72 ॥ इति श्रीबृहन्नारदीयपुराणोत्तरभागे मोहिनीचरिते काष्ठीलोपाख्याने राक्षसीचरिते काशीवर्णनं नाम एकोनत्रिंशो ऽध्यायः काष्ठीलोवाच भार्यायास्तद्वचः श्रुत्वा राक्षस्या धर्मसंमितम् । पृष्ठात्करोणुरूपिण्याः सकन्यो ऽवातरद्द्विजः
72 // iti śrībṛhannāradīyapurāṇottarabhāge mohinīcarite kāṣṭhīlopākhyāne rākṣasīcarite kāśīvarṇanaṃ nāma ekonatriṃśo 'dhyāyaḥ kāṣṭhīlovāca bhāryāyāstadvacaḥ śrutvā rākṣasyā dharmasaṃmitam / pṛṣṭhātkaroṇurūpiṇyāḥ sakanyo 'vātaraddvijaḥ
1 ॥ अवतीर्णे द्विजे साभूत्सुरूपा प्रमदा पुनः । क्षपाचरी क्षपानाथवक्त्रा पीनोन्नतस्तनी
1 // avatīrṇe dvije sābhūtsurūpā pramadā punaḥ / kṣapācarī kṣapānāthavaktrā pīnonnatastanī
2 ॥ सा कुमारी ततः प्राप्य नगरं स्वपितुः शुभम् । बाह्यरक्षास्थित प्राप्तं पुरपालमुवाच ह
2 // sā kumārī tataḥ prāpya nagaraṃ svapituḥ śubham / bāhyarakṣāsthita prāptaṃ purapālamuvāca ha
3 ॥ गच्छ त्वं नृपतेः पार्श्वं पितुर्मम पुराधिप । ब्रूहि मां समनुप्राप्तां रत्नशालां पुरा हृताम्
3 // gaccha tvaṃ nṛpateḥ pārśvaṃ piturmama purādhipa / brūhi māṃ samanuprāptāṃ ratnaśālāṃ purā hṛtām
4 ॥ रत्नावलिं रत्नभूतां सुद्युम्नस्य महीक्षितुः । तल्पस्था रक्षसा रात्रौ स्वपुरस्था हृता द्विज
4 // ratnāvaliṃ ratnabhūtāṃ sudyumnasya mahīkṣituḥ / talpasthā rakṣasā rātrau svapurasthā hṛtā dvija
5 ॥ पुनः सा समनुप्राप्ता जीवमानाक्षता पितः । समाश्वसिहि शोकं त्वं मा कृथा मत्कृते क्वचित्
5 // punaḥ sā samanuprāptā jīvamānākṣatā pitaḥ / samāśvasihi śokaṃ tvaṃ mā kṛthā matkṛte kvacit
6 ॥ अविप्लुतास्मि राजेन्द्र गाङ्गा आप इवामलाः । तव कीर्तिकरी तद्वन्मातुः सौशील्यसूचिका
6 // aviplutāsmi rājendra gāṅgā āpa ivāmalāḥ / tava kīrtikarī tadvanmātuḥ sauśīlyasūcikā
7 ॥ तत्कुमारीवचः श्रुत्वा पुरापालस्त्वरान्वितः । अबाहुरिति विख्यातः प्राप्तः सुद्युम्रसन्निधौ
7 // tatkumārīvacaḥ śrutvā purāpālastvarānvitaḥ / abāhuriti vikhyātaḥ prāptaḥ sudyumrasannidhau
8 ॥ कृतप्रणामः संपृष्टः प्राह राजानमादरात् । राजन्नुपागता नष्टा दिहिता तव मानद
8 // kṛtapraṇāmaḥ saṃpṛṣṭaḥ prāha rājānamādarāt / rājannupāgatā naṣṭā dihitā tava mānada
9 ॥ रत्नावलीति विख्याता सस्त्रीकद्विदजसंयुता । पुरबाह्ये स्थिता दृष्टा मया ज्ञाता न चाभवत्
