Chapter 81

॥ इति श्रीस्कान्दे महापुराण एकाशीतिसाहस्र्यां संहितायां पञ्चम आवन्त्यखण्डे रेवाखण्डे नन्दिकेश्वरतीर्थमाहात्म्यवर्णनं नामाशीतितमो ऽध्यायः ॥ RKV अध्याय 81 श्रीमार्कण्डेय उवाच: ततो गच्छेन्महाराज वरुणेश्वरमुत्तमम् । यत्र सिद्धो महादेवो वरुणो नृपसत्तम

|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe nandikeśvaratīrthamāhātmyavarṇanaṃ nāmāśītitamo 'dhyāyaḥ || RKV adhyāya 81 śrīmārkaṇḍeya uvāca: tato gacchenmahārāja varuṇeśvaramuttamam / yatra siddho mahādevo varuṇo nṛpasattama

पिण्याकशाकपर्णैश्च कृच्छ्रचान्द्रायणादिभिः । आराध्य गिरिजानाथं ततः सिद्धिं परां गतः

piṇyākaśākaparṇaiśca kṛcchracāndrāyaṇādibhiḥ / ārādhya girijānāthaṃ tataḥ siddhiṃ parāṃ gataḥ

तत्र तीर्थे तु यः स्नात्वा संतर्प्य पितृदेवताः । पूजयेच्छङ्करं भक्त्या स याति परमां गतिम्

tatra tīrthe tu yaḥ snātvā saṃtarpya pitṛdevatāḥ / pūjayecchaṅkaraṃ bhaktyā sa yāti paramāṃ gatim

कुण्डिकां वर्धनीं वापि महद्वा जलभाजनम् । अन्नेन सहितं पार्थ तस्य पुण्यफलं शृणु

kuṇḍikāṃ vardhanīṃ vāpi mahadvā jalabhājanam / annena sahitaṃ pārtha tasya puṇyaphalaṃ śṛṇu

यत्फलं लभते मर्त्यः सत्रे द्वादशवार्षिके । तत्फलं समवाप्नोति नात्र कार्या विचारणा

yatphalaṃ labhate martyaḥ satre dvādaśavārṣike / tatphalaṃ samavāpnoti nātra kāryā vicāraṇā

सर्वेषामेव दानानामन्नदानं परं स्मृतम् । सद्यः प्रीतिकरं तोयमन्नं च नृपसत्तम

sarveṣāmeva dānānāmannadānaṃ paraṃ smṛtam / sadyaḥ prītikaraṃ toyamannaṃ ca nṛpasattama

तत्रतीर्थे मृतानां तु नराणां भावितात्मनाम् । वरुणस्य पुरे वासो यावद् आभूतसंप्लवम्

tatratīrthe mṛtānāṃ tu narāṇāṃ bhāvitātmanām / varuṇasya pure vāso yāvad ābhūtasaṃplavam

पश्चात्पूर्णे ततः काले मर्त्यलोके प्रजायते । अन्नदानप्रदो नित्यं जीवेद् वर्षशतं नरः

paścātpūrṇe tataḥ kāle martyaloke prajāyate / annadānaprado nityaṃ jīved varṣaśataṃ naraḥ