Chapter 101

प्रासादस्थापनं वक्ष्ये तच्चैतन्यं स्वयोगतः

prāsādasthāpanaṃ vakṣye taccaitanyaṃ svayogataḥ

शुकनाशासमाप्तौ तु पूर्ववेद्याश् च मध्यतः

śukanāśāsamāptau tu pūrvavedyāś ca madhyataḥ

आधारशक्तितः पद्मे विन्यस्ते प्रणवेन च

ādhāraśaktitaḥ padme vinyaste praṇavena ca

स्वर्णाद्ये कतमोद्द्भतं पञ्चगव्येन संयुतं

svarṇādye katamoddbhataṃ pañcagavyena saṃyutaṃ

मधुक्षीरयुतं कुम्भं न्यस्तरत्रादिपञ्चकं

madhukṣīrayutaṃ kumbhaṃ nyastaratrādipañcakaṃ

स्रग्वस्त्रं गन्धलिप्तञ्च गन्धवत्पुष्पभूषितं

sragvastraṃ gandhaliptañca gandhavatpuṣpabhūṣitaṃ

चूतादिपल्लवानाञ्च कृती कृत्यञ्च विन्यसेत्

cūtādipallavānāñca kṛtī kṛtyañca vinyaset

पूरकेण समादाय सकलीकृतविग्रहः

pūrakeṇa samādāya sakalīkṛtavigrahaḥ

सर्वात्मभिन्नात्मानं स्वाणुना स्वान्तमारुतः

sarvātmabhinnātmānaṃ svāṇunā svāntamārutaḥ

आज्ञया बोधयेच्छम्भौ रेचकेन ततो गुरुः

ājñayā bodhayecchambhau recakena tato guruḥ

द्वादशान्तात् समादाय स्फुरद्वह्निकणोपमं

dvādaśāntāt samādāya sphuradvahnikaṇopamaṃ

निक्षिपेत् कुम्भगर्भे च न्यस्ततन्त्रातिवाहिकं

nikṣipet kumbhagarbhe ca nyastatantrātivāhikaṃ

विग्रहन्तद्गुणानाञ्च बोधकञ्च कलादिकं

vigrahantadguṇānāñca bodhakañca kalādikaṃ

क्षान्तं वागीश्वरं तत्तु ब्रातं तत्र निवेशयेत्

kṣāntaṃ vāgīśvaraṃ tattu brātaṃ tatra niveśayet

दश नाडीर्दश प्राणानिन्द्रियाणि त्रयोदश

daśa nāḍīrdaśa prāṇānindriyāṇi trayodaśa

तदधिपांश् च संयोज्य प्रणवाद्यैः स्वनामभिः

tadadhipāṃś ca saṃyojya praṇavādyaiḥ svanāmabhiḥ

स्वकार्यकारणत्वेन मायाकाशनियामिकाः

svakāryakāraṇatvena māyākāśaniyāmikāḥ

विद्येशान् प्रेरकान् शम्भुं व्यापिनञ्च सुसम्वरैः

vidyeśān prerakān śambhuṃ vyāpinañca susamvaraiḥ

अङ्गानि च विनिक्षिप्य निरुन्ध्याद्रोधमुद्रा

aṅgāni ca vinikṣipya nirundhyādrodhamudrā

सुवर्णाद्युद्भवं यद्वा पुरुषं पुरुषानुगं

suvarṇādyudbhavaṃ yadvā puruṣaṃ puruṣānugaṃ

पञ्चगव्यकषायाद्यैः पूर्ववत् संस्कृतन्ततः

pañcagavyakaṣāyādyaiḥ pūrvavat saṃskṛtantataḥ

शय्यायां कुम्भमारोप्य ध्यात्वा रुद्रमुमापतिं

śayyāyāṃ kumbhamāropya dhyātvā rudramumāpatiṃ

तस्मिंश् च शिवमन्त्रेण व्यापकत्वेन वियसेत्

tasmiṃś ca śivamantreṇa vyāpakatvena viyaset

सन्निधानाय होमञ्च प्रओक्षणं स्पर्शनं जपं

sannidhānāya homañca praokṣaṇaṃ sparśanaṃ japaṃ

सान्निध्याबोधनं सर्वम्भागत्रयविभागतः

sānnidhyābodhanaṃ sarvambhāgatrayavibhāgataḥ

विधायैवं प्रकृत्यन्ते कुम्भे तं विनिवेशयेत्

vidhāyaivaṃ prakṛtyante kumbhe taṃ viniveśayet