9 // ratnāvalīti vikhyātā sastrīkadvidajasaṃyutā / purabāhye sthitā dṛṣṭā mayā jñātā na cābhavat
10 ॥ तयाहं प्रेरितः प्रागां त्वां विज्ञापयितुं प्रभो । अविप्लुताहं वदति मां जानातु समागताम्
10 // tayāhaṃ preritaḥ prāgāṃ tvāṃ vijñāpayituṃ prabho / aviplutāhaṃ vadati māṃ jānātu samāgatām
11 ॥ पितरं मम सत्कृत्यै नात्र कार्या विचारणा । तदद्भुतं वचः श्रुत्वा पुरपालस्य तत्क्षणात्
11 // pitaraṃ mama satkṛtyai nātra kāryā vicāraṇā / tadadbhutaṃ vacaḥ śrutvā purapālasya tatkṣaṇāt
12 ॥ सामात्यः सकलत्रस्तु सद्विजो निर्ययौ नृपः । स तु गत्वा पुराद्ब्राह्ये गङ्गातीरे व्यवस्थिताम्
12 // sāmātyaḥ sakalatrastu sadvijo niryayau nṛpaḥ / sa tu gatvā purādbrāhye gaṅgātīre vyavasthitām
13 ॥ अपश्यद्भास्कराकारां सस्त्रीकद्विजसंयुताम् । सहजे नैव वेषेण भूषितां भूषणप्रियाम्
13 // apaśyadbhāskarākārāṃ sastrīkadvijasaṃyutām / sahaje naiva veṣeṇa bhūṣitāṃ bhūṣaṇapriyām
14 ॥ अम्लानकुसुमप्रख्यां तत्पकाञ्चनसुप्रभाम् । दूराद्दृष्ट्वान्तिकं गत्वा पर्यष्वजत भूपतिः
14 // amlānakusumaprakhyāṃ tatpakāñcanasuprabhām / dūrāddṛṣṭvāntikaṃ gatvā paryaṣvajata bhūpatiḥ
15 ॥ पितरं सापि संहृष्टा समाश्लिष्य ननाम ह । ततश्च मात्रा संगम्य हृष्टया हर्षितान्तरा
15 // pitaraṃ sāpi saṃhṛṣṭā samāśliṣya nanāma ha / tataśca mātrā saṃgamya hṛṣṭayā harṣitāntarā
16 ॥ प्राह वाक्यं विशालाक्षी संबोध्य पितरं नृपम् । सुप्ताहं रत्नशालायां सखीभिः परिवारिता
16 // prāha vākyaṃ viśālākṣī saṃbodhya pitaraṃ nṛpam / suptāhaṃ ratnaśālāyāṃ sakhībhiḥ parivāritā
17 ॥ उदकूकृत्वा शिरस्ताताधौताङ्घ्रिर्मञ्चकोपरि । चिन्तयत्नी भर्तृयोगं निशीथे रक्षसा हृता
17 // udakūkṛtvā śirastātādhautāṅghrirmañcakopari / cintayatnī bhartṛyogaṃ niśīthe rakṣasā hṛtā
18 ॥ स मां गृहीत्वा स्वपुरं प्रागादर्णवगे गिरौ । नानारत्नमये तत्र गुहायां स्थापिता ह्यहम्
18 // sa māṃ gṛhītvā svapuraṃ prāgādarṇavage girau / nānāratnamaye tatra guhāyāṃ sthāpitā hyaham
19 ॥ स तत्रोद्वहनोपायचिन्तयान्तर्व्यवस्थितः । तस्य भार्या त्वियं सुभ्रूर्या तिष्ठति सुमध्यमा
19 // sa tatrodvahanopāyacintayāntarvyavasthitaḥ / tasya bhāryā tviyaṃ subhrūryā tiṣṭhati sumadhyamā
20 ॥ बिभ्रती मानुषं रूपं राक्षसी राक्षसप्रिया । अनया बुद्धियोगेन शक्त्या शक्रस्य भूपते
