahīyate
एतद्व्रतोत्तमं गुह्यं शिवलिंगमहाव्रतम्
etadvratottamaṃ guhyaṃ śivaliṃgamahāvratam
भक्तस्य ते समाख्यातं न देयं यस्य कस्यचित्
bhaktasya te samākhyātaṃ na deyaṃ yasya kasyacit
देयं च शिवभक्तेभ्यः शिवेन कथितं पुरा
deyaṃ ca śivabhaktebhyaḥ śivena kathitaṃ purā