Chapter 105

एकाशीतिपदैर् वस्तुं पूजयेत् सिद्धये ध्रुवं

ekāśītipadair vastuṃ pūjayet siddhaye dhruvaṃ

प्रागास्या दशधा नाड्यास्तासां नामानि च ब्रुवे

prāgāsyā daśadhā nāḍyāstāsāṃ nāmāni ca bruve

शान्ता यशोवती कान्ता विशाला प्राणवाहिनी

śāntā yaśovatī kāntā viśālā prāṇavāhinī

सती वसुमती नन्दा सुभद्राथ मनोरमा

satī vasumatī nandā subhadrātha manoramā

उत्तरा द्वादशान्याश् च एकाशीत्यङ्घ्रिकारिका

uttarā dvādaśānyāś ca ekāśītyaṅghrikārikā

हरिणी सुप्रभा लक्ष्मीर्विभूतिर्विमला प्रिया

hariṇī suprabhā lakṣmīrvibhūtirvimalā priyā

जया ज्वाला विशोका च स्मृतास्तत्रपादतः

jayā jvālā viśokā ca smṛtāstatrapādataḥ

ईशाद्यष्टाष्टकं दिक्षु यजेदीशं धनञ्जयं

īśādyaṣṭāṣṭakaṃ dikṣu yajedīśaṃ dhanañjayaṃ

शक्रमर्कं तथा सत्यं भृशं व्योम च पूर्वतः

śakramarkaṃ tathā satyaṃ bhṛśaṃ vyoma ca pūrvataḥ

हव्यवाहञ्च पूर्वाणि वितथं भौममेव च

havyavāhañca pūrvāṇi vitathaṃ bhaumameva ca

कृतान्तमथ गन्धर्वं भृगं मृगञ्च दक्षिणे

kṛtāntamatha gandharvaṃ bhṛgaṃ mṛgañca dakṣiṇe

पितरं द्वारपालञ्च सुग्रीवं पुष्पदन्तकं

pitaraṃ dvārapālañca sugrīvaṃ puṣpadantakaṃ

वरुणं दैत्यशेषौ च यक्ष्माणं पश्चिमे सदा

varuṇaṃ daityaśeṣau ca yakṣmāṇaṃ paścime sadā

रोगाहिमुख्यो भल्लाटः सौभाग्यमदितिर्दितिः

rogāhimukhyo bhallāṭaḥ saubhāgyamaditirditiḥ

नवान्तः पदगो ब्रह्मा पूज्योर्धे च षडङ्घिगाः

navāntaḥ padago brahmā pūjyordhe ca ṣaḍaṅghigāḥ

ब्रह्मेशान्तरकोष्ठस्थ मायाख्यान्तु पद्द्वये

brahmeśāntarakoṣṭhastha māyākhyāntu paddvaye

तदधश्चापवत्साख्यं केन्द्रन्तरेषु षट्पदे

tadadhaścāpavatsākhyaṃ kendrantareṣu ṣaṭpade

मरीचिकाग्निमध्ये तु सविता द्विपदस्थितः

marīcikāgnimadhye tu savitā dvipadasthitaḥ

सावित्री तदधो द्व्यंशे विवस्वान् षट्पदे त्वधः

sāvitrī tadadho dvyaṃśe vivasvān ṣaṭpade tvadhaḥ

पितृब्रह्मान्तरे विष्णुमिन्दुमिन्द्रं त्वधो जयं

pitṛbrahmāntare viṣṇumindumindraṃ tvadho jayaṃ

वरुणब्रह्मणोर्मध्ये मित्राख्यं षट्पदे यजेत्

varuṇabrahmaṇormadhye mitrākhyaṃ ṣaṭpade yajet

रोगब्रह्मान्तरे नित्यं द्विपञ्च रुद्रदासकम्

rogabrahmāntare nityaṃ dvipañca rudradāsakam

तदधो द्व्यङ्घ्रिगं यक्ष्म षट्सौम्येषु धराधरं

tadadho dvyaṅghrigaṃ yakṣma ṣaṭsaumyeṣu dharādharaṃ

चरकीं स्कन्दविकटं विदारीं पूतनां क्रमात्

carakīṃ skandavikaṭaṃ vidārīṃ pūtanāṃ kramāt

जम्मं पापं पिलिपिच्छं यजेदीशादिवाह्यतः

jammaṃ pāpaṃ pilipicchaṃ yajedīśādivāhyataḥ

एकाशीपदं वेश्म मण्डपश् च शताङ्घ्रिकः

ekāśīpadaṃ veśma maṇḍapaś ca śatāṅghrikaḥ