20 // bibhratī mānuṣaṃ rūpaṃ rākṣasī rākṣasapriyā / anayā buddhiyogena śaktyā śakrasya bhūpate
21 ॥ घातितो विप्रहस्तेन क्रूरकर्मा पतिः स्वकः । पुरैव मम तं शैलं प्राप्तो देवेन भूसुरः
21 // ghātito viprahastena krūrakarmā patiḥ svakaḥ / puraiva mama taṃ śailaṃ prāpto devena bhūsuraḥ
22 ॥ इयं तु राक्षसी दृष्ट्वा पतिं स्वं धर्मदूषकम् । विप्रेण संविदं कृत्वा दांपत्ये निजकर्मणा
22 // iyaṃ tu rākṣasī dṛṣṭvā patiṃ svaṃ dharmadūṣakam / vipreṇa saṃvidaṃ kṛtvā dāṃpatye nijakarmaṇā
23 ॥ रूपेणाप्यस्य संमुग्धा घातयामास राक्षसम् । एवं कृत्वा पतिं विप्रं हस्तिनीरूपधारिणी
23 // rūpeṇāpyasya saṃmugdhā ghātayāmāsa rākṣasam / evaṃ kṛtvā patiṃ vipraṃ hastinīrūpadhāriṇī
24 ॥ गृहीत्वा वास्तुकं वित्तं पृष्ठमारोप्य मामपि । समायातात्र भूपाल मामत्तुं तव मन्दिरम्
24 // gṛhītvā vāstukaṃ vittaṃ pṛṣṭhamāropya māmapi / samāyātātra bhūpāla māmattuṃ tava mandiram
25 ॥ अनया रक्षिता राजन् राक्षस्याराक्षसात्ततः । तस्मादिमां पूजयस्व सत्कृत्याग्रजसंयुताम्
25 // anayā rakṣitā rājan rākṣasyārākṣasāttataḥ / tasmādimāṃ pūjayasva satkṛtyāgrajasaṃyutām
26 ॥ अस्या एवामुमत्या मां देह्यस्मै ब्राह्मणाय हि । अनेनैकासनगता जाता भर्ता स मे भवत्
26 // asyā evāmumatyā māṃ dehyasmai brāhmaṇāya hi / anenaikāsanagatā jātā bhartā sa me bhavat
27 ॥ येनैकासनगा नारी भवेद्भर्ता स एव हि । नान्य इत्थं पुराणेषु श्रूयते ह्यागमेष्वपि
27 // yenaikāsanagā nārī bhavedbhartā sa eva hi / nānya itthaṃ purāṇeṣu śrūyate hyāgameṣvapi
28 ॥ अस्याः पृष्ठे निविष्टाहं प्रीत्या सह द्विजन्मना । धर्मत स्तेन मद्भर्ता भवेदेषा मतिर्मम
28 // asyāḥ pṛṣṭhe niviṣṭāhaṃ prītyā saha dvijanmanā / dharmata stena madbhartā bhavedeṣā matirmama
29 ॥ तस्मादिमां सांत्वयित्वा शास्त्रागमविधानतः । देहि विप्राय मां तात पितमन्यं वृणे न च
29 // tasmādimāṃ sāṃtvayitvā śāstrāgamavidhānataḥ / dehi viprāya māṃ tāta pitamanyaṃ vṛṇe na ca
30 ॥ तच्छ्रुत्वा दुहितुर्वाक्यं सुद्युम्नो भूपतिस्तदा । सांत्वयामास तन्वङ्गीं राक्षसीं प्रश्रयानतः
30 // tacchrutvā duhiturvākyaṃ sudyumno bhūpatistadā / sāṃtvayāmāsa tanvaṅgīṃ rākṣasīṃ praśrayānataḥ
31 ॥ सुतैषा धर्मभीता मे त्वामेव शरणं गता । यदर्थं निहतः कान्तस्त्वया पूर्वतरः सति
