Chapter 201

॥ इति श्रीस्कान्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे सावित्रीतीर्थमाहात्म्यवर्णनं नाम द्विशततमो ऽध्यायः ॥ RKV अध्याय 201 श्रीमार्कण्डेय उवाच: ततो गच्छेन् महीपाल देवतीर्थमनुत्तमम् । यत्र सिद्धा महाभागा देवाः सेन्द्रा युधिष्ठिर

|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe sāvitrītīrthamāhātmyavarṇanaṃ nāma dviśatatamo 'dhyāyaḥ || RKV adhyāya 201 śrīmārkaṇḍeya uvāca: tato gacchen mahīpāla devatīrthamanuttamam / yatra siddhā mahābhāgā devāḥ sendrā yudhiṣṭhira

स्नानं दानं जपो होमः स्वाध्यायो देवतार्चनम् । तत्र तीर्थप्रभावेन कृतमानन्त्यमश्नुते

snānaṃ dānaṃ japo homaḥ svādhyāyo devatārcanam / tatra tīrthaprabhāvena kṛtamānantyamaśnute

विशेषाद्भाद्रपदे तु कृष्णपक्षे त्रयोदशीम् । प्रधानं सर्वतीर्थानां देवैरध्यासितं पुरा

viśeṣādbhādrapade tu kṛṣṇapakṣe trayodaśīm / pradhānaṃ sarvatīrthānāṃ devairadhyāsitaṃ purā

स्नात्वा त्रयोदशीदिने श्राद्धं कृत्वा विधानतः । देवैः संस्थापितं देवं सम्पूज्य वृषभध्वजम् । सर्वपापविनिर्मुक्तो रुद्रलोकमवाप्नुयात्

snātvā trayodaśīdine śrāddhaṃ kṛtvā vidhānataḥ / devaiḥ saṃsthāpitaṃ devaṃ sampūjya vṛṣabhadhvajam / sarvapāpavinirmukto rudralokamavāpnuyāt