पूर्ववद्देवताः पूज्या ब्रह्मा तु षोडशांशके

pūrvavaddevatāḥ pūjyā brahmā tu ṣoḍaśāṃśake

मरीचिश् च विवस्वांश् च मित्रं पृथ्वीधरस् तथा

marīciś ca vivasvāṃś ca mitraṃ pṛthvīdharas tathā

दशकोष्ठस्थिता दिक्षु त्वन्ये बेशादिकोणगाः

daśakoṣṭhasthitā dikṣu tvanye beśādikoṇagāḥ

दैत्यमाता तथेशाग्नी मृगाख्यौ पितरौ तथा

daityamātā tatheśāgnī mṛgākhyau pitarau tathā

पापयक्ष्मानिलौ देवाः सर्वे सार्धांशके स्थिताः

pāpayakṣmānilau devāḥ sarve sārdhāṃśake sthitāḥ

यत्पाद्योकः प्रवक्ष्यामि सङ्क्षेपेण क्रमाद् गुह

yatpādyokaḥ pravakṣyāmi saṅkṣepeṇa kramād guha

सदिग्विंशत्करैर् दैर्घ्यादष्टाविंशति विस्तरात्

sadigviṃśatkarair dairghyādaṣṭāviṃśati vistarāt

शिशिराश्रयः शिवाख्यश् च रुद्रहीनः सदोभयोः

śiśirāśrayaḥ śivākhyaś ca rudrahīnaḥ sadobhayoḥ

रुद्रद्विगुणिता नाहाः पृथुष्णोभिर्विना त्रिभिः

rudradviguṇitā nāhāḥ pṛthuṣṇobhirvinā tribhiḥ

स्याद्ग्रहद्विगुणं दैर्घ्यात्तिथिभिश् चैव विस्तरात्

syādgrahadviguṇaṃ dairghyāttithibhiś caiva vistarāt

सावित्रः सालयः कुड्या अन्येषां पृथक्स्त्रिंशांशतः

sāvitraḥ sālayaḥ kuḍyā anyeṣāṃ pṛthakstriṃśāṃśataḥ

कुड्यपृथुपजङ्घोच्चात् कुड्यन्तु त्रिगुणोच्छयं

kuḍyapṛthupajaṅghoccāt kuḍyantu triguṇocchayaṃ

कुड्यसूत्रसमा पृथ्वी वीथी भेदादनेकधा

kuḍyasūtrasamā pṛthvī vīthī bhedādanekadhā

भद्रे तुल्यञ्च वीथीभिर्द्वारवीथी विनाग्रतः

bhadre tulyañca vīthībhirdvāravīthī vināgrataḥ

श्रीजयं पृष्ठतो हीनं भद्रोयं पार्श् चयोर्विना

śrījayaṃ pṛṣṭhato hīnaṃ bhadroyaṃ pārś cayorvinā

गर्भपृथुसमा वीथी तदर्धार्धेन वा क्वचित्

garbhapṛthusamā vīthī tadardhārdhena vā kvacit

वीथ्यर्धेनोपवीथ्याद्यमेकद्वित्रिपुरान्वितम्

vīthyardhenopavīthyādyamekadvitripurānvitam

सामान्यानाथ गृहं वक्ष्ये सर्वेषां सर्वकामदं

sāmānyānātha gṛhaṃ vakṣye sarveṣāṃ sarvakāmadaṃ

एकद्वित्रिचतुःशालमष्टशालं यथाक्रमात्

ekadvitricatuḥśālamaṣṭaśālaṃ yathākramāt

एकं याम्ये च सौमास्यं द्वे चेत् पश्चात् पुरोमुखम्

ekaṃ yāmye ca saumāsyaṃ dve cet paścāt puromukham

चतुःशालन्तु साम्मुख्यात्तयोरिन्द्रेन्द्रमुक्तयोः

catuḥśālantu sāmmukhyāttayorindrendramuktayoḥ

शिवास्यमम्बुपास्यैष इन्द्रास्ये यमसूर्यकं

śivāsyamambupāsyaiṣa indrāsye yamasūryakaṃ

प्राक्सौम्यस्थे च दण्दाख्यं प्राग्याम्ये वातसञ्ज्ञकं

prāksaumyasthe ca daṇdākhyaṃ prāgyāmye vātasañjñakaṃ

आप्येन्दौ गृहवल्याख्यं त्रिशूलं तद्विनर्धिकृत्

āpyendau gṛhavalyākhyaṃ triśūlaṃ tadvinardhikṛt