31 // sutaiṣā dharmabhītā me tvāmeva śaraṇaṃ gatā / yadarthaṃ nihataḥ kāntastvayā pūrvataraḥ sati
32 ॥ त्वदधीना ततो भद्रे जातेयं मत्सुता किल । इममिच्छति भर्तारं यो ऽयं भर्ता कृतस्त्वया
32 // tvadadhīnā tato bhadre jāteyaṃ matsutā kila / imamicchati bhartāraṃ yo 'yaṃ bhartā kṛtastvayā
33 ॥ मया प्रणामदानाभ्यां याचिता त्वं निशाचरि । अनुमोदय साहाय्ये सुतां मम सुलोचने
33 // mayā praṇāmadānābhyāṃ yācitā tvaṃ niśācari / anumodaya sāhāyye sutāṃ mama sulocane
34 ॥ त्वद्वाक्याद्भवतु प्रेष्या मत्सुता ब्राह्मणस्य तु । सापत्नभावं त्यक्त्वा तु सुतां मे परिपालय
34 // tvadvākyādbhavatu preṣyā matsutā brāhmaṇasya tu / sāpatnabhāvaṃ tyaktvā tu sutāṃ me paripālaya
35 ॥ सुताया मम भार्याया मद्बलस्य जनस्य च । पुरस्य विषयस्यापि स्वामिनी त्वं न संशयः
35 // sutāyā mama bhāryāyā madbalasya janasya ca / purasya viṣayasyāpi svāminī tvaṃ na saṃśayaḥ
36 ॥ तव वाक्ये स्थिता ह्येषा सदैवापि भविष्यति । एतच्छ्रुत्त्वा तु वचनं सुद्युम्नस्य निशाचरी
36 // tava vākye sthitā hyeṣā sadaivāpi bhaviṣyati / etacchruttvā tu vacanaṃ sudyumnasya niśācarī
37 ॥ अन्वमोदत शुद्धेन चेतसा सहचारिणी । उवाच च धरापालं प्रदानाय कृतोद्यमम्
37 // anvamodata śuddhena cetasā sahacāriṇī / uvāca ca dharāpālaṃ pradānāya kṛtodyamam
38 ॥ यदर्थं प्रणतस्त्वं मां सद्भावेन नृपोत्तम । तस्माद्द्वितीया भार्येयं भवत्वस्य द्विजन्मनः
38 // yadarthaṃ praṇatastvaṃ māṃ sadbhāvena nṛpottama / tasmāddvitīyā bhāryeyaṃ bhavatvasya dvijanmanaḥ
39 ॥ अहं च भवता पूज्या कृत्वार्चां देवमन्दिरे । सर्वैश्च नागरैः सार्द्धं फाल्गुने धवले दले
39 // ahaṃ ca bhavatā pūjyā kṛtvārcāṃ devamandire / sarvaiśca nāgaraiḥ sārddhaṃ phālgune dhavale dale
40 ॥ सप्ताहमुत्सवः कार्यो ह्यष्टम्या आचतुर्दशीम् । नटनर्तकयुक्तेन गीतवाद्येन भूरिणा
40 // saptāhamutsavaḥ kāryo hyaṣṭamyā ācaturdaśīm / naṭanartakayuktena gītavādyena bhūriṇā
41 ॥ मैरेयमांसरक्तादिबलिभिश्चापि पूजया । एवं प्रकुर्वते तुभ्यं सदा क्षेमकरी ह्यहम्
41 // maireyamāṃsaraktādibalibhiścāpi pūjayā / evaṃ prakurvate tubhyaṃ sadā kṣemakarī hyaham
42 ॥ भवेयं नृपशार्दूल स्वं वचः प्रतिपालय । तच्छ्रुत्वा वचनं तस्याः सुद्युम्नो नृपतिस्तदा
42 // bhaveyaṃ nṛpaśārdūla svaṃ vacaḥ pratipālaya / tacchrutvā vacanaṃ tasyāḥ sudyumno nṛpatistadā
43 ॥ अङ्गीचकार तत्सर्वं यदुक्तं प्रीतया तया । प्रतिपन्ने तु वचसि राज्ञा तुष्टा तु राक्षसी
43 // aṅgīcakāra tatsarvaṃ yaduktaṃ prītayā tayā / pratipanne tu vacasi rājñā tuṣṭā tu rākṣasī
34 ॥ उवाच ब्राह्मणं प्रेम्णा कुरु भार्यामिमामपि । राजकन्यां द्विजश्रेष्ठ गृह्योक्तविधिना शुभाम्
34 // uvāca brāhmaṇaṃ premṇā kuru bhāryāmimāmapi / rājakanyāṃ dvijaśreṣṭha gṛhyoktavidhinā śubhām
45 ॥ ईर्ष्यां त्यक्त्वा विशालाक्ष्या भवाम्येषा सहोदरी । राक्षस्या वचनेनेह परिणीय नृपात्मजाम्
45 // īrṣyāṃ tyaktvā viśālākṣyā bhavāmyeṣā sahodarī / rākṣasyā vacaneneha pariṇīya nṛpātmajām
46 ॥ बहुवित्तयुतां विप्रो महोदयपुरं ययौ । आरुह्य करिणीरूपां राक्षसीं क्षणमात्रतः
46 // bahuvittayutāṃ vipro mahodayapuraṃ yayau / āruhya kariṇīrūpāṃ rākṣasīṃ kṣaṇamātrataḥ
47 ॥ ततो मया श्रुतं देवि भर्ता ते समुपागतः । धनरत्नसमायुक्तो भार्याद्वयसमन्वितः
47 // tato mayā śrutaṃ devi bhartā te samupāgataḥ / dhanaratnasamāyukto bhāryādvayasamanvitaḥ
48 ॥ ततो ऽहं बन्धुवर्गेण पितृभ्यां च सखीगणैः । बहुशो भर्त्सिता रूक्षैर्वचनैर्मर्मभेदिभिः
48 // tato 'haṃ bandhuvargeṇa pitṛbhyāṃ ca sakhīgaṇaiḥ / bahuśo bhartsitā rūkṣairvacanairmarmabhedibhiḥ
49 ॥ कथं यास्यसि भर्तारं धनलुब्धे श्रिया वृतम् । यस्त्वया निर्द्धनः पूर्वं परित्यक्तः सुदीनवत्
49 // kathaṃ yāsyasi bhartāraṃ dhanalubdhe śriyā vṛtam / yastvayā nirddhanaḥ pūrvaṃ parityaktaḥ sudīnavat
50 ॥ चञ्चलानीह वित्तानि पित्र्याणि किल योषिताम् । कान्तार्जितानि सुभगे स्थिराणीति निगद्यते
50 // cañcalānīha vittāni pitryāṇi kila yoṣitām / kāntārjitāni subhage sthirāṇīti nigadyate
51 ॥ परुषैर्वचनैर्यस्तु क्षिप्तस्तद्भाषणं कथम् । भविष्यति प्रवेशो ऽपि दुष्करस्तस्य वेश्मनि
51 // paruṣairvacanairyastu kṣiptastadbhāṣaṇaṃ katham / bhaviṣyati praveśo 'pi duṣkarastasya veśmani
52 ॥ गताया अपि ते तत्र शयनं पतिना सह । भविष्यति दुराचारे सुखदं न कदाचन
52 // gatāyā api te tatra śayanaṃ patinā saha / bhaviṣyati durācāre sukhadaṃ na kadācana
53 ॥ लोकापवादाद्यदि चेद्ग्रहीष्यति पतिस्तव । त्वां स्नेहहीनचित्तस्तु न कदाचिन्मिलिष्यति
53 // lokāpavādādyadi cedgrahīṣyati patistava / tvāṃ snehahīnacittastu na kadācinmiliṣyati
54 ॥ नेदृशं दुःखदं किञ्चिद्यादृशं दूरचित्तयोः । दंपकत्योर्मिलनं लोके वैकल्यकरणं महत्
54 // nedṛśaṃ duḥkhadaṃ kiñcidyādṛśaṃ dūracittayoḥ / daṃpakatyormilanaṃ loke vaikalyakaraṇaṃ mahat
55 ॥ एवं बहुविधा वाचः शृण्वाना बन्धुभाषिताः । अधोमुख्यस्रुपूर्णाक्षी बभूवाहं सुदुःखिता
55 // evaṃ bahuvidhā vācaḥ śṛṇvānā bandhubhāṣitāḥ / adhomukhyasrupūrṇākṣī babhūvāhaṃ suduḥkhitā
56 ॥ चेतसार्चितयं चाहं पूर्वलोभेन मुह्यती । न दत्तं कङ्कणं पाणेर्न दत्तं कटिसूत्रकम्
56 // cetasārcitayaṃ cāhaṃ pūrvalobhena muhyatī / na dattaṃ kaṅkaṇaṃ pāṇerna dattaṃ kaṭisūtrakam
57 ॥ न चापि नूपुरे दत्ते येन तुष्टिं व्रजेत्पतिः । धनजीवितयोः स्वामी भर्ता लोकेषु गीयते
57 // na cāpi nūpure datte yena tuṣṭiṃ vrajetpatiḥ / dhanajīvitayoḥ svāmī bhartā lokeṣu gīyate
58 ॥ तन्मयापहृतं वित्तं भवित्री का गतिर्मम । कथं यास्यामि तद्वेश्म कथं संभाषये पुनः
58 // tanmayāpahṛtaṃ vittaṃ bhavitrī kā gatirmama / kathaṃ yāsyāmi tadveśma kathaṃ saṃbhāṣaye punaḥ
59 ॥ यो मया दुष्टया त्यक्तः स प्रत्येति कथं हि माम् । एवं विचिंये यादद्धृदयेन विदूयता
59 // yo mayā duṣṭayā tyaktaḥ sa pratyeti kathaṃ hi mām / evaṃ viciṃye yādaddhṛdayena vidūyatā
60 ॥ वेष्टिता बन्धुवर्गेण तावद्दोला समागता । छत्रेण शशिवर्णेन शोभमाना सुकोमला
60 // veṣṭitā bandhuvargeṇa tāvaddolā samāgatā / chatreṇa śaśivarṇena śobhamānā sukomalā
61 ॥ आस्तृता राङ्कवैः पीनैः पुरुषोर्विधृतांसकैः । ते समागत्य पुरुषाः प्रोचुर्मामसकृच्छभे
61 // āstṛtā rāṅkavaiḥ pīnaiḥ puruṣorvidhṛtāṃsakaiḥ / te samāgatya puruṣāḥ procurmāmasakṛcchabhe
62 ॥ आकारितासि पत्या ते व्रज शीघ्रं मुदान्विता । धनरत्नयुतो भर्ता सद्धिभार्यः समागतः
62 // ākāritāsi patyā te vraja śīghraṃ mudānvitā / dhanaratnayuto bhartā saddhibhāryaḥ samāgataḥ
63 ॥ प्रविष्टमात्रेण गृहे त्वामानेतुं वरानने । प्रेषिताः सत्वरं पत्या संस्थितां पितृवेश्मनि
63 // praviṣṭamātreṇa gṛhe tvāmānetuṃ varānane / preṣitāḥ satvaraṃ patyā saṃsthitāṃ pitṛveśmani
64 ॥ ततो ऽहं व्रीडिता देवि भर्तुस्तद्वीक्ष्य चेष्टितम् । नैवोत्तरमदां तेभ्यः किञ्चिन्मौनं समास्थिता
64 // tato 'haṃ vrīḍitā devi bhartustadvīkṣya ceṣṭitam / naivottaramadāṃ tebhyaḥ kiñcinmaunaṃ samāsthitā
65 ॥ ततो ऽहं बन्धुवर्गेण भूयोभूयः प्रबोधिता । आहूता स्वामिना गच्छ सम्मानेन तदन्तिकम्
65 // tato 'haṃ bandhuvargeṇa bhūyobhūyaḥ prabodhitā / āhūtā svāminā gaccha sammānena tadantikam
66 ॥ स्वामिनाकारिता पत्नी या न याति तदन्तिकम् । सा तु ध्वाङ्क्षी भवेत्पुत्रि जन्मानि दश पञ्च च
66 // svāminākāritā patnī yā na yāti tadantikam / sā tu dhvāṅkṣī bhavetputri janmāni daśa pañca ca
67 ॥ एवमुक्त्वा समाश्वास्य मां गृहीत्वा त्वरान्विताः । दोलामारोप्य गच्छेति प्रोचुः स्निग्धा मुहुर्मुर्हुः
67 // evamuktvā samāśvāsya māṃ gṛhītvā tvarānvitāḥ / dolāmāropya gaccheti procuḥ snigdhā muhurmurhuḥ
68 ॥ ततस्ते पुरुषा दोलां निधायांसेषु सत्वरम् । जग्मुर्महोदयपुरं यत्र तिष्ठति मे पतिः
68 // tataste puruṣā dolāṃ nidhāyāṃseṣu satvaram / jagmurmahodayapuraṃ yatra tiṣṭhati me patiḥ
69 ॥ दृष्टं मया गृहं तस्य सर्वतः काञ्चनावृतम् । आसनीयैश्च भोज्यैश्च धनैर्वस्त्रैर्युतं ततः
69 // dṛṣṭaṃ mayā gṛhaṃ tasya sarvataḥ kāñcanāvṛtam / āsanīyaiśca bhojyaiśca dhanairvastrairyutaṃ tataḥ
70 ॥ अथ सा राक्षसी देवी सा चापि नृपनन्दिनी । प्रीत्या च भक्त्या कुरुतां प्रणतिं मम सुन्दरि
70 // atha sā rākṣasī devī sā cāpi nṛpanandinī / prītyā ca bhaktyā kurutāṃ praṇatiṃ mama sundari
71 ॥ ततस्ताभ्याममहं प्रेम्णा यथार्हमभिपूजिता । भर्तृवाक्येन संप्रीता स्नात्वाभुजं तथाहृता
71 // tatastābhyāmamahaṃ premṇā yathārhamabhipūjitā / bhartṛvākyena saṃprītā snātvābhujaṃ tathāhṛtā
72 ॥ ततो ऽस्तसमयात्पश्चाद्भर्ता चाहूय सत्वरम् । परिष्वज्य चिरं दोर्भ्यां पर्यङ्के संन्यवेशयत्
72 // tato 'stasamayātpaścādbhartā cāhūya satvaram / pariṣvajya ciraṃ dorbhyāṃ paryaṅke saṃnyaveśayat
73 ॥ ततो निशाचरीं राजपुत्रीं चाहूय सो ऽब्रवीत् । भक्त्या युवाभ्यां कर्तव्यमस्याश्चरणसेवनम्
73 // tato niśācarīṃ rājaputrīṃ cāhūya so 'bravīt / bhaktyā yuvābhyāṃ kartavyamasyāścaraṇasevanam
74 ॥ इयं प्राक्कालिकी भार्या ज्येष्ठा च युवयोर्द्भुवम् । पत्युर्वाक्यात्ततस्ताभ्यां गृहीतौ चरणौ मम
74 // iyaṃ prākkālikī bhāryā jyeṣṭhā ca yuvayordbhuvam / patyurvākyāttatastābhyāṃ gṛhītau caraṇau mama
75 ॥ सापत्नभावजामीर्ष्यां परित्यज्य सुलोचने । ततः प्रेष्यान्समाहूय भर्ता मे वाक्यमब्रवीत्
75 // sāpatnabhāvajāmīrṣyāṃ parityajya sulocane / tataḥ preṣyānsamāhūya bhartā me vākyamabravīt
76 ॥ यत्किञ्चिद्रक्षसः पार्श्वान्मया प्राप्तं पुरा वसु । सुतामुद्वहतो राज्ञो यच्च लब्धं मयाखिलम्
76 // yatkiñcidrakṣasaḥ pārśvānmayā prāptaṃ purā vasu / sutāmudvahato rājño yacca labdhaṃ mayākhilam
77 ॥ तत्सर्वं भक्तिभावेन समानयत मा चिरम् । इयं हि स्वामिनी प्राप्ता तस्य वित्तस्य किङ्कराः
77 // tatsarvaṃ bhaktibhāvena samānayata mā ciram / iyaṃ hi svāminī prāptā tasya vittasya kiṅkarāḥ
78 ॥ तद्वाक्यात्सहसा प्रेष्यैः समानीतं धनं शुभे । भर्ता समर्पयामास प्रीत्या युक्तो ऽखिलं तदा
78 // tadvākyātsahasā preṣyaiḥ samānītaṃ dhanaṃ śubhe / bhartā samarpayāmāsa prītyā yukto 'khilaṃ tadā
79 ॥ सत्कृत्य भूषणैर्वस्त्रैख्यलीकेन चेतसा । उभयोस्तत्र पश्यन्त्यो राक्षसीराजकन्ययोः
79 // satkṛtya bhūṣaṇairvastraikhyalīkena cetasā / ubhayostatra paśyantyo rākṣasīrājakanyayoḥ
80 ॥ पर्यङ्कस्थां परिष्वज्य मां चुञ्चुबाधरे शुभे । तद्दृष्ट्वा चाद्भुतं भर्तुर्देहवित्तसमर्पणम्
80 // paryaṅkasthāṃ pariṣvajya māṃ cuñcubādhare śubhe / taddṛṣṭvā cādbhutaṃ bharturdehavittasamarpaṇam
81 ॥ उल्लासकरण वाक्यं करेण कुचपीडनम् । छिन्ना गौरिव खङ्गेन गताः प्राणा ममाभवन्
81 // ullāsakaraṇa vākyaṃ kareṇa kucapīḍanam / chinnā gauriva khaṅgena gatāḥ prāṇā mamābhavan
82 ॥ ततो ऽहं यमनिर्द्दिष्टां प्राप्ता नरकयातनाम् । तामतीत्य सुदुःखार्ता काष्ठीला चाभवं शुभे
82 // tato 'haṃ yamanirddiṣṭāṃ prāptā narakayātanām / tāmatītya suduḥkhārtā kāṣṭhīlā cābhavaṃ śubhe
83 ॥ यास्यामि पुनरेवाहं तिर्यग्योनिं सहस्रशः । या भर्तुर्नापयेद्वित्तं जीवितं च शुभानने
83 // yāsyāmi punarevāhaṃ tiryagyoniṃ sahasraśaḥ / yā bharturnāpayedvittaṃ jīvitaṃ ca śubhānane
84 ॥ सापीदृशीमवस्था वै यास्यत्येव न संशयः । एवं ज्ञात्वानिशं रक्षेत्पत्युर्वित्तं च जीवितम्
84 // sāpīdṛśīmavasthā vai yāsyatyeva na saṃśayaḥ / evaṃ jñātvāniśaṃ rakṣetpatyurvittaṃ ca jīvitam
85 ॥ पतिर्माता पिता वित्तं जीवितं च गुरुर्गतिः
85 // patirmātā pitā vittaṃ jīvitaṃ ca gururgatiḥ
86 ॥ प्रयाति नारी बहुभिः सुपुण्यैः सहैव भर्त्रा स्वशरीरदाहात् । विष्णोः पदं वित्तशरीरलुब्धा प्रयाति यामीं च कुयोनिपीडाम्
86 // prayāti nārī bahubhiḥ supuṇyaiḥ sahaiva bhartrā svaśarīradāhāt / viṣṇoḥ padaṃ vittaśarīralubdhā prayāti yāmīṃ ca kuyonipīḍām