Chapter 219

॥ इति श्रीस्कान्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे जामदग्न्यतीर्थमाहात्म्यवर्णनं नामाष्टादशाधिकद्विशततमो ऽध्यायः ॥ RKV अध्याय 219 श्रीमार्कण्डेय उवाच: नर्मदादक्षिणे कूले तीर्थं कोटीश्वरं परम् । यत्र स्नानं च दानं च सर्वं कोटिगुणं भवेत्

|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe jāmadagnyatīrthamāhātmyavarṇanaṃ nāmāṣṭādaśādhikadviśatatamo 'dhyāyaḥ || RKV adhyāya 219 śrīmārkaṇḍeya uvāca: narmadādakṣiṇe kūle tīrthaṃ koṭīśvaraṃ param / yatra snānaṃ ca dānaṃ ca sarvaṃ koṭiguṇaṃ bhavet

तत्र देवाः सगन्धर्वा ऋषयो ये तथामलाः । कोटितीर्थे परां सिद्धिं सम्प्राप्ता भुवि दुर्लभाम्

tatra devāḥ sagandharvā ṛṣayo ye tathāmalāḥ / koṭitīrthe parāṃ siddhiṃ samprāptā bhuvi durlabhām

स्थापितश्च महादेवस्तत्र कोटीश्वरो नृप । तं दृष्ट्वा देवदेवेशं सिद्धिं प्राप्नोत्यनुत्तमाम्

sthāpitaśca mahādevastatra koṭīśvaro nṛpa / taṃ dṛṣṭvā devadeveśaṃ siddhiṃ prāpnotyanuttamām

तत्र तीर्थे तु यत्किंचिच्छुभं वा यदि वाशुभम् । क्रियते तन्नृपश्रेष्ठ सर्वं कोटिगुणं भवेत्

tatra tīrthe tu yatkiṃcicchubhaṃ vā yadi vāśubham / kriyate tannṛpaśreṣṭha sarvaṃ koṭiguṇaṃ bhavet

तत्र दक्षिणमार्गस्था ये केचिन्मुनिसत्तमाः । सिद्धा मृताः पदं यान्ति पितृलोकं ध्रुवं हि ते

tatra dakṣiṇamārgasthā ye kecinmunisattamāḥ / siddhā mṛtāḥ padaṃ yānti pitṛlokaṃ dhruvaṃ hi te

उत्तरं नर्मदाकूलं ये श्रेष्ठा मुनिपुंगवाः । देवलोकं गताः पूर्वमिति शास्त्रस्य निश्चयः

uttaraṃ narmadākūlaṃ ye śreṣṭhā munipuṃgavāḥ / devalokaṃ gatāḥ pūrvamiti śāstrasya niścayaḥ