पूर्वशलाविहीनं स्यात् सुक्षेत्रं वृद्धिदायकं

pūrvaśalāvihīnaṃ syāt sukṣetraṃ vṛddhidāyakaṃ

याम्ये हीने भवेच्छूली त्रिशालं वृद्धिकृत् परं

yāmye hīne bhavecchūlī triśālaṃ vṛddhikṛt paraṃ

यक्षघ्नं जलहीनौकः सुतघ्नं बहुशत्रुकृत्

yakṣaghnaṃ jalahīnaukaḥ sutaghnaṃ bahuśatrukṛt

इन्द्रादिक्रमतो वच्मि ध्वजाद्यष्टौ गृहाण्यहं

indrādikramato vacmi dhvajādyaṣṭau gṛhāṇyahaṃ

प्रक्षालानुस्रगावासमग्नौ तस्य महानसं

prakṣālānusragāvāsamagnau tasya mahānasaṃ

याम्ये रसक्रिया शय्या धनुःशस्त्राणि रक्षसि

yāmye rasakriyā śayyā dhanuḥśastrāṇi rakṣasi

धनमुक्त्यम्वुपेशाख्ये सम्यगन्धौ च मारुते

dhanamuktyamvupeśākhye samyagandhau ca mārute

सौम्ये धनपशू कुर्यादीशे दीक्षावरालयं

saumye dhanapaśū kuryādīśe dīkṣāvarālayaṃ

स्वामिहस्तमितं वेश्म विस्तारायामपिण्डिकं

svāmihastamitaṃ veśma vistārāyāmapiṇḍikaṃ

त्रिगुणं हस्तसंयुक्तं कृत्वाष्टांशैहृतं तथा

triguṇaṃ hastasaṃyuktaṃ kṛtvāṣṭāṃśaihṛtaṃ tathā

तच्छेषोयं स्थितस्तेन वायसान्तं ध्वजादिकं

taccheṣoyaṃ sthitastena vāyasāntaṃ dhvajādikaṃ

त्रयः पक्षाग्निवेदेषु रसर्षिवसुतो भवेत्

trayaḥ pakṣāgnivedeṣu rasarṣivasuto bhavet

सर्वनाशकरं वेश्म मध्ये चान्ते च संस्थितं

sarvanāśakaraṃ veśma madhye cānte ca saṃsthitaṃ

तस्माच्च नवमे भागे शुभकृन्निलयो मतः

tasmācca navame bhāge śubhakṛnnilayo mataḥ

तन्मधे मण्डपः शस्तः समो वा द्विगुणायतः

tanmadhe maṇḍapaḥ śastaḥ samo vā dviguṇāyataḥ

प्रत्यगाप्ये चेन्दुयमे हट्ट एव गृहावली

pratyagāpye cenduyame haṭṭa eva gṛhāvalī

एकैकभवनाख्यानि दिक्ष्वष्टाष्टकसङ्ख्यया

ekaikabhavanākhyāni dikṣvaṣṭāṣṭakasaṅkhyayā

ईशाद्यदितिकान्तानि फलान्येषां यथाक्रमं

īśādyaditikāntāni phalānyeṣāṃ yathākramaṃ

भयं नारी चलत्वं च जयो वृद्धिः प्रतापकः

bhayaṃ nārī calatvaṃ ca jayo vṛddhiḥ pratāpakaḥ

धर्मः कलिश् च नैस्व्यञ्च प्राग्द्वारेष्वष्टसु ध्रुवं

dharmaḥ kaliś ca naisvyañca prāgdvāreṣvaṣṭasu dhruvaṃ

दाहो ऽसुखं सुहृन्नाशो धननाशो मृतिर्धनं

dāho 'sukhaṃ suhṛnnāśo dhananāśo mṛtirdhanaṃ

शिल्पित्वं तनयः स्याच्च याम्यद्वारफलाष्टकम्

śilpitvaṃ tanayaḥ syācca yāmyadvāraphalāṣṭakam

आयुःप्राव्राज्यशस्यानि धनशान्त्यर्थसङ्क्षयाः

āyuḥprāvrājyaśasyāni dhanaśāntyarthasaṅkṣayāḥ

शोषं भोगं चापत्यञ्च जलद्वारफलानि च

śoṣaṃ bhogaṃ cāpatyañca jaladvāraphalāni ca

रोगो मदार्तिमुख्यत्वं चार्थायुः कृशता मतिः

rogo madārtimukhyatvaṃ cārthāyuḥ kṛśatā matiḥ

मानश् च द्वारतः पूर्व ऊतरस्यान्दिशि क्रमात्

mānaś ca dvārataḥ pūrva ūtarasyāndiśi kramāt