Chapter 153

धर्ममाश्रमिणां वक्ष्ये भुक्तिमुक्तिप्रदं शृणु

dharmamāśramiṇāṃ vakṣye bhuktimuktipradaṃ śṛṇu

षोडशर्तुनिशा स्त्रीणामाद्यस्तिस्रस्तु गर्हिताः

ṣoḍaśartuniśā strīṇāmādyastisrastu garhitāḥ

व्रजेद्युग्मासु पुत्रार्थी कर्माधानिकमिष्यते

vrajedyugmāsu putrārthī karmādhānikamiṣyate

गर्भस्य स्पष्टताज्ञाने सवनं स्पन्दनात् पुरा

garbhasya spaṣṭatājñāne savanaṃ spandanāt purā

षष्ठे ऽष्टमे वा सीमन्तं पुत्रीयं नामभं शुभं

ṣaṣṭhe 'ṣṭame vā sīmantaṃ putrīyaṃ nāmabhaṃ śubhaṃ

अच्छिन्ननाड्यां कर्तव्यं जातकर्म विचक्षणैः

acchinnanāḍyāṃ kartavyaṃ jātakarma vicakṣaṇaiḥ

अशौचे तु व्यतिक्रान्ते नामकर्म विधीयते

aśauce tu vyatikrānte nāmakarma vidhīyate

शर्मान्तं ब्राह्मस्योक्तं वर्मान्तं क्षत्रियस्य तु

śarmāntaṃ brāhmasyoktaṃ varmāntaṃ kṣatriyasya tu

गुप्तदासात्मकं नाम प्रशस्तं वैश्यशूद्रयोः

guptadāsātmakaṃ nāma praśastaṃ vaiśyaśūdrayoḥ

शर्मान्तं ब्रह्मणस्योक्तं वर्मान्तं क्षत्रियस्य च

śarmāntaṃ brahmaṇasyoktaṃ varmāntaṃ kṣatriyasya ca

गुप्तदासात्मकं नाम प्रशस्तं वैश्यशूद्रयोः

guptadāsātmakaṃ nāma praśastaṃ vaiśyaśūdrayoḥ

बालं निवेदयेद्भर्त्रे तव पुत्रो ऽयमित्युत

bālaṃ nivedayedbhartre tava putro 'yamityuta

यथाकुलन्तु चूडाकृद् ब्राह्मणस्योपनायनं

yathākulantu cūḍākṛd brāhmaṇasyopanāyanaṃ

गर्भाष्टमे ऽष्टमे वाब्दे गर्भादेकादशे नृपे

garbhāṣṭame 'ṣṭame vābde garbhādekādaśe nṛpe

गर्भात्तु द्वादशे वैश्ये षोडशाब्दादितो न हि

garbhāttu dvādaśe vaiśye ṣoḍaśābdādito na hi

मुञ्जानां वल्कलानान्तु क्रमान्मौज्ज्याः प्रकीर्तिताः

muñjānāṃ valkalānāntu kramānmaujjyāḥ prakīrtitāḥ

मार्गवैयाध्रवास्तानि चर्माणि व्रतचारिणां

mārgavaiyādhravāstāni carmāṇi vratacāriṇāṃ

पर्णपिप्पलविल्वानां क्रमाद्दण्डाः प्रकीर्तिताः

parṇapippalavilvānāṃ kramāddaṇḍāḥ prakīrtitāḥ

केशदेशललाटास्यतुल्याः प्रोक्ताः क्रमेण तु

keśadeśalalāṭāsyatulyāḥ proktāḥ krameṇa tu

अवक्राः सत्वचः सर्वे नाविप्लुष्टास्तु दण्डकाः

avakrāḥ satvacaḥ sarve nāvipluṣṭāstu daṇḍakāḥ

वासोपवीते कार्पासक्षौमोर्णानां यथाक्रमं

vāsopavīte kārpāsakṣaumorṇānāṃ yathākramaṃ

आदिमध्यावसानेषु भवच्छब्दोपलक्षितं

ādimadhyāvasāneṣu bhavacchabdopalakṣitaṃ

प्रथमं तत्र भ्हिक्षेत यत्र भिक्षा ध्रुवं भवेत्

prathamaṃ tatra bhhikṣeta yatra bhikṣā dhruvaṃ bhavet

स्त्रीणाममन्त्रतस्तानि विवाहस्तु समन्त्रकः

strīṇāmamantratastāni vivāhastu samantrakaḥ

उपनीय गुरुः शिष्यं सिक्षयेच्छौचमादितः

upanīya guruḥ śiṣyaṃ sikṣayecchaucamāditaḥ

आचारमग्निकार्यं च सन्ध्योपासनमेव च

ācāramagnikāryaṃ ca sandhyopāsanameva ca

आयुष्यं प्राङ्मुखो भुङ्क्ते यशस्यं दक्षिणामुखः

āyuṣyaṃ prāṅmukho bhuṅkte yaśasyaṃ dakṣiṇāmukhaḥ

श्रियं प्रत्यङ्मुखी भुङ्क्ते ऋतं भुङ्क्ते उदङ्मुखः

śriyaṃ pratyaṅmukhī bhuṅkte ṛtaṃ bhuṅkte udaṅmukhaḥ

सायं प्रातश् च जुहुयान् नामेध्यं व्यस्तहस्तकं

sāyaṃ prātaś ca juhuyān nāmedhyaṃ vyastahastakaṃ

मधु मांस जनैः सार्धं गीतं नृत्यञ्च वै त्यजेत्

madhu māṃsa janaiḥ sārdhaṃ gītaṃ nṛtyañca vai tyajet

हिंसाम्परापवादं च अश्लीलं च विशेषतः

hiṃsāmparāpavādaṃ ca aślīlaṃ ca viśeṣataḥ

दण्डादि धारयेन्नष्टमप्सु क्षिप्त्वान्यधारणं

daṇḍādi dhārayennaṣṭamapsu kṣiptvānyadhāraṇaṃ

वेदस्वीकरणं कृत्वा स्रायाद्वै दत्तदक्षिणः

vedasvīkaraṇaṃ kṛtvā srāyādvai dattadakṣiṇaḥ

17च्द् ।. नैष्ठिको ब्रह्मचारी वा देहान्तं निवसेद्गुरौ ॥AP_153.0

17cd /. naiṣṭhiko brahmacārī vā dehāntaṃ nivasedgurau //AP_